20 Shtator 2019

Hapet Panairi i Shkencës dhe Kulturës në Vushtrri

Vushtrri, 28 nëntor - Sot në Palestrën sportive “Jeton Tërrstena” në Vushtrri do të hapet Panairi i Shkencës dhe Kulturës i cili organizohet edhe këtë vit, për herë të shtatë me radhë me karakter kombëtar.
 
Pjesëmarrës do të ketë sërish gjimnazet e të gjitha komunave rajonale në Republikën e Kosovës si dhe shkolla të mesme të larta nga Shqipëria, Maqedonia, Mali i Zi dhe Kosova Lindore.

"Panairi i Shkencës dhe Kulturës" është një ndër projektet më të mëdha arsimore dhe rinore në Kosovë, i organizuar nga “Lëvizja Koha” për gjashtë vite radhazi.

Tashmë me meritë mban epitetin "Panair tradicional" falë madhështisë se projektit dhe vazhdimësisë së organizimit, duke zgjeruar pjesëmarrjen e shkollave nga të gjitha trojet shqiptare.   

Panairi ka të bëjë me prezantime të punimeve praktike të lëndëve shkencore dhe kulturore nga nxënësit më të mirë të shkollave të mesme të shumë komunave brenda dhe jashtë Kosovës. 

Ky projekt është në përkrahje të "Ministrisë për Kulturë, Rini dhe Sport", Komunës së Vushtrrisë”, Komunës së Mitrovicës,“Akademisë së Kosovës për Siguri Publike”, projekti “Rritja e Punësimit për të Rinj (EYE)” i Zyrës Zvicerane për Zhvillim dhe Bashkëpunim (SDC) si dhe nga ‘’Ariani Company’’  .

Në vitet e kaluara projekti u financua edhe nga organizata të rëndësishme ndërkombëtare si "UNICEF" dhe "USAID". 

"Panairi i Shkencës dhe i Kulturës" po i shkrrin kufinjtë, për të bindur që forca e arsimit dhe rinisë është mjaft e fuqishme dhe jo rastësisht shumë talentë e fillojnë rrugëtimin e tyre pikërisht me këtë Projekt.
 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Kryetari i Lëvizjes Vetëvendosje!, Albin Kurti merr pjesë në përvjetorin e TV Mitrovica. (Mitrovicë, ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpia e Rinisë, Gjilan, ora 16:30)

- Kryetari i Lëvizjes Vetëvendosje!, Albin Kurti mbanë tubim në Gushavc. (fshati Gushavc, Mitrovicë, ora 17:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

-  Kryetari i Lëvizjes Vetëvendosje!, Albin Kurti mbanë tubim në Zhabar. (fshati Zhabar, Mitrovicë, ora 18:00)

-  Kryetari i Lëvizjes Vetëvendosje!, Albin Kurti mbanë tubim mobilizues. (Mitrovicë, ora 19:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)

- Kryetari i Lëvizjes Vetëvendosje!, Albin Kurti mbanë tubim në Vushtrri. (Vushtrri, ora 21:00)