27 Maj 2019

Shfaqet dokumentari ,,Mbrëmja e Harruar për Kosovën”

Prishtinë, 11 qershor  - Shoqata ,,Miqësia Kosovë-Izrael” në 19-vjetorin e çlirimit të Kosovës shfaqi dokumentarin  ,,Mbrëmja e Harruar për Kosovën”.

Në kuadër të aktiviteteve të shoqatës ,,Miqësia Kosovë-Izrael” në ambientet e kazermës ,,Adem Jashari” në Prishtinë është shfaqur dokumentari ,,Mesazh nga Tel Avivi” dhe ekspozita ,,Mbrëmja e Harruar për Kosovën”, kushtuar ndihmës izraelite gjatë periudhës së Luftës Çlirimtare në Kosovë.

Në këtë ceremoni i pranishëm ishte komandanti i Forcave Tokësore gjeneral brigade Enver Cikaqi i cili i falënderoi organizatorët për vizitën dhe kohën që po ndajnë me ne sot.

Me këtë raste gjeneral Cikaqi theksoi se “19 vjet pas luftës i kthehemi kujtimit të një periudhe të vështirë nëpër të cilën ka kaluar populli i Kosovës. Gjatë kësaj kohe popullit tonë i kanë dalë në ndihmë shumë popuj të cilët kanë pasur një histori të ngjashme me popullin tonë. Ne nuk do të harrojmë kontributin e gjithë popujve që ndihmuan dhe, kurrsesi, popullit të Izraelit, të cilët ndihmuan popullin e Kosovës duke mos harruar ndihmën që shqiptarët ju patën dhënë gjatë Luftës së Dytë Botërore.

  Gjangyle Iliazi një nga organizatorët e kësaj ngjarjeje u shpreh se marrëdhëniet në mes shqiptarëve në Ballkan pa dallim nga Shqipëria, Kosova, Mali i Zi, Maqedonia dhe Hebrenjve kanë një lidhje të fuqishme. “Dua të them një fakt se gjatë Luftës së Dytë Botërore në Shqipëri nuk është vrarë as një hebre, dhe numri i tyre për t`u strehuar në tokat shqiptare është rritur në masë të madhe për shkak të shumë faktorëve siç janë: bujaria dhe besnikëria e shqiptarëve, pushtimi italian, bektashizmi, besa e shqiptarit e shumë faktorë të tjerë. Prandaj tani po kthehem tek mbështetja e popullit dhe shtetit Hebre në kohën e luftës në Kosovë, që ndihmuan në masë të madhe. Populli Hebre që jeton në SHBA dhe në Evropë ndikuan që në Kosovë mos të ndodhë spastrimi etnik. Gjithashtu edhe gjatë kohës së luftës u erdhën në ndihmë refugjatëve të zhvendosur nga vatrat e luftës e që ishin vendosur në Maqedoni dhe Shqipëri".

Lekë Rezniqi foli për ndihmën e popullit dhe shtetit Hebre në Kosovë gjatë luftës së vitit 1998-1999. Shteti i Izraelit në këtë kohë kishe dërguar një spital ushtarak fushor me mjekë dhe pajisje përcjellëse për të ndihmuar të zhvendosurit të cilit kishin lëndime e plagë në trup, duke trajtuar fëmijë e lehona, pastaj organizuan mbledhje fondesh për refugjatët në Shqipëri e Maqedoni  duke realizuar një mbrëmje muzikore me artistë e këngëtarë nga Izraeli për t`i dal në ndihmë popullit të Kosovës. Me këtë rast në amfiteatrin e Brigadës së Mbështetjes Operacionale (BMO) ishte organizuar një ekspozitë me emrin ,,Mbrëmja e Harruar për Kosovën” me fotografi nga aktivitetet të popullit dhe shtetit të Izraelit në ndihmë të popullit të Kosovës gjatë luftës në Kosovë.

 

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)