10 Gusht 2020

ANIBAR lanson deklaratën rreth temës së edicionit të 11 të Festivalit

Prishtinë, 8 korrik - Ky edicion, i njëmbëdhjeti më radhë i Festivalit Ndërkombëtar të Animacionit – Anibar, përtej sipërfaqësimit të atyre që shërbyen dhe ende po shërbejnë në rendin e parë të detyrës, synon po ashtu të shpërfaqë e të nxis rimendimin e asaj se çfarë na bën neve njerëz.

Të pikëpyes se si është e mundur që ne në rrethana të jashtëzakonshme jemi në gjendje të marrim vendime e veprime që bien në kundërshti me vlerat dhe parimet tona si qenie njerëzore.

Të vë në pikëpyetje se si në këto rrethana ne mund të ndryshojmë në mënyrë që të përmirësohet njerëzillëku ynë, ndjeshmëria për komunitetin dhe marrëdhënia jonë me mjedisin

Për një kohë të gjatë ata kanë qenë duke jetuar në dinamikë të shpejtë, pa hapësirën e nevojshme për të menduar për veprimet e tyre, marrëdhëniet me njëri-tjetrin e sidomos me mjedisin.

E gjithë kjo ndodhi njëherë dhe në një kohë kur frikërat ishin më të mëdha se sa shpresat. Qasja në hapësira publike dhe fjala e lirë ishte e kufizuar. Mjetet e komunikimit jepnin zë terrori dhe frike në vend se të kundërtën. Ishte kohë kur të drejtat dhe liritë po cenoheshin prej atyre në pushtet. Madje, edhe veprimet prej hiçgjëje siç është përhumbja në rrjete sociale sjellte sikurse një karusel episode ankthi. Pasiguritë ishin përcaktuesi i zakonshëm i secilës formë veprimi. Kështu pamundësohej edhe çdo formë e rrugë e duhur përparimi.

Mes përmes kësaj katrahure një pauzë në kohë padyshim se nevojitej. Dhe ashtu ndodhi, koha ndaloi, për pak. Ajo që njihej si mënyrë jetese e shpejtë, kaotike e me ndryshime edhe më të shpejta pësoi një trandje. Një trandje me pamje ndryshimi që  askush nuk e priste.

Ishte me të vërtetë një shans për ndryshim!

Koha e fituar dha hapësirën e mjaftueshme për të rimenduar aksionet dhe mënyrat se si kjo specie do që të vazhdojë të jetojë në këtë botë. Për më tepër, dha edhe hapësirën për të rimenduar marrëdhëniet me njëri-tjetrin dhe mjedisin.

E dha mundësinë për të menduar rolin e gjithsecilit brenda rrëfimit të tyre. Atë se kush duan të bëhen dhe se si dëshirojnë të jetë vendi ku jetojnë. Erdhi si një letër e bardhë e zbrazët që pret krijimin e personazheve dhe mjedisit. Si përherë e në çdo situatë, edhe në këto kushte kjo specie duhej të gjindej; të gjente zgjedhje e zgjidhje.

Dhe si përherë, ne, NJERËZIT, natyrën tonë të vërtetë e zbulojmë nga veprimet që i ndërmarrin nën rrëthana të ngjashme. Disa zgjodhën keqpërdorimin e pushtetit, dezinformimin, përbuzjen e komuniteteve, shkencës e mjedisit duke përfituar në kurriz të masave. Por, shumë të tjerët punuan që ta lartësojnë njerëzinë tonë!

Në këto kohëra pasigurie një grup i njerëzve u zotua se raca jonë do të vazhdojë. Ata na siguruan se të gjithë do të jemi më mirë e më të sigurt. Ata u zotuan se ne mund të tejkalojmë çdo sfidë dhe se mund të mbështetemi tek ta në këtë kohë. Këta janë heronjtë tonë, të cilët vazhdojnë të shërbejnë me përulësi, duke e mbrojtur NJERËZIMIN dhe TOKËN!

Këtë edicion të festivalit ne do t’ua dedikojmë të gjithë atyre që shërojnë, japin mësime, krijojnë, mbrojnë, angazhohen, pastrojnë, shkruajnë, këndojnë, rrëfejnë, shërbejnë, gatuajnë, ndihmojnë, kujdesen, zhvillojnë, ngushëllojnë, mbështesin dhe informojnë.

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .