25 Qershor 2019

Mbollët erë, tani korrni furtunë

Letër e hapur Hashim Thaqit dhe Kadri Veselit

Shkruar nga Sherif Krasniqi

Të nderuar zotërinj,

Këtyre ditëve, kur mbi ju janë sulur shumë hijena që po i duan kokat tuaja, më e pakta që mund të prisni nga unë është kjo “akuzë” publike që sot do t’ua bëjë.

Më vije keq që po ju drejtohem kështu me këtë letër të hapur, për t’ju thënë diçka e shumë çka.

Një fjalë e urtë e popullit tonë thotë: çka të mbjellësh - do të korrësh! Ju mbollët erë, tani korrni furtunë! Më duhet t’ju them se, sot po ju vret buka juaj. Prandaj, kujdes, se, siç thotë populli, mëkati i bukës peshon randë!

E, si u bë kjo punë!?

Për 20 vjet ju i ndatë vlerat e luftës, të lirisë dhe të shtetndërtimit me njerëz të gabuar; me ata të cilët gjithmonë ia kanë kthyer shpinën këtij populli e këtij vendi, e kanë tradhëtuar këtë popull e këtë vend sa herë kanë dashur, dhe të mirat e tij i kanë keqpërdorur për qëllimet tyre të errëta.

Pak është t’ju thuhet: “tani mirë po ua bëjnë”!

Ju i besuat hijenave të politikës; atyre të cilët kurrë nuk besuan në idealin e lirisë dhe të pavarësisë së Kosovës; ju i besuat atyre që gjithmonë ju kanë parë e ju kanë trajtuar me përbuzje e dyshim!

Veprimtaria juaj çerekshekullore në shërbim të lirisë dhe shtetndërtimit, në sytë e tyre s’ka qenë tjetër veçse tallje e përbuzje ... dhe ju këtë kurrë s’e kuptuat ... ndoshta e keni kuptuar - e nëse është kështu - aq më keq, sepse na mashtruat edhe ne bashkëluftëtarëve tuaj.

Sot përball jush i kanë hequr maskat shumë hijena të politikës, shumë argatë mediatikë të dreqit e të birit, shumë mercenarë të drejtësisë e të pushtetit ... dhe po kërkojnë kokat tuaja. Tani ata po i tregojnë fytyrat e vërteta.

Në krye të krejt kësaj maskarade s’ka se si të mos jetë vetë kryeideatori dhe kryefrymëzuesi u luftës së përheshme kundër lirisë dhe pavarësisë së Kosovës: Veton Surroi, ndërkaq pas tij radhiten edhe dhejtëra sivëllezër të tij që flasin shqip por mendojnë serbisht.

Sot nuk dua ta bëjë avokatin për ju, por dua t’ju sjell ndërmend disa “mëkate” që i bëtë për këto 20 vjet.

Në fushën e politikës ju jo vetëm që i amnistuat argatët e devotshëm të Titos e Millosheviqit, por atyre u rezervuat edhe privilegje.

Në kohën kur mësuesit dhe frymëzusit e vërtetë të idealeve tuaja kombëtare dergjeshin të injoruar dhe të harruar nga shteti (larg nga Qeveria, nga Parlamenti, nga Presidenca), ju u pajtuat që në krye të isntitucioneve të viheshin ish-komunstët dhe aparatçikët e Serbisë.

U bëtë të verbër dhe nuk patë, siç thotë populli “nasihat” kur në majën e pushtetit të drejtësisë përsëri erdhën argatët e devotshëm të Lidhjes së Komunistëve Jugosllav.

U bëtë të verbër dhe nuk patë “nasihat” kur këta ish-argatë të Serbisë iu sulën shokëve tuaj të luftës, duke i dënuar me burgje sikur në vitin 1981.

As nuk ishte parë e as nuk ishte dëgjuar kurrkund: prokurorët e kohës së Titos e të Millosheviqit sërish i ndiqnin shqiptarët pa kurrfarë mëshire; ata i dënuan pamëshirshëm ish-luftëtarët e UÇK-së sipas devizës serbe: “dënoni pa mëshirë qytetarët e rendit të dytë”!

