17 Korrik 2018

Volkswagen paraqet makinën konceptuale elektrike

Berlin, 5 dhjetor - "Volkswagen"-i ka paraqitur makinën konceptuale elektrike të "udhëtimit të përbashkët" në konferencën "TechCrunch Disrupt" në Berlin.

Automjeti është prodhuar nëpërmjet nënmarkës "Moia". Sipas kompanisë, kjo është makina e parë në botë e projektuar për "udhëtimin e përbashkët".

Robert Henrich është kryezyrtari operacional i "Moia"-s:

"Ne do të krijojmë një sistem përdorimi të përbashkët në shkallë të gjerë, që do të ndihmojë në lehtësimin e bllokimeve të trafikut në qytete, por do të ofrojë edhe një shërbim të shkëlqyer për klientët."

Automjeti ka gjashtë vende dhe hapësirë shtesë për bagazhet.

Drejtuesi i makinës do të orientohet për të marrë njerëz që shkojnë në të njëjtin drejtim.

Kompania po planifikon të fillojë një fazë testimi të shërbimit vitin e ardhshëm në Hamburg. Robert Henrich thekson:

"Si klient, duhet të keni një aplikacion. Do t'i thoni aplikacionit se nga ku deri ku doni të shkoni. Kjo makinë e bukur do t'ju marrë brenda vetëm tre - pesë minutash. Pastaj do të shkoni në destinacionin tuaj dhe do të udhëtoni me të tjerë. Kjo e bën kaq efikase." 

Kalendari

Ngjarjet e datës 17 Korrik 2018 - Përkujtohet 20 vjetori i rëniës se dëshmorëve të Ushtrisë Çlirimtare të Kosovës, Bashkim Kerolli dhe Adem Ademi. Te vendi i quajtur Rrasa e Zogut të kufiri Shqipëri - Kosovë, ora 10:00 - nisja behet nga fshati Polac, ora 8:00) 

- Mbahet mbledhja e Komisionit për Administratë Publike, Qeverisje Lokale dhe Media në të cilën do të shqyrtohet projektligji për lirinë e asociimit në Organizata Joqeveritare. (Ndërtesa e Kuvendit, salla N 225, ora 10:00)

- Mbahet ceremonia e inaugurimit te impiantit të trajtimit të ujërave të zeza në fshatin Mramor. (Bregu lindor i Liqenit të Badocit pranë fshatit Mramor, ora 10:00)

- Kryeministri Ramush Haradinaj pret në takim përfaqësues të projektit të GIZ-it gjerman dhe nxënës nënshkrues të peticionit për ngritjen e kapaciteteve në arsim. (Ndërtesa e Qeverisë, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrtohet projektligji për Produkte të Ndërtimi. (Ndërtesa e Kuvendit, salla N 10, ora 11:00)

- Oda Ekonomike e Kosvës organizon takim me delegacionin e organizatës prestigjioze “The Heritage Foundation”. (Objekti i Odës Ekonomike të Kosovës, ora 14:00)

- Zyra e Bashkimit Evropian në Kosovë/BE, së bashku me Këshillin Gjyqësor të Kosovës, do të fillojë zyrtarisht procesin e digjitalizimit të shënimeve të dënimeve të vjetra në tërë Kosovën. (Hotel Swiss Diamond, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj merr pjesë në ceremoninë e nënshkrimit, me rastin e blerjes së automjeteve multi funksionale ushtarake të lëvizshmërisë së lartë nga Qeveria e Kosovës për Forcën e Sigurisë së Kosovës. (Kazerma Adem Jashari në Prishtinë, ora 16:00)