17 Gusht 2022

Manifesta 14 Prishtina prezanton Guidat e Ndërmjetësuara

Prishtinë, 2 qershor - Manifesta 14 do të hapë dyert e saj për publikun me 22 korrik 2022 dhe momentalisht po i bën përgatitjet finale në 25 lokacionet dhe hapësirat nëpër Prishtinë, që gjithçka të jetë gati për programin 100 ditor.

Derisa kanë mbetur edhe shtatë javë deri në hapjen e Bienales Nomade Evropiane, bienalja po lanson programin e Guidave të Ndërmjetësuara, të qasshme për rezervim nga të gjithë qytetarët e Kosovës.

Ndryshe nga modeli tradicional i turneve me guidë, Manifesta 14 Prishtina do të ofrojë guida të ndërmjetësuara për të gjithë qytetarët e interesuar. Ndërmjetësuesit e Manifesta do të ecin e do të flasin me vizitorët nëpër hapësirat ekspozuese dhe veprat e artit, njëkohësisht duke krijuar një përvojë interaktive.

Nën titullin: Ka rëndësi se çfarë botësh bota botëron: si të rrëfejmë tregime ndryshe, Manifesta 14 Prishtina merr përsipër sfidën e hulumtumit të mënyrave të reja për rrëfimtari kolektive dhe rikthimin e hapësirave publike.  

Bienalja ka krijuar pesë guida/udhë të ndryshme nëpër lokacionet ikonike që bashkojnë kësisoj tregimet që i dhanë formë Prishtinës, kujtimet e atyre që jetojnë në këtë qytet si dhe historitë që secila prej ndërhyrjeve artistike dhe urbane të Manifesta 14 dëshiron t`i zgjerojë, prekë dhe përbrendësojë.

Secili udhëtim zgjatë 90 minuta dhe përfshin tregimin e historive nga ndërmjetësuesit e Manifesta 14, duke eksploruar se si veprat e artit mund të transformojnë përvojën tonë të përbashkët dhe se si mund ta parashikojnë hapësirën publike dhe të ardhmen e Prishtinës. Si një veçanti e Manifesta 14, këto udhëtime/turne janë falas për të gjithë qytetarët e Ballkanit Perëndimor, ndërsa lokacionet janë: Grand Hotel Prishtina, Biblioteka Kombëtare, Pallati i Rinisë dhe Sporteve, ish-Shtëpia e Mallrave Gërmia, Muzeu i Kosovës, dhe shumë  lokacione tjera. 


 

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)