07 Korrik 2020

Intelektualët në gjumë, Al Kaponet e Kosovës sundojnë egërsisht

Shkruar nga Ali Hertrica

Kjo klasë e të inkriminuarve nuk ka se çka të kremtojë pavarësinë, pasi shteti ka pasur degradim total.

Këta politikanë e shndërruan shtetin në mafi të tipit të Al Kapones, ku për të gjitha këto dukuri më negative të shoqërisë moderne haraçin po e paguan qytetari i pambrojtur nga askush.

Edhe pse Kosova po kalon periudhën më të rëndë që nga shpallja e pavarësisë, shtresa intelektuale duket më e heshtur se kurrë,pyesim se edhe çfarë të këqijash do t'u ndodhin qytetarëve të Kosovës për ta flakur këtë pushtet dhe këtë klasë politike të inkriminuar, që po e zhbën shtetin.

Ata pyesin se përse nuk po ngritën intelektualët e vendit, patriotët e vërtetë, për të shporrur këto keqqeverisje dhe për ta larguar këtë klasë politike me protesta e votë, por njëkohësisht për të formuar alternativa politike thotë se populli duhet të ndërgjegjësohet se protestat e thirrura nga partitë opozitare shërbejnë për të ndryshuar gjendjen aktuale politike dhe sociale në vendin ku është kapur shteti nga kjo kastë e gastarbajterëve dhe oligarkëve.

"Duhet ta kuptojnë që nëse dikush të vendosë flamurin në dorë dhe të thotë tunde, domethënë që po e tund për atë dhe jo për vete, por për qytetarin dhe shtetin. Pas protestës, si gjithmonë, në vendin tonë do të përballemi me të njëjtin realitet të padrejtë që e krijojmë vetë ne si shoqëri.


Kosova u bë një Eldorado e krimit të organizuar

Kapja e shtetit të Kosovës u bë nga politikanët tërësisht të inkriminuar për të gjitha këto vite të pasluftës, të cilët e shndërruan Kosovën në një "oazë" të krimit të organizuar në të gjithë sektorët e shtetit dhe një lloj Eldoradoje të krimit të organizuar në çdo sektor.

"Kemi dështime në politikën e jashtme, pasi Kosova është lënë jashtë strategjisë së integrimeve evropiane. Në mesin e dështimeve, ata përmendin mungesën e liberalizimit të vizave.

Të gjitha këto politika ndikojnë në shkatërrimin e shtetit. Politikën e jashtme janë duke e udhëhequr njerëzit më injorantë të shtetit, të cilët madje nuk dinë edhe as të flasin mirë shqip, e lëre më që të menaxhojnë një politikë të nivelit evropian, sepse nga mosaftësia e këtyre politikëbërësve ne nuk jemi as për së afërmi në organizatat ndërkombëtare, sikur që janë UNESCO dhe Interpoli.

Kjo klasë e të inkriminuarve nuk ka se çka të kremtojë në  pavarësinë, pasi shteti ka pasur degradim total.

Këta politikanë e shndërruan shtetin në mafi së tipit të Al Kapones, ku për të gjitha këto dukuri më negative të shoqërisë moderne haraçin po e paguan qytetari i pambrojtur nga askush.

Akademia e Shkencave dhe e Arteve e Kosovës, e cila normalisht do të duhej të mos heshtte, po luan rol negativ duke qenë kaq pasiv.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)