Djemtë e luftës u ndoqën nga këta prokurorë pa kurrfarë mëshire, ndërkaq dosjet e kriminelëve serbë i hodhën pas shpine. Për turpin e Zotit, kryesit serbë të masakrave mbi popullin tonë u falën, por jo dhe luftëtarët e lirisë.

Zotërinj, Thaçi e Veseli, gjallë keni qenë ju në atë kohë, tash ata po i duan kokat tuaja. Jugosllavët nuk ju falin!

UJDI-i (Udruzenje za Jugosllvavensku Demokratiku Inicijativu) nuk ju falë për të bëmat tuaja, sespe ju dhe ish-luftëtarët e UÇK-së e keni rrënuar ëndrrën jugosllave.

A e shihni se sa me pezm po reagon kompania e Veton Surroit “Koha Group” tani kur ka një përpjekje dhe një bashkërendim të klasës politike për ta institucionalizuar kërkesën e drejtë të Kosovës për ta dëshmuar e dokumentuar krimin e gjenocidit të Serbisë mbi shqiptarët?

Streha e jugosllavëve “Koha Group Company” është e shqetësuar për faktin se shprushja në të kaluarën rrënon mitin e rrejshëm të Surroit dhe sivellezërve të tij ideologjikë e politikë.

A e shihni se sa me pezm dhe nervozë reagon Surroi dhe sivëllezërit e tij ideologjikë e politikë sa herë që ka përpjekje brenda shoqërisë kosovare për të nisur një proces purifikimi nga e kaluara, një proces të çeljes së dosjeve dhe vetting-ut?

Surroi e din mirë se çfarë të zezash fshihen në dosjet e së kaluarës, sidomos për babanë e tij (biologjik), komunist dhe shërbëtor të Serbisë gjerë në grahmën e fundit, për babanë e tij politik dhe ideologjik, Fadil Hoxhën, mbi të shpirtin e të cilit rëndon gjaku i dhjetëra mijërave shqiptarëve të masakrave të Anamoravës e Drenicës nga viti 1945 deri më 1949.  
        
Qershori i vitit 1999 Veton Surroin e gjeti, si i thonë një fjale popullore, pa brekë, por në vitin 2007 pasuria e tij u bë 40 milionëshe. Si u bë kjo punë kështu? Gjatë kësaj kohe kush përfitoi dhe si përfitoi?

Si i bëri Veton Surroi vetëm për më pak se 10 vjet 40 milionë pasuri? Kjo mbase kurrë nuk do të merret vesh, sepse zagarët e drejtësisë “qëlluan” shokë ideologjikë të tij e sidomos të të babllarëve të tij.

Veton Surroi nuk ju falë sepse ai me kohë e ka quajtur luftën tuaj fashiste, tek ju ai ka parë gjithmonë rrezikun e të bërit Kosovën Shqipëri.

E, të bërit Kosovën Shqipëri është makthi më i madh për Veton Surroin. Ëndrra e tij e madhe nuk është shqiptarët në një shtet, por jugosllavët në një shtet.
 
Surroi nuk ju falë, sidomos për luftën tuaj, sepse ajo i dha fund administrimit të shtetit serb dhe Kosova u bë zojë më vete. Lufta e juaj bëri që të dështojë projeksioni autonomist i Surroit dhe i shumë shokëve të tij.

Surroi nuk ju duron dot të jeni në ballë të këtij vendi, për shkak se, siç e ka thënë aq shpesh, sidomos në librat e tij, ju jeni “historianë” nga Drenica, e ai është djalë sheherliu.

Nuk ju duron Veton Surroi, sepse ai është bir i një sëre që ka shërbyer në të gjitha oborret e sunduesve të këtij populli, që prej krajlit të Serbisë, të Rankoviqit e të Titos, e deri tek zyrat e shokut Azem Vllasi e Rrahman Morina. 

