20 Shkurt 2020

Binomi Fatmir Sejdiu – Sali Berisha

Shkruar nga Gazmend Morina

Po luhet një lojë djallëzore nga LDK-ja (Fatmir Sejdiu & Co.). Kjo lojë (luftë) po bëhet kundër disa deputetëve të Kuvendit të Kosovës. Pra, ndaj atyre që duhet (në demokraci) të jenë përfaqësues direkt të popullit.

Presionet e vazhdueshme që po i bënë LDK-ja (me përkrahjen heshtazi të PDK-së) ndaj deputetëve të Kuvendit të Kosovës që kanë dhënë nënshkrimet për ta çuar në Gjykatë Kushtetuese, çështjen se a është duke e shkelur Presidenti Fatmir Sejdiu, Kushtetutën e Republikës së Kosovës, nuk duken ndryshme veçse si frikë nga interpretimi i Kushtetutës.

 Çka e kanë gjithë këtë siklet.

 Në fund të fundit,  për hir të korrektësisë, vetë deputetët e LDK-së është dashur t’i përgjigjen pozitivisht iniciativës së deputetit Naim Rrustemi. Nëse vazhdimisht me këmbëngulësi thonë se Presidenti Sejdiu, me ngrirjen e postit në LDK e ka shmangur shkeljen e Kushtetutës, atëherë pse kjo të mos vërtetohet nga Kushtetuesja.

Duke ndjekur lajmet në TV, pashë kryetarin e grupit parlamentar të LDK-së, z. Ismet Beqiri, duke u përgjigjur në një pyetje të një gazetari për presion ndaj tre deputetëve serb. Nëse mund ta parafrazoj, z. Beqiri tha se vetëm ka biseduar me ta dhe ua ka bërë të qartë mendimin e tij se Presidenti nuk është duke e shkelur Kushtetutën. Por pse z. Beqiri, nëse është kaq shumë i bindur se Presidenti po e respekton Kushtetutën, s’po e ndihmon këtë iniciativë dhe t’ua mbyllë gojën njëherë e përgjithmonë opozitës. Nuk e bënë këtë veprim sepse ka (kanë) frikë nga interpretimi i Kushtetutës.

Pra, në Kosovë kemi kësi lloj politikanësh që ja kanë frikën Kushtetutës.

E atëherë, çfarë përfaqësimi mund të presin votuesit nga Ju? Kurrfare hiq.

Krejt kjo më ngjason në qëndrimin e Kryeministrit të Shqipërisë, z. Sali Berisha dhe partisë së tij, për mos hapjen e kutive të votimit të vitit të kaluar. Por këta nuk duan t’i hapin kutitë e votimit, se vlerësojnë që kinse me hapjen e tyre e shkelin Kushtetutën. E që qëndrim krejt të kundërt mbanë Partia Socialiste.

Për këtë çështjen e hapjes së kutive të votimit në Shqipëri, një mik i imi ma tregoj një ndodhi: “Ishte një person, që akuzohej nga një tjetër person që i ka vjedh pare dhe i kishte fshehur në xhep. Mirëpo, ky pasi lejoj t’i kontrollohen xhepat nga një person i tretë dhe s’kishte asgjë në ta, akuzuesi insistonte që edhe ai vetë t’ia kontrollonte xhepat. Ky personi i akuzuar i tha që nëse dëshiron, edhe njëqind herë do t’i tregonte xhepat e zbrazur të tij”. Me siguri se ishte i bindur në pafajësinë e tij.

Ndërsa z. Berisha siç po shihet nuk është shumë i bindur në pafajësinë e tij për zgjedhjet e vitit të kaluar.

Nga kjo që thashë më lartë mund të vijmë në përfundim, se Kryetari i Kosovës dhe Kryeministri i Shqipërisë intimisht ndjehen fajtor, sepse vetëm nga një veprim i tyre (interpretimi kushtetues i çështjes “Sejdiu” dhe hapja e kutive të votimit) do t’i shuante një herë e mirë zërat kundër tyre.


Për fund më duhet të them, se ajo çka e bënë dallimin në shikim të parë mes partive kryesore në Shqipëri dhe këtyre në Kosovë, është se këto të Shqipërisë të paktën deri tash po i rezistojnë presionit ndërkombëtar, deri në një masë të caktuar. Ndërsa këto partitë tona sillen krejt me servilizëm ndaj thuajse çdo zyrtari të huaj në Kosovë (ama të shteteve mike).

(Autori është Enigmat dhe vazhdon studimet Master në Fakultetin Juridik të Universitetit të Prishtinës - Drejtimi Juridiko-Financiar)
 

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)