06 Mars 2021

Mbahet festivali kombëtar i letërsisë

Prishtinë, 23 tetor - Dje në Podujevë u mbajt Festivali Kombëtar i Letërsisë i organizuar nga Shoqata Kulturore “Prokult” nga Podujeva.

Në këtë event kulturor i cili tashmë është bërë tradicional, ngase këtë vit u mbajt për të nëntën herë, pra ishte Edicioni i IX-të, morën pjesë shumë krijues letrar dhe artdashës nga të gjitha anët e vendit.

Në këtë manifestim letrar, i cili çdo vit mbahet në muajin tetor, sivjet kishte shumë më pak pjesëmarrës, për shkak të pandemisë, meqë nuk lejohet numër i madh i pjesëmarrësave në evente kulturore, por lejohet deri në 50 veta dhe duke qëndruar me maska dhe në distancë.

Fillimisht Festivalin e hapi kryetari i Shoqatës Kulturore “Prokult”, Fatmir Halimi, i cili tha se sivjet Festivali mbahet në numër të kufizuar të pjesëmarrësve për shkak të virusit korona Covid 19.

Ai i falënderoi të gjithë të ftuarit që kanë gjetur kohë dhe i janë përgjigjur ftesës për ta madhështuar këtë Festival Letrar.

Halimi shtoi se në kuadër të këtij Festivali do të ketë tri çmime letrare me emrin e gazetarit dhe krijuesit Milazim F.Kadriu, i cili ka ndërruar jetë vitin e kaluar.

Pra, ndahen çmimi i parë për poezi “Milazim F. Kadriu”, çmimi i dytë për poezi “Milazim F. Kadriu” dhe çmimi i tretë për poezi “Milazim F. Kadriu”. U caktua juria nga tre veta: Profesori Fetah Sheholli, poetja Mevlyde Mezini Saraqi dhe gazetari e poeti Ahmet Pllana.

Moderatori, profesori Abdullah Blakçori, e udhëhoqi për mrekulli tërë Festivalin, duke thënë fjalë të mrekullueshme për secilin pjesëmarrës krijues të cilin e ftonte për të lexuar poezinë e tij.

Festivalin e bëri madhështor edhe pjesëmarrja e ish kryetares së Lidhjes së Shkrimtarëve të Kosovës (LSHK) dhe ish deputetja e Parlamentit të Kosovës dhe veprimtarja e çështjes kombëtare, znj. Flora Brovina.

Për fillim për mysafirët u dha një valle nga valltaret e Shoqërisë Muzikore “Flaka e Llapit” nga Podujeva, të cilën e udhëheq njeriu i kulturës, Nebih Bala. Më pas moderatori Blakçori i ftoi poetët të lexojnë poezitë e tyre.

Lexuan këta poetë: Bislim Aliu, Albina Idrizi, Ahmet Pllana, Fadil Curri, Gani Azemi, Nora Lokaj, Hamit Majkovci, Dibran Fylli, Shaban Pllana, Mevlyde Mezini Saraqi, Fadil Halimi, Fehmi Berisha, Naxhije Kiqina Krasniqi, Rabije Bytyqi, Zymer Haliti, Majlinda Kovaqi, Violetë Krasniqi, Abdullah Troshupa, Ymrije Beqiri, Faik Musa, Nazim Bala, Esat Loshaj, Rrahim Sadiku, Nebih Potoku dhe Fatmir Halimi. Pas deklamimit të poezive nga poetët, u ndanë tri çmimet për poezi.

Sipas vlerësimit të jurisë Çmimin e parë letrar për poezi “Milazim F. Kadriu” e mori Bislim Aliu nga Podujeva, Çmimin e dytë për poezi “Milazim F. Kadriu” e mori Albina Idrizi nga Gjilani dhe Çmimin e tretë e mori Majlinda Kovaqi nga Vushtrria.  

Në kuadër të këtij takimi letrar u bë edhe promovimi i librit “Guri pikon fjalë” i autorit Fehmi Berisha. Referues të këtij libri ishin profesor Islam Gegaj dhe krijuesi Fatmir Halimi.

Gegaj tha se autori Fehmi Berisha me librin e tij me poezi “Guri pikon fjalë”, e ka dëshmuar veten si një krijues i denjë, meqë autori nuk ndalet së shkruari, ndonëse jeton dhe punon në Zvicër.

