21 Shtator 2019

Adelina: Ndikimi i sllavizmave, tragjedi për kulturën shqipe

Zurich, 16 mars - Këngëtarja e njohur e muzikës shqiptare Adelina Ismajli thotë se ndikimi i rrymave sllave në muzikën shqiptare është një nga tragjeditë më të mëdha që i kanë ndodhur kulturës shqiptare.

Adelina Ismajli, këngëtare e njohur në të gjitha trevat shqiptare në Ballkan, pohon se ndërhyrja e ndikimeve sllave në muzikën shqiptare që prodhohet dhe shpërndahet sot, “do të ketë pasoja fatale”.

Gjatë një interviste për BBC- Albanian, regjistruar në 11 mars 2010, Adelina Ismaili ka thënë se vitet e fundit, është zhvendosur në Zvicër ku po e zhvillon aktivitetin e saj artistik.

Adelina pohoi se tashmë është regjistruar pranë Agjencisë Europiane të Mbrojtjes së Artistave dhe të Drejtave të Aurotit. Duke folur për planet e saj, Adelina tregoi se është duke përgatitur një album të ri ndërsa krahas kësaj, merr pjesë në mbrëmje muzikore kryesisht në Zvicër por edhe në Italoi e Gjermani, ku audienca i përket  mërgatës shqiptare në këto shtete.

Në planet e afërta të Adelinës, duket të jetë edhe një shou i madh në Zurich. Duke folur për jetën e saj dhe aktivitetin në Zvicër, Adelina pohon se tanimë është duke punuar deri në gjashtë muaj për një këngë të vetme, ndërkohë që më parë, këtë kohë e shpenzonte për gjithë albumin.

Teksa komenton gjendjen ku ndodhet muzika shqiptare aktualisht, Adelina thotë se muzika në tërësi po ndikohet nga sllavizmat ndërsa shton se rrymat e muzikës moderne po shkojnë drejt modernizmit.

Adelina e shikon këtë huazim të rrymave moderne si një gjë pozotive, ndërsa shton se revolucioni kulturor do të ndodhë duke marrë më të mirën nga modernja.

Diva e muzikës shqiptare, siç është quajtur Adelina Ismajli, thotë se në hapësirën shqiptare është e nevojshme që të drejtat e autorit të mbrohen me ligj, jo në kuptimin e censurës së ndokujt, por në kuptimin e ndalimit të kaosit dhe të afirmimit të vlerave të vërteta kulturore.

“Nëse vjedh një këngë të hiqet e drejta, kjo është një gjë për të cilën po flas”, tha Adelina. Në emision ka ndërhyrë Dani, një emigrant nga Zvicra, ai pyet:

Morët pjesë në Kënga Magjike, pas dhjetë vitesh dhe morët po atë çmim, po atë vlerësim si dhjetë vite më parë, si e ndien veten, kur quhesh diva e muzikës shqipe?

Adelina Ismajli përgjigjet duke thënë se: Kënga Magjike më ringjalli pas një dekade, u duartrokita më shumë se kurrë në Pallatin e Kongreseve, është është emocion kur i sheh duke duartrokitur.

Ajo zbulon një sekret që nuk është fiksuar nga kamerat në spektakël, ndërsa thotë se ka qarë kur më quajtën Diva e muzikës shqiptare.

Këngëtarja e njohur nuk e fsheh se për një moment pati një zhgënjim nga juria e festivalit. Sipas Adelinës, votimi i saj ishte më i çuditshmi i ndodhur ndonjëherë për shkak se gjysma e jurisë i kishte dhënë pikët maksimale, nga 20 për secilin anëtar, kurse gjysma tjetër i kishte thënë minimumin e pikëve.

“Pati mospërputhje në votim, isha votuar në mënyrë të çuditshme, gjysma zero dhe gjysma maksimale me 20 pikë, megjithatë unë jam mësuar me këto gjëra”, thotë Adelina, duke shtuar se ishte një sabotazh i vogël i kolegëve.

“Por isha për publikun aty jo për ata kolegë që votuan në atë mënyrë, zhgënjimi kaloi kur pashë kush anëtar i jurisë, më kishte votuar me pikë maksimale, janë njerëz që i vlerësoj”, tha Adelina Ismajli. 

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)