24 Tetor 2018

Kur do të votojnë mërgimtarët në Ambasada të Shtetit

Shkruar nga Gani Qarri

Të gjitha ambasadat dhe konsullatat e shteteve tjera demokratike evropiane e më gjerë, sa herë mbahen zgjedhje të lira në vendet e tyre, ato brenda ambienteve të objekteve që kanë, vendosin kutitë e votimit dhe mërgimtarët mund të votojnë aty, si në atdheun e vet. Organizime të tilla kaq praktike, për fat të keq ende nuk mundësohen edhe për mërgimtarët shqiptarë,ani pse në përfaqësitë e shteteve tjera, kanë pasur gjithmonë sukses dhe mbarëvajtje të veçantë të votimeve me këtë mënyrë.

Përkundrazi, sa u takon votave të diasporës, ato pothuajse asnjëherë nuk arrijnë si duhet në vend, nuk kalohen pa ankesa e kundërshtime sado të vogla, qoftë edhe për atë "grusht" votash dhe krejt ato pak sosh, që për momentin vijnë nga mërgimtarët, siç ndodh aktualisht edhe në Istog apo qytetin e Burimit.

Në fushatat paraelektorale, për mobilizimin e votuesve, kudo bëhen thirrje nga partitë politike që të votohet, aty këtu shpjegohen edhe mënyrat se si duhet votuar, madje përmenden shkaqe e jepen edhe arsyetime gjithandej se pse duhet të dilet sa më masovikisht në zgjedhje.

Por ajo që gjatë gjithë këtyre viteve i mungon mërgatës dhe nuk u tha as sqarua asnjëherë nga qeveritë e vendit, është fakti se pse edhe Ambasadat dhe Konsullatat e Kosovës, ende nuk hapin dyert për mërgimtarët, që edhe ata të mund të votojnë brenda ambienteve të përfaqësive të shtetit të vet, siç veprohet nga të gjitha shtetet tjera në rajon e më gjerë.

Madje, megjithëse po bëhen gati 10 vite, që jemi shtet i pavarur dhe kemi hapur përfaqësitë tona pothuajse në të gjitha vendet evropiane, e në shumë sosh kemi edhe nga disa përfaqësi diplomatike, megjithatë, ende asnjëra nga to, asnjëherë nuk hapi dyert për votuesit në diasporë.

Në fakt, mesa dimë ne, deri më tani, asnjëra nga qeveritë që ishin në pushtet, nuk bëri përpjekjen më të vogël që edhe diasporës shqiptare ti krijohen kushte të tilla për votim.

Kjo vërtetë është jo vetëm e dhembshme por disi edhe tragjikomike, kur dihet që me gjithë dëshirën e madhe dhe pritjet e arsyeshme të ëndërruara për vite e dekada me radhë nga mërgimtarët, shumica prej tyre, shkaku i pengesave të panumërta, procedurave të lodhshme e të stërzgjatura, si dhe mënyrave të komplikuara të votimit, gati deri në moskuptim, nuk mundën asnjëherë ta shprehin vullnetin e tyre, as patën mundësi të votojnë, në cilat do zgjedhje që tash e sa vite, mbahen në shtetin tonë të lirë.

Madje, edhe ato fletëvotime të cilat dërgohen nga diaspora dhe arrijnë ti mbijetojnë udhëtimit deri në Kosovë, shumica sosh ose shpallen të pavlefshme ose edhe keqpërdoren, qoftë gjatë rrugëtimit apo edhe vet procedimit në vend, duke ua ndërruar kahen e ndryshuar edhe vullnetin e votuesve jashtë vendit.

Ndaj është koha e fundit, që edhe Kosova ,njëjtë si vendet tjera evropiane dhe ato evro-juglindore, të përgatisë përfundimisht listat e votuesve nga mërgata dhe mundësojnë bashkëkombësve në diasporën kudo, që të votojnë në ambientet e përfaqësive tona diplomatike, si Ambasadat dhe Konsullatat e shtetit.

E po pati vullnet, mundësitë ekzistojnë,sot vetëm në Zvicër kemi mese tri përfaqësi të shtetit tonë, Ambasadën në kryeqytetin helvetik në Bernë dhe dy konsullata,një në Cyrih e një tjetër në Gjenevë, të cilat kur kihen parasysh edhe lidhjet e mira dhe transporti i përsosur publik që ekziston këtu, mund të mbulojnë fort mirë e lehtë dhe pa asnjë problem të gjithë hapësirën me mërgimtar që janë të interesuar të votojnë. 

Madje, pas vendimit që shteti të organizojë votimet për diasporën, nëpër objektet e ambasadave dhe konsullatave të veta edhe mundësia për manipulime do të bëhej tejet më e vogël,do të garantohej votimi i lirë për mërgimtarët, pamundësohet ndërrimi i kahes së votës, pengohet shitblerja e saj dhe evidentohet më lehtë e më saktë, ndryshimi  eventual i “dhunshëm” i vullnetit të qytetarit,siç pretendohet aktualisht në të gjitha përfundimet elektorale, do të rritej pjesëmarrja në zgjedhje dhe sigurohej një votim vërtetë i dinjitetëshëm edhe për qytetarët e Kosovës,jashtë vendit.

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)