Ai deri më tani ka botuar tre libra, kurse libri “Guri pikon fjalë” është libri i katërt i tij. Ai tha se autori shkruan poezi nga përjetimi duke qenë i frymëzuar nga ëndërrat që ka pasur për lirinë, por që ka kontribuuar për lirinë edhe vet.

Ndërkaq, krijuesi Fatmir Halimi, tha se përmbledhja poetike “Guri pikon fjalë” ka një titull me një diskurs kritik që mund të konceptohet në dy rrafshe, në atë letraro-artistik dhe në rrafshin historiko-politik. Në fund të këtij eventi kulturor për mysafirët u dha një koktej rasti.       

Shkruar nga Ahmet Pllana
 

Kalendari

Ngjarjet e datës 6 Mars 2021 - Komuna e Klinës së bashku me Shoqatat e Dala nga Lufta e UÇK-së bëjn homazhe te varrezat e dëshmorëve të kombit te Kodra e Kuqe në Grabanicë. (Grabanicë, ora 9:00)  

- Presidentja e Republikës së Kosovës, dr. Vjosa Osmani Sadriu, do të bëj homazhe në Kompleksin Memorial “Adem Jashari” në Prekaz. (Prekaz, ora 9:00)

- Kryeministri në detyrë, Avdullah Hoti bën homazhe në Kompleksin Memorial “Adem Jashari”, në Prekaz. (Kompleksi Memorial “Adem Jashari”, Prekaz, ora 9:15)

 - Komuna e Klinës së bashku me Shoqatat e Dala nga Lufta e UÇK-së bëjn homazhe në Kompleksin Memorial “Adem Jashari” në Prekaz. (Prekaz, ora 9:50)

- Këshilli Organizativ për manifestimin e Epopesë së Ushtrisë Çlirimtare të Kosovës hap ekspozitë me fotografi. (Prekaz, ora 10:00)

- Komuna e Prizrenit bën homazhe të varrezat e dëshmorëve në Landovicë. (Landovicë, ora 10:00)

- Kolektivi i Marshojmë s'festojmë do të mbajë konferencë për media ku do të prononcohen rreth organizimit dhe manifestimit të 8 marsit 2021. (Amfiteatri në sheshin Zahir Pajaziti, ora 11:00)

- Mbahet turnir në volejboll në Skenderaj. (Skenderaj, ora 11:00)

-  Për nder të Epopesë së UÇK-së, një delegacion i Nismës Socialdemokrate do të bëj homazhe në Kompleksin Memorial “Adem Jashari” në Prekaz. (Prekaz, ora 11:00)

- Komuna e Prizrenti bën homazhe pranë lapitarit të Komandant Kumanovës - Ismet Jashari. (Në qënder të qytetit të prizrenit, ora 11:30)

- Këshilli Organizativ për manifestimin e Epopesë së Ushtrisë Çlirimtare të Kosovës organizon homazhe në të gjitha komplekset memoriale të Dëshmorëve të UÇK-së, ora 12:00

- Komuna e Prizrenti bën homazhe pranë lapidarit të Komandant Drinit - Ekrem Rexhes. (Përball Shtëpisë së Bardhë, ora 12:00)
 
- Presidentja e Republikës së Kosovës, dr. Vjosa Osmani Sadriu do të marrë pjesë dhe do të mbajë një fjalë në Ekspozitën me 59 fotografi, e cila do të mbahet në Prishtinë. (Sheshi “Skënderbeu”, ora 15:00)

- Presidentja e Republikës së Kosovës, dr. Vjosa Osmani Sadriu do të marrë pjesë dhe do të mbajë fjalim në Akademinë Përkujtimore në 23 vjetorin e rënies së Komandantit Legjendar, Adem Jashari dhe familjes Jashari. (Salla e Kuqe në Pallatin e Rinisë, ora 17:00)

- Kryeministri në detyrë, Avdullah Hoti merr pjesë në Akademinë Përkujtimore kushtuar “Epopesë së UÇK-së”. *Salla e Kuqe në Pallatin e Rinisë, ora 17:00)

- Qendra për Art dhe Komunitet - Artpolis organizon Performancen “A je çikë, a djalë?!”,  për të shënuar 8 Marsin-Ditën Ndërkombëtare të Gruas. (Teatri Oda në Prishtinë, ora 19:00)