09 Mars 2021

Përfundon projekti që kontriboi në ruajtjen e trashëgimisë kulturore ne Kosovë

Prishtinë, 11 mars - Zyra e Bashkimit Evropian në Kosovë dhe Programi i Kombeve të Bashkuara për Zhvillim do të mbyllin zyrtarisht projektin “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, i financuar nga Instrumenti i BE-së që kontribuon për Stabilitet dhe Paqe (IcSP/BE).

Qëllimi i përgjithshëm i projektit ishte të kontribuojë në përmirësimin e tolerancës në mes të komuniteteve dhe respektimin e identitetit dhe trashëgimisë kulturore për të gjithë njerëzit e Kosovës.

Përgjatë zbatimit, projekti “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore” kishte për qëllim të fuqizojë besimin ndërmjet komuniteteve dhe respektimin e identitetit dhe trashëgimisë kulturore duke angazhuar të gjitha komunitetet në mbrojtjen dhe promovimin e trashëgimisë së pasur dhe të larmishme kulturore të Kosovës.

Duke punuar ngushtë me zyrtarë komunalë, qytetarë, organizata të shoqërisë civile dhe komunitetet fetare, ky projekt i financuar nga IcSP/BE-ja kishte në fokus rinovimin, zbukurimin dhe rehabilitimin e monumenteve të zgjedhura dhe krijimin e mekanizmave për mbrojtjen dhe ruajtjen e trashëgimisë kulturore.

Projekti gjithashtu pati një komponentë të fuqishme të angazhimit të të rinjve me qëllim të ndërgjegjësimit për diversitetin kulturor dhe përgjegjësinë e përbashkët për mbrojtjen dhe promovimin e trashëgimisë kulturore.

Vlora Dumoshi, Ministre e Kulturës, Rinisë dhe Sportit, Maria Suokko, Përfaqësuese e Përhershme e UNDP-së, Stefano Gnocchi, Këshilltar për Çështje Politike/Komunitete në Zyren e Përfaqësueses Speciale të BE-së/Bashkimit Evropian në Kosovë, përfaqësues të trupit diplomatik, partnerë ndërkombëtarë dhe lokalë, përfaqësues të OSHC-ve OJQ-ve, prijës fetarë dhe mysafirë të tjerë do të jenë të pranishëm në këtë ceremoi përmbyllëse.    

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)