23 Janar 2020

Rreth 100 milionë euro rritet qarkullimi i prodhimeve vendore

Prizren, 11 dhjetor - Ka vazhduar promovimi i prodhimeve vendëse nga Aleanca Kosovare e Bizneseve në rrjetin e marketeve Viva Fresh Store në Prizren, në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po Ju?

Kryetari i AKB-së Agim Shahini, tha se po vazhdojnë me promovimin e prodhimeve vendore, aktivitet ky tradicional.

Ai tha se ky vit po përmbyllet me një bilans negativ ekonomik ku po ndikojnë shumë faktor siç janë dialogu ne Serbinë, Gjykata Speciale e zgjedhjet e jashtzakonshme.

E në anën tjetër AKB-ja po vazhdon të promovojë pareshtur prodhimet vendëse.

"Derisa taksa  tash një vit ka ndikuar në qarkullimin e brendhshëm   rreth 100 milionë euro, po ashtu ka rrit edhe  punësimin dhe zhvillimin e tërsishëm të vendit", tha Shahini.

Në anën tjetër vënia e taksës tash një vit ka bërë që shumë kompani serbe t'i sjelli buzë falimentimit.

Liridon Berisha, drejtor i marketingut në Viva Fresh Store, tha se viva tashmë është shtëpia kryesore e prodhuesve vendor.  

Ai kërkoi nga qytetarët që të konsumojnë prodhimet vendore ku secila familje po të konsumonin prodhime vendore në vlerë mujore prej euro, do  të ketë  zhvillime shumë të mëdha në të gjitha fushat.

Sipas tij  ky rrjet  vazhdon të përkrah fuqishëm  prodhimin vendor në rrjetet e saj gjithë andej vendit.

Kalendari

Ngjarjet e datës 23 janar 2020 - Mbahet mbledhja e parë e rregullt e Këshillit Komunal për Siguri në Bashkësi në komunën e Rahovecit për vitin 2020. (Salla e Kuvendit Komunal në Rahovec, ora 10:00)

- Deputetja e Kuvendit të Kosovës nga radhët e PDK-së, Eliza Hoxha dhe asambleisiti i komunës së Prishtinës, Leutrim Retkoceri, do të mbajnë konferencë për media lidhur me situaten rreth liqenit të Badovcit. (Zyret e Degës së PDK-së, afër stadiumit dhe ambasadës kroate, ora 11:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prizrenit. (Shtëpia e Kulturës, ora 11:00)

- Kryetari i Lidhjes Demokratike të Kosovës, Isa Mustafa pret në takim të dërguarin e posaçëm të ShBA-ve për dialogun Kosovë-Serbi, Ambasadorin Richard Grenell. (Mediet mund të marrin pamje në fillim të takimit, ora 11:30)

- Instituti i Kosovës për Drejtësi në bashkëpunim me Ambasadën Amerikane organizon sesionin e diskutimit me Ndihmës Asistentin e Sekretarit të Departamentit të Shtetit, Jorgan K. Andrews, Byroja Ndërkombëtare e Narkotikëve dhe Çështjeve të Zbatimit të Ligjit. (Hotel Swiss Diamond, ora 11:30)

- Promovohet partneriteti në mes të Kolegjit Iliria dhe Swiss UMEF University. (Kolegji Iliria, ora 12:00) 

-  Zëvendës-ndihmës sekretari i ShBA-ve Jorgen Andrews do të marrë pjesë në ceremoninë e dhurimit te donacionit në Qendrën e Paraburgimit në Prishtinë, ku Byroja për Çështje ndërkombëtare të narkotikëve dhe zbatimit të ligjit pajisje me vlerë rreth 100,000.00 dollarë. (Shërbimi Korrektues in Kosovës, Qendrën e Paraburgimit në Prishtinë, ora 14:00)

- Universiteti i Gjakovës "Fehmi Agani" organizon ceremoninë e diplomimit të studentëve. (Pallati i Kulturës "Asim Vokshi" në Gjakovë, ora 14:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Suharekës. (Shkolla e Mesme Profesionale "Abdyl Rama" në Shirokë, ora 14:30)

- Bëhet lansimi i platformës digjitale për pjesëmarrje të publikut, projekt ky i cili është realizuar në Komunën e Prizrenit, me financim të OSBE-së dhe e implementuar nga ana e kompanisë Appdec. (Shtëpia e Bardhë, ora 15:00)

- Instituti Demokratik i Kosovës organizon konferencën për media në të cilën do të publikohet “Indeksi i perceptimit të korrupsionit 2019” për Kosovën i përgatitur nga Transparency International. (Zyrat e KDI-së, ora 18:00) 

- Presidenti i Republikës së Kosovës, Hashim Thaçi, do të zhvillojë darkë pune me të Dërguarin e Posaçëm të Presidentit Trump për dialogun në mes të Kosovës dhe Serbisë, ambasadorin Richard Grenell. (Restoranti “Renaissance” në Prishtinë, ora 19:30)