Dhe mirë ua bënë që s’ju duron, sepse pas luftës ju i amnistuat të gjithë gjyhnaçarët e zullumçarët e lirisë së Kosovës.

Edhe “babain” politik e ideologjik të Veton Surroit, Fadil Hoxhën, ju e falët. Ju e falët atë për mëkatet e tij të tipit “bira e minit shtaqind grosh”, bile e varrosët në Gjakovë me nderime ushtarake të Ushtrisë së Kosovës. A e meritoi atë nderë Fadil Hoxha?

Dhe mirë ua bënë që s’ju duron tani pinjolli i Fadil Hoxhës Veton Surroi, sespe media e tij (në të cilën ju ende shkoni sikur në Teqe të Babës Sheh) gjithmonë ka qenë për juve sikur dera e UDB-së.

Sot ajo media është vënë në krye të një lufte speciale për t’ju diskredituar publikisht, dhe atë me çdo kusht, duke inskenuar e fabrikuar informacione të pavërteta, krejt sipas shkollës së TANJUG-ut.

E, si u bë kjo punë!?

Pasuria 40 milionëshe e Surroit të mos quhet hajni e korrupsion?

Të bëmat e tij politike në dëm të lirisë dhe pavarësisë së Kosovës askush të mos guxojë t’i hetojë?

Për shpifjet, falsifikimet, manipulimet, shantazhet me videoincizime etj., të cilat po terrorizojnë opinionin, askush të mos kërkojë llogari dhe përgjegjësi?

Ku është Këshilli i Mediave, ku është Prokuroria, pse heshtin? Si u bë kjo punë, kush e paska kapur shtetin?

Të nderuar zotërinj, Thaçi e Veseli, përderisa institucionet që ju drejtoni nuk arrijnë t’i dënojnë krimet e të gjitha ngjyrave e fyryrave, qofshin ato të tito-komunistëve, qofshin ato të socialistëve të Millosheviqit, shoqëria e Kosovës dhe sistemi ynë shtetëror do të mbeten peng e hipotekave të së kaluarës.

Dhe e fundit, përderisa institucionet që ju i drejtoni nuk arrijnë që ta dëshmojnë dhe dokumentojnë të vërtetën e së kalurës, ju do të vazhdoni të jeni njerëzit më të keqkuptuar të historisë më të re shqiptare.

Për argatët kosovarë të Serbisë, për sa të jeni gjallë, do të jeni vrasës, kriminelë, e çka mos tjetër.

Është koha e fundit që  seriozisht t’i kundërviheni këtyre hijenave me guxim për të vëretën.

/Autori është mësues veteran, ish-i burgosur politik dhe ish-ushtar i UÇK-së/

 

Kalendari

Ngjarjet e datës 25 qershor 2019 - Ministri i Punëve të Jashtme i Republikës së Kosovës, Behgjet Pacolli do ta presë në takim ministren e Punëve të Jashtme të Norvegjisë, Ine Eriksen Søreide. (Hapësirat e MPJ-së, ora 8:30)

- The Siracusa International Institute for Criminal Justice and Human Rigths, një Organizatë Joqeveritare italiane organizon Dialogun Strategjik Kombëtar mbi temën e luftës kundër trafikut të paligjshëm. (Hotel Swiss Diamond, ora 9:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesat e Këshillit Kombëtar Shqiptar nga vizita e përbashkët e realizuar në Luginë të Preshevës (Ndërtesa e Kuvendi, salla C 203, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do publikohet raporti analitik: “Dështimet në rastet e shënjestruara”. (Hotel Sirius, ora 10:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë Shkollën Fillore dhe të Mesme të Ulët “Pjetër Bogdani” në Prishtinë, ku do të bëhet dorëzimi i pajisjeve për klubet e mediave, që është donacion i GIZ-it.  (Shkolla “Pjetër Bogdani”, ora 10:00)

