23 Korrik 2018

Prezenca kulturore e Kosovës në hapësirat frankofone

Gjenevë, 6 prill - Favorizimi i diplomacisë parlamentare kulturore ishte njëra prej temave të diskutimit në takimin në ka realizuar sot zëvendësministrja Burbuqe Bakija-Deva me Guy Mettan, deputet në Parlamentin Kantonal në Gjenevë, njëherësh Drejtor Ekzekutiv nga Klubi Zviceran i Shtypit dhe Tahir Shabani, President i Shoqatës së Miqësisë Franko-Shqiptare.

Ndër çështjet tjera që u diskutuan në këtë takim ishin edhe thellimi e bashkëpunimit dhe organizimit të aktiviteteve kulturore në vazhdim të përpjekjeve të një promovimi dhe bashkëpunimi me organizatat ndërkombëtare në mes te Kosovës me Gjenevën, në Francë dhe Bruksel.

Qëllimi i këtyre aktiviteteve do të favorizojë diplomacinë parlamentare kulturore për Kosovë.

Zëvendësministrja, çështjen e diplomacisë parlamentare kulturore e vlerësoi si tejet të rëndësishme dhe me interes jo vetëm për ministrinë por edhe për palët tjera që promovojnë vendin tonë.

“Në kuadër të politikave të ministrisë, me prioritet trajtohen temat e dialogut, promovimit dhe diversitetit kulturor dhe nevoja për bashkëpunim dhe shkëmbim të përvojave të mira me partnerë dhe miq është e domosdoshme dhe pozitive. Prezenca kulturore e Kosovës në hapësirat frankofone është një promovim jo vetëm i kulturës por edhe i shtetit të Kosovës”, ka thënë ndër të tjera zëvendësministrja, duke shtuar faktin që në këto vende jetojnë dhe veprojnë shumë bashkatdhetarë.

Ndërkaq, deputeti zviceran u shpreh se ndjehet i lumtur për gatishmërinë e institucioneve të Kosovës për të bashkëpunuar dhe koordinuar aktivitetet në të mirë të diplomacisë kulturore.

Përpos favorizimit të kulturës, fokus do të kihet edhe për fushat e sportit dhe rinisë në këtë bashkëpunim.

Kalendari

Ngjarjet e datës 22 Korrik 2018  - Ministri i Zhvillimit Ekonomik, Valdrin Lluka do të zhvillojë një vizitë Komunën e Kamenicë ku do te takoeht me me kryetarin e Kamenicës, Qëndron Kastrati. (Objekti i Komunës, ora 9:00)

- Kryetari i Odës Ekonomike të Kosovës viziton kompaninë Al Petrol  në kuadër të ciklit të takimeve me bizneset që ka nisur që nga zgjedhja si Kryetar për mandatin e ri katër vjeçar.  (Zyret Qendrore te Al Petrol, ora 9:00)

- OJQ EC Ma Ndryshe, ORKIDE dhe X40 mbajn konferencën për media rreth performancës publike “Drunj të pastër”. (Sheshi “Shatërvan”, ora 10:00)

- Mbahet mbledhja e Komisionit për Integrime Evropiane lidhur me shqyrtimin e Projektligjit për ratifikimin e Marrëveshjes Financiare për IPA 2017, pjesa e parë ndërmjet Kosovës dhe Bashkimit Evropian- e ftuar për të prezantuar këtë Marrëveshje znj. Dhurata Hoxha - Ministre e Integrimit Evropian. (Ndërtesa e Kuvendit, salla N 303, ora 10:00)

- Ministri i Zhvillimit Ekonomik, Valdrin Lluka do të vizitojë Projektin “Air Energy”, në  fshatin Kitkë te Komunës se Kamenicë. (Fshati Kitkë, ora 10:30)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 11:00)

- Kryeministri Ramush Haradinaj vizitë pune në Ministrinë e Punëve të Jashtme. (Ministria e Punëve të Jashtme, ora 12:00)

- Aleanca Kosovare e Bizneseve mban konferencën për media me temë “Pse ikin investitorët e huaj nga Kosova“. (Zyret e AKB–së, ora 13:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Këshillit Shtetëror të Cilësisë të AKA. (Ndërtesa e Kuvendit, salla N204, ora 13:00)
 
- Ministri i Zhvillimit Ekonomik, Valdrin Lluka do të zhvillojë një vizitë në Minierën e Artanës ku do te takohet me menaxhmentin dhe minatorët. (Miniera e Artanës, ora 14:00)