29 Maj 2020

Promovohet libri “Unë jam Anemone”

Gjakovë, 14 nëntor - Sot në shkollën e muzikës “Prenk Jakova” në Gjakovë, Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova.

Libri përfshin rrëfimet e 24 grave dhe një burri të mbijetuar nga dhuna seksuale gjatë luftës në Kosovë.  Secili rrëfim që është bërë pjesë e këtij libri është i vërtetë dhe i veçantë.

Medica mondiale po shënon 20 vjetorin e angazhimit në Kosovë, së bashku me Medica Gjakova, QKRMT, Medica Kosova, RrGK si dhe organizata dhe aktivistë vendor e ndërkombëtar.

Medica mondiale ka mbështetur dhe zbatuar projekte të ndryshme me qëllim rehabilitimin, pranimin, riintegrimin dhe sigurimin e drejtësisë për të mbijetuarit e dhunës seksuale gjatë luftës në Kosovë.

Përmes promovimit të këtij libri do të kemi më shumë mundësi që t’i njohim të mbijetuarit e dhunës seksuale gjatë luftës, duke amplifikuar zërin e tyre - 20 viteve pas përfundimit të luftës në Kosovë. 

Ky event organizohet për nder të 20 vjetorit të bashkëpunimit dhe miqësisë në mes të Kosovës dhe Gjermanisë.

 

Kalendari

Ngjarjet e datës 29 Maj 2020

- Mbahet mbledhja e jashtëzakonshme e Kuvendit Komunal të Prizrenit, e thirrur nga kryesuesi i Kuvendit. (Salla e shtëpisë së kulturës "Xhemajli Berisha", ora 10:00)

- Mbahet mbledhje e Komisionit për Mbikëqyrjen e Financave Publike, shqyrëtohet  raporti vjetor i përformancës se Zyrës Kombëtare të Auditimit për vitin 2019. (Kuvendi i Kosovës, salla N302, ora 10:00)

- Mbahet mbledhja e pestë e rregullt e Kuvendit Komunal të Rahovecit për vitin 2020, në të cilën do të bëhët shqyrtimi i propozim vendimit për bartjen e tejkalimit të të hyrave vetanake nga viti 2019.  (Salla e mbledhjeve të Kuvendit Komunal, në objektin e ri të komunës, ora 10:00)

- Presidenti i vendit, Hashim Thaçi mbanë konferencë për media. (Hapësira në hyrje të Presidencës, ora 10:30)

- Mbahet mbledhja e radhës e Këshillit Gjyqësor të Kosovës. (Objekti i KGjK-së, ora 14:00)