- Koalicioni i OJQ-ve për Mbrojtjen e Fëmijëve në Kosovë organizojnë konferencën për media lidhur me Projektligjin për Mbrojtjen e Fëmijëve. (Sheshi “Ibrahim Rugova” përpara objektit të Kuvendit të Republikës së Kosovës, ora 10:00)

- Kryeministri Ramush Haradinaj pret në takim Ministren e Punëve të Jashtme të Norvegjisë, Ine Eriksen. (Ndërtesa e Qeverisë, ora 10:05)

- Kompania Rajonale e Ujësjellësit Prishtina organizon ceremoninë me rastin e shënimit të ditës më të madhe për qytetarët e Fushë Kosovës, lëshimin në funksion të linjës magjistrale për furnizim 24 h me ujë të pijshëm. (Rr. Hajrullah ZymiFushë Kosovë, ora 10:30)

- Drejtoria e Emergjencës dhe Sigurisë në Komunën e Prizrenit organizon aktivitete solemne me rastin e Ditës së Zjarrfikësve të Prizrenit duke filluar me defileun e automjeteve dhe mjeteve zjarrfikëse në unazën e qytetit. (Nisja nga objekti i Shërbimit Zjarrfikës në Prizren, ora 11:00)

- Ministria e Punëve të Brendshme së bashku me UNDP do të organizojnë konferencën për media për vazhdimin e kampanjës për legalizimin e armëve. (Objekti qendrorë i MPB-së, salla P-02, ora 11:00)

- Kryetari Shpend Ahmeti takohet me Kryetarin e qytetit të Des Moines, Iowa të SHBA,  Thomas  Cownie. (Ndërtesa e vjetër e Komunës, ora 11:00)

- Drejtoria e Administratës në Komunën e Prizrenit në bashkëpunim me OJQ Nevo Koncepti organizon tryezë diskutimi me temën Trajtimi i Fëmijëve në Raste të Dhunës dhe Abuzimit. (Hotel Centrum, ora 11:00)

- Ministri i arsimit, Shyqiri Bytyqi raporton para Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me tekstet e reja shkollore. (Ndërtesa e Kuvendit, salla N 303, ora 12:00)

- Drejtoria e Emergjencës dhe Sigurisë në Komunën e Prizrenit bën demonstrimin i ushtrimeve të kërkim-shpëtimit dhe shuarjes së zjarrit në objektin e shkollës fillore “Heronjtë e Lumës” në fshatin Vërmicë. (Vërmicë, ora 12:00)

- Balkan Green Foundation, Instituti GAP, Grupi për Studime Juridike dhe Politike dhe Instituti për Politika Zhvillimore organizojnë tryezën e rrumbullakët "Kapacitetet e energjisë së ripërtëritshme dhe kost-efektiviteti i tyre,". (Hotel Sirius, ora 13:00)

- Ministri i Ministrisë së Infrastrukturës dhe Transportit, Pal Lekaj raporton para Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me monopolin në fushën e homologimit të veturave. (Ndërtesa e Kuvendit, salla N 303, ora 13:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)

- Banka Evropiane për Rindërtim dhe Zhvillim organizon ceremoninë e nënshkrimit të kredisë prej 18 milionë eurosh që BERZH-i i ka dhënë parkut energjetik me erë të Kitkës. (Hotel Sirius, ora 15:00)

- Kryeministri Ramush Haradinaj merr pjesë në Ekspozitën e Artizanaleve të ndryshme, nga organizata e grave “Orkide”, në Prizren. (Qendra Kulturore “Yunus Emre”, Prizren, ora 18:00)

- Kryeministri Ramush Haradinaj merr pjesë në shënimin e Javës Egjiptiane në Gjakovë. (Pallati i Kulturës “Asim Vokshi”, Gjakovë, ora 19:00)

- Shkolla Amerikane e Kosovës organizon Inagurimi i kampusit të ri të Shkollës Amerikane të Kosovës. (Shkolla Amerikane e Kosovës, Shkabaj, Prishtinë, ora 20:00)