22 Tetor 2018

Mbahet Asambleja e Dytë të të Rinjve të Kombeve të Bashkuara në Nju Jork

Nju Jork, 14 maj - Sot dhe nesër në Kosovë do të mbahet Asambleja e dytë e të Rinjve të Kombeve të Bashkuara “Fuqia e të Rinjve: Ndërtimi i paqes dhe sigurisë së bashku”, e cila organizohet nga UNICEF-it dhe UNDP-ja, e cila është në vijim të Asamblesë Globale të të Rinjve të OKB-së në Nju Jork.

Në këtë asamble ku pritet të marrin pjesë rreth 180 të rinj të përkatësive të ndryshme etnike, marrin pjesë edhe përfaqësues të institucioneve të Kosovës. Ndër ta, në emër të Ministrisë së Kulturës, Rinisë dhe Sportit, (MKRS-së), e cila është përgjegjëse për fushën e rinisë në Kosovë, mori pjesë edhe zëvendësministri Rexhep Hoti.

Zëvendësministri Hoti e ka vlerësuar organizimin e asamblesë në Kosovë si një ngjarje të jashtëzakonisht të rëndësishme për Kosovën, sidomos për të rinjtë. “Ne sot jemi mbledhur së bashku në Asamblenë e dytë të Kombeve të Bashkuara në Kosovë për të përkrahur të rinjtë e Republikës të Kosovës që përvojat e tyre të integrimit kulturor, social e rinor të shërbejnë për vendet tjera si model i mirë i të rinjve tanë”, tha ai.

“Ministria e Kulturës, Rinisë dhe Sportit përmes Departamentit të Rinisë nga themelimi i institucioneve e deri më tani ka pasur një qasje për të përkrahur dhe fuqizuar të gjithë të rinjtë pa dallim etninë, racën apo bindjet e tyre fetare e politike, për një shoqëri të sigurt dhe që jetojnë në paqe bashkërisht”, tha ndër të tjera Hoti.

Hoti ka informuar të pranishmit për angazhimin dhe punën e MKRS-së në raport me avancimin e politikave për të rinjtë duke përgatitur edhe dokumente konkrete strategjike. “Ministria e Kulturës, Rinisë dhe Sportit ka qenë dhe është institucion i hapur dhe shumë i përkushtuar që përmes zhvillimit të politikave programore dhe bashkëpunimit rajonal dhe ndërkombëtar të hapë mundësi të shumta që të rinjtë tanë të japin dhe përfitojnë nga bota demokratike”.

“Mbesë me shpresën që bashkërisht këto dy ditë të Asamblesë Rinore do të identifikojmë mundësi të reja që janë në dobi për të gjithë të rinjtë pa dallim dhe në adresim të fuqizimit tuaj. Shpresoj së përfaqësuesit e Kombëve të Bashkuara në Kosovë të kuptojnë dhe të mbështesin Republikën e Kosovës në zhvillimin e saj demokratik, për një shoqëri të hapur edhe më tej, mes të gjitha komuniteteve dhe të përkrahin Kosovën në pjesëmarrjen e barabartë në të gjitha forumet ndërkombëtare duke përfshirë edhe OKB-në”, ka thënë në fund zëvendësministri.

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Zyra e Prokurimit në Doganën e Kosovës hap tenderin për furnizim me banderola për cigare dhe pije alkoolike e parashikuar si projekt me vlerë te madhe 1.260.000,00. (Zyra e prokurimit, ora 14:00)

- Ministri i Mjedisit dhe Planifikimit Hapësinor, Fatmir Matoshi, do të vizitojë Komunën e Fushë Kosovës, ku do të pritet në takim nga kryetari, Burim Berisha. (Komuna e Fushë-Kosovës ora 15:00)

- Meqenëse viti 2018 shënjon 20 vjetorin e fillimit të luftës në Kosovë mbahet ligjërata publike “Sot, 20 vite më parë: Rasti i familjës Sylmetaj". (Qendra e Dokumentimit Kosovë në bibliotekën Hivzi Sulejmani, ora 16:00)

- Kryeministri Ramush Haradinaj organizon pritje me rastin e pensionimit të Policit të Kosovës, Asllan Krasniqi, pjesëtarë nga Njësia për Sigurimin e Objekteve me Rëndësi të Veçantë dhe Personaliteteve. (Ndërtesa e Qeverisë, ora 16:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një prezantim të ekspozitës për mediat. (Aleanca Franceze në Prishtinë, ora 18:00)