14 Dhjetor 2018

Agjencioni Kosovar i Privatizimit, ky dinosaur i ekonomisë

Shkruar nga Izet Abdyli

I krijuar menjëherë pas lufte nga UNMIK -u si institucion i përkohshëm me qëllim privatizimi dhe rivitalizimi të ekonomisë së Kosovës, në fakt mori krejt kahje tjetër.

Qindra objekte të gatshme ekonomike e mijëra hektarë tokë pune, jo që nuk u aktivizuan por përkundrazi u shkatrruan apo ju ndërru destinimi.

Edhe ish-punëtorët e këtyre ndermarrjeve u mashtruan me kompenzimin e 20 përqindëshit të cilin nuk e morën kurrë në tërësi e të mos flasim për angazhimin e tyre punë.

Shumicës së objekteve iu ndërru destinimi, edhe toka e blerë bujqësore me çmime simbolike u shëndërrua në tokë ndërtimore duke dhjetfishuar çmimin e blerjes.

Fundja nuk është prit më shumë, ngase shumica e përfituesve nuk ishin firma të dëshmuara të biznesit, por profiterë të çastit që kishin mbështetjen e të ,, fortëve" (pushtetit).

Edhe në krye të Bordit të Agjencionit viheshin njerëz të ,,fort" të politikës të cilët krijuan pasuri marramendëse jo vetëm për vete por edhe padronët e tyre.

Agjencioni i privatizimit u shqua për paga të mëdha e meditje marramendëse të punonjësve dhe Bordit drejtues të Agjencionit.

Madje edhe përfaqësuesi i Sindikatës harroi kënd perfaqësonte dhe u bë me ,,ujkun", andaj edhe qafa filloi t'i trashej si kodosh.

Sa e sa herë u trumbetua se ky agjencion ka mision të përkohshëm, madje edhe kur kaloi në kuadër të institucioneve të Kosovës, por si duket misioni i tyre është i pafund.

Ai tashmë është kthyer në jatakë të profiterëve të cilët janë në garë kush po zhvatë më shumë.

Meqë qeveria është vetë në të, i ka fut veshët në lesh, ndërsa punëtorët e shkretë ende i mbanë shpresa që nga 20 përqindëshi tu rrjedhë ndonjë lekë.

Çka të bëjnë të gjorët, thonë: shpresa e fundit vdesë!? Populli thotë: ,,kungulli nuk shkon mbi ujë gjithmonë", sadoqë profiterët po lulëzojnë e ekonomia po vdesë, na mbetet të shpresojmë edhe këtë vjet!?


 

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)