23 Janar 2020

Kabineti i Ish ministrit Gashi përgatitë jashtëligjshme zhvendosjen në objektin privat

Prishtinë, 5 dhjetor - Këshilli Organizativ i Protestës kundër zhvendosjes së administrates së Ministrisë për Kulturë, Rini dhe Sport nga objekti zyrtar në objekt privat me pagesë të qirasë së lartë mujore, kanë njoftuar opinionin publik dhe institucionet përkatëse vendimmarrëse se tashmë ish- kabineti i ish- Ministrit të MKRS është duke përgatitur dokumentacionin dhe inventarin përkatës për zhvendosje në objektin privat, pa e përfillur asnjë procedurë administrative dhe në kundërshtim me ligjin.

"Është e pa precedent që pasuria e MKRS, po zhvendoset nga persona jo kompetent që më nuk kane asnje pergjegjesi institucionale dhe pa dijenine e sherbimit te administrates. Kjo le te gjykohet vet nga opinioni se cfare do te thote", thekson Këshilli Organizativ i Protestës kundër zhvendosjes se MKRS-se.

Këshilli vlerëson me tutje se vlenë të theksohet fakti se mandati i Ministrit në detyrë Kujtim Gashi ka përfunduar juridikisht me datë 27 nëntor 2019 me certifikimin zyrtar nga ana e KQZ- së të rezultatit të zgjedhjeve të datës 6 Tetor 2019.

Këshilli thekson se sipas listës zyrtare të KQZ-së,  Gashi është zgjedhur deputet me çka i përfundon angazhimi në cilësinë e Ministrit në detyrë, sipas nenit 70 pika 2 e Kushtetutës së Kosovës në të cilën theksohet qartë se mandati i deputetit fillon me certifikimin e rezultatit zgjedhor ne lidhje me nenin 72 - papajtueshmeria e funksionit te deputetit.

"Për ketë gjë, jemi ne dijeni se ekziston edhe intepretim juridik nga ana e Zyres Ligjore te Zyre se Kryeministrit ne vitin 2017."

"Çdo veprim i tij pas datës 27 nëntor 2019 është në kundërshtim me Kushtetutën e Kosovës. I bëjmë thirrje stafit të ish - kabinetit të ish - Ministrit që të ndalojnë çdo veprim që janë duke e ndërmarrë për zhvendosje sepse kjo përbën veprim të kundërligjshëm i cili cenon pasurine dhe pronen e institucionit pa mandat dhe pa autorizim, si persona privat qe eshte e veper e denueshme. Në të kundërtën, i bëjmë thirrje institucioneve përkatëse ligjzbatuese që sipas detyrës zyrtare (ex officio) të hetojnë dhe ndalojnë veprimet në fjalë."

"Ne do te vazhdojme te kundershtojme fuqishem kete 'projekt' te demshem per pronen publike, buxhetin dhe vet funksionalitetin e institucionit tone", ka thënë në fund Këshilli Organizativ i Protestës kundër zhvendosjes së administrates së Ministrisë për Kulturë, Rini dhe Sport nga objekti zyrtar në objekt privat me pagesë të qirasë .

 

Kalendari

Ngjarjet e datës 23 janar 2020 - Mbahet mbledhja e parë e rregullt e Këshillit Komunal për Siguri në Bashkësi në komunën e Rahovecit për vitin 2020. (Salla e Kuvendit Komunal në Rahovec, ora 10:00)

- Deputetja e Kuvendit të Kosovës nga radhët e PDK-së, Eliza Hoxha dhe asambleisiti i komunës së Prishtinës, Leutrim Retkoceri, do të mbajnë konferencë për media lidhur me situaten rreth liqenit të Badovcit. (Zyret e Degës së PDK-së, afër stadiumit dhe ambasadës kroate, ora 11:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prizrenit. (Shtëpia e Kulturës, ora 11:00)

- Kryetari i Lidhjes Demokratike të Kosovës, Isa Mustafa pret në takim të dërguarin e posaçëm të ShBA-ve për dialogun Kosovë-Serbi, Ambasadorin Richard Grenell. (Mediet mund të marrin pamje në fillim të takimit, ora 11:30)

- Instituti i Kosovës për Drejtësi në bashkëpunim me Ambasadën Amerikane organizon sesionin e diskutimit me Ndihmës Asistentin e Sekretarit të Departamentit të Shtetit, Jorgan K. Andrews, Byroja Ndërkombëtare e Narkotikëve dhe Çështjeve të Zbatimit të Ligjit. (Hotel Swiss Diamond, ora 11:30)

- Promovohet partneriteti në mes të Kolegjit Iliria dhe Swiss UMEF University. (Kolegji Iliria, ora 12:00) 

-  Zëvendës-ndihmës sekretari i ShBA-ve Jorgen Andrews do të marrë pjesë në ceremoninë e dhurimit te donacionit në Qendrën e Paraburgimit në Prishtinë, ku Byroja për Çështje ndërkombëtare të narkotikëve dhe zbatimit të ligjit pajisje me vlerë rreth 100,000.00 dollarë. (Shërbimi Korrektues in Kosovës, Qendrën e Paraburgimit në Prishtinë, ora 14:00)

- Universiteti i Gjakovës "Fehmi Agani" organizon ceremoninë e diplomimit të studentëve. (Pallati i Kulturës "Asim Vokshi" në Gjakovë, ora 14:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Suharekës. (Shkolla e Mesme Profesionale "Abdyl Rama" në Shirokë, ora 14:30)

- Bëhet lansimi i platformës digjitale për pjesëmarrje të publikut, projekt ky i cili është realizuar në Komunën e Prizrenit, me financim të OSBE-së dhe e implementuar nga ana e kompanisë Appdec. (Shtëpia e Bardhë, ora 15:00)

- Instituti Demokratik i Kosovës organizon konferencën për media në të cilën do të publikohet “Indeksi i perceptimit të korrupsionit 2019” për Kosovën i përgatitur nga Transparency International. (Zyrat e KDI-së, ora 18:00) 

- Presidenti i Republikës së Kosovës, Hashim Thaçi, do të zhvillojë darkë pune me të Dërguarin e Posaçëm të Presidentit Trump për dialogun në mes të Kosovës dhe Serbisë, ambasadorin Richard Grenell. (Restoranti “Renaissance” në Prishtinë, ora 19:30)