21 Shtator 2018

Arhiva e Integruar Komunale në Gjilan, përsëri e para në nivel vendi

Gjilan, 21 dhjetor - Komuna e Gjilanit ka përuruar Arhivën Digjitale, apo Arhiva e Integruar të Administratës Komunale, projekt ky i veçantë dhe specifik, gjithashtu i vetmi në Republikën e Kosovës, ku do të ruhen dokumentet e të gjitha drejtorive komunale në formën fizike dhe digjitale, duke krijuar qasje për të gjitha drejtoritë në dokumentacionin e tyre, por edhe qytetarët në titujt e dosjeve të tyre.

Kryetari i Komunës së Gjilanit, Lutfi Haziri, ka thënë se ky projekt dhe të gjitha projektet tjera që kanë për qëllim krijimin e lehtësirave për shërbime më të mira për qytetarët, në bazë të ligjit janë realizuar dhe tani jemi te projekti tjetër poashtu i vetmi në nivel të Republikës së Kosovës, ky i Arhivës së Integruar Komunale.

“Në Arhivën e integruar me një ambient të mjaftueshëm për kah hapësira do të vijnë të gjitha lëndët e drejtorive komunale duke përfshirë edhe lëndët më të ndjeshme të Departamentit të Prokurimit. Secila drejtori këtu ka këndin e veçantë dhe janë të mbrojtura në mënyrë strikte. Administrate e Përgjithshme, ka arritur ta përmbushë në tërësi programin që e ka paraparë dhe tani mbetet vetëm integrimi i tyre edhe në formën elektronike online në ueb faqe të Komunës së Gjilanit. Ne gradualisht kemi avancuar në krijimin e formave të ndryshme të shërbimeve online dhe jemi qyteti i parë në nivel regjional që kemi hy në programin “Smart City”, jo vetëm si program por edhe shërbime online në bazë të standarteve dhe të ligjit”, ka pohuar kryetari, Lutfi Haziri, i cili ka falënderuar edhe Arhivën Ndërkomunale për bashkëpunimin.

Nazim Gagica, drejtor i Drejtorisë së Përgjithshme të Administratës, ka thënë se i gjithë ky objekt edhe me arhivën që u përurua sot është një “One Stop Shop” i vërtetë dhe është një përmbyllje e planifikimit katër vjeçarë në digjitalizim të shërbimeve, që kreator dhe mbështetës është kryetarit, Lutfi Haziri.

“Truri i administratës komunale është Arhiva, e cila ishte në një gjendje jo të mirë deri më tani, ku secila drejtori kishte dokumentet e saja që ruante nëpër zyre dhe vende jo adekuate sipas mënyrës dhe kushteve optimal që kishin. 1140 metra gjatësi landë janë duke u përpunuar dhe seleksionuar nga ekspertët, e që do të vendosen në këtë hapësirë. Pjesa e dokumenteve që kanë përmbushur afatin kohor do të asgjësohen, ato që zgjidhen për t’u ruajtur do të vendosen këtu dhe më pas do të skanohen dhe digjitalizohen që të jetë puna më efektive gjatë të ardhmes. Qytetari i Komunës së Gjilanit do ti merr të gjitha shërbimet në një objekt të vetëm.”, ka thënë drejtori Gagica në fjalën e tij.
 

Kalendari

Ngajrjet e datës 21 shtator 2018

- Kolegji “Tempulli” i mbeshtetur nga Oda Ekonomike Gjermane dhe Asociacioni Kosovar i Motorizimit organizojnë tryezë diskutimi për të shënuar Ditën Evropiane pa Viktima në Rrugë. (Ndërtesa e OEGJK, në Zonën Industriale në Fushë Kosovë, ora 9:00)

- Let’s Do It Kosova organizon aksioni i radhës në kuadër të fushatës “Ta Pastrojmë Kosovën”. (Pranë stadiumit “Fadil Vokrri”, ora 9:00)

- Kryeministri Ramush Haradinaj merr pjesë në aksionin e pastrimit në kuadër të Task Forcës “Ta pastrojmë Kosovën”. (Deponia pranë Stadium “Fadil Vokrri”, ora 9:00)

- Universiteti “Kadri Zeka” në Gjilan organizon provimin pranues për studentë të rinj. (Universiteti i Gjilanit, ora 9:00)

-  Oda Ekonomike Amerikane në Kosovë organizon tryezën e titulluar “Disponueshmëria e Fuqisë Punëtore në Kosovë”. (Salla e Konferencave Orion, ora 10:00)

- Projekti rajonal "Rrjeti i Veprimit për Ndërtimin e Ripërtritjes Urbane në Evropën Juglindore" organizon një ceremoni nënshkrimi të Marrëveshjes Ndër - Komunale për themelimin e rrjetit "Ripërtëritja nga Fatkeqësitë për komunat e Istogut, Klinës, Malishevës dhe Pejës”. (Hotel Swiss Diamond, ora 10:00)

- Në Kuvendin e Republikës së Kosovës bëhen homazhe me rastin e rivarrimit të Kolonel Ahmet Krasniqi dhe Qazim Jakupi. (Holli i Kuvendit, ora 10:00)

- Kryeparlamentari Kadri Veseli bënë homazhe me rastin e rivarrimit të dëshmorit Ahmet Krasniqi. (Holli i Kuvendit, ora 10:00)

- Kryeministri Ramush Haradinaj bënë homazhe pranë arkivolit të Dëshmorëve të Kombit, Kolonel Ahmet Krasniqi dhe Qazim Jakupi. (Holli i Kuvendit të Kosovës, ora 10:00)

- Ushtrues i Detyrës së Ministrit të Mjedisit dhe Planifikimit Hapësinor, Fatmir Matoshi  do të vizitojë Komunën e Prizrenit, ku së bashku me kryetarin e kësaj komune, Mytaher Haskuka do të nënshkruajnë një memorandum bashkëpunimi për ndërtimin e deponisë së mbeturinave inerte. (Ndërtesa e komunës se Prizrenit, ora 10:15) 

-  Promovohet raporti 'Stafi Akademik i UP-së - studimet, angazhimet tjera, plagjiaturat, vlerësimet e profesorëve dhe përpjesa staf-studentë e studentë-hapësirë', mes tjerash, do të publikohen rastet e 16 profesorëve të Universitetit të Prishtinës që ndër vite kanë kryer plagjiaturë. (Qendra Informative Kulturore e BE-së, ora 11:00)

- Kryeparlamentari Kadri Veseli merr pjesë në manifestimin për 20 vjetorin e rënies së Dr. Lec Gradica. (Fshati Gradicë në Drenas, ora 12:00)

- Kryeministri Ramush Haradinaj merr pjesë në Akademinë Përkujtimore për Dëshmorët e Kombit, Kolonel Ahmet Krasniqi dhe Qazim Jakupi. (Teatri Kombëtar, ora 12:30)

- Kryeministri Ramush Haradinaj merr pjesë në Rivarrimin e Dëshmorëve të Kombit, Kolonel Ahmet Krasniqi dhe Qazim Jakupi. (Varrezat e Dëshmorëve, ora 14:00)

- Mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” dhe EuroMetal-it. (Rektorati i UPHP-së, ora 14:00)

- Academic English Center KS  organizon ngjarjen e promovimit të librit të parë me thënje në gjuhën angleze, botim i parë i këtij lloji me autor kosovar i lindur në Libi. (Ambientin e qendrës Academic English Center KS, afër sheshit “Zahir Pajaziti” , mbrapa bankës TEB, ora 19:00)