09 Mars 2021

Hapet programi American Arts Incubator - Kosovo

Prishtinë, 6 mars - Muzeu Kombëtar i Kosovës në bashkëpunim me ZERO1, Ambasadën Amerikane në Prishtinë dhe Zyrën e Edukimit dhe çështjeve kulturore të Departamentit të Shtetit të Sh.B.A, do të hapin programin American Arts Incubator - Kosovo.

Lori Hepner - artiste nga Pittsburgh-u, do të ju njoftojë me American Arts Incubator- Kosovo gjatë eventit të Artist Talk.

Veprimtaria artistike e Lorit varion nga fotografitë 2D e deri të performancat interaktive që përdorin teknologji me dritë LED të qepura në veshje për të shfaqur lëvizjet e trupit përmes imazheve dhe tekstit gjatë video  projektimit në kohë reale të cilat e lejojnë të pikturojë me dritë.

Në eventin Artist Talk ku do të mësoni më shumë për programin: Tracing Pathways: Youth Movement, Light, and Wearable Technology. 

Përmes disa punëtorive praktike Lori do t’i drejtojë pjesëmarrësit për të krijuar veshje të qepura me LED dritë të punuara me dizajn të veshjeve 2D që në të njejtën kohë do të përdoren për të krijuar vepra të projektuara në kohë reale të cilat gjithashtu shfaqin animime dhe  video të Augmented Reality duke përdorur aplikacione të pajisjeve mobile.

Ky event është i hapur për të gjithë ata që duan të marrin pjesë.  

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)