26 Shkurt 2021

Gjilani është në front të përbashkët e pa dallime politike kundër pandemisë

Gjilan, 17 prill - Komiteti për Menaxhimin e Emergjencave në Gjilan që merret me parandalimin e përhapjes së coronavirusit, ka bërë vlerësimet e hershme në mëngjes dhe nga rezultatet që kanë dalë në mbramjen e kaluar.

Kryetari Lutfi Haziri, ka thënë se këto tri raste janë infektim në bazë të kontaktit, kryesisht me familjarët e tyre të infektuar.

“Rasti i ri në Lladovë është nga kontakti me babain, rasti në Arbëri është nga kontakti me vajzën dhe rasti i tretë është kontakti me një familjar të të infektuarit. Komuna e Gjilanit ka marrë masat e izolimit total të këtyre familjeve dhe do t’i nënshtrohen testit sipas vlerësimeve të profesionistëve. Nuk ka vend për shqetësim, sepse ky virus menaxhohet nëse bashkërisht u përmbahemi strikt rregullave të ndërmara nga Ministria e Shëndetësisë dhe Komuna e Gjilanit”, ka thënë kryetari Haziri, pas konferencës për media.

Kryetari Haziri ka potencuar edhe takimin që kishte sot me shefat e partive politike, ku ka potencuar angazhimin e përbashkët dhe pa dallime në frontin e madh kundër pandemisë Covid – 19, por edhe duke koordinuar që të gjitha aktivitetet edhe në këtë kohë të zhvillohen.

I pari i Gjilanit, ka bërë thirrje të përgjithshme për përmbajtje dhe respektim të orarit sipas numrit dhe detajeve që ka dhënë Ministria.

“Ju lutemi të përmbaheni dhe ta respektoni orarin të bazuar në numrin tuaj të letërnjoftimit. Të gjitha rastet tjera që kanë nevojë, për punë në bujqësi, për furnizime, për prodhim, për ekonomi private dhe për nevoja shëndetësore, Komuna e Gjilanit lëshon leje të veçanta, në mënyrë që të mos pengoj askend në realizimin e qëllimeve të veta”, ka Haziri.

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Partia Socialdemokrate do të mbaj një aktivitet pranë objektit të Komunës së Prishtinës. (Objekti i Komunës së Prishtinës, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)