26 Janar 2022

Prodhimi industrial në Gjermani tejkalon pritjet

Berlin, 8 dhjetor - Prodhimi industrial në Gjermani në tetor është rritur për 2,8 për qind në raport me një muaj më parë për shkak të efektit të prodhimit të mallrave kapitale, pavarësisht vështirësive në furnizimin e lëndëve të para dhe repromaterialeve për prodhim.

Enti Federal i Statistikave të Gjermanisë (Destatis) ka publikuar të dhëna provizore për prodhimin industrial për muajin tetor të këtij viti.

Sipas të dhënave të fundit, prodhimi industrial i rregulluar sezonalisht dhe kalendarik në tetor është rritur me 2,8 për qind krahasuar me muajin e kaluar, pavarësisht, siç thuhet, “mungesës së theksuar të materialeve për prodhim”.

Tregjet prisnin rritje të prodhimit industrial me 0,8 për qind.

Të dhënat tregojnë se prodhimi industrial, pa përfshirë energjinë dhe ndërtimin, u rrit me 3,2 për qind në tetor krahasuar me një muaj më parë.

Në të njëjtën periudhë, prodhimi i mallrave kapitale në kuadër të prodhimit industrial është rritur me 8,2 për qind, ndërsa prodhimi i repromaterialeve është ulur për 0,4 për qind.

Prodhimi industrial gjerman ra në mënyrë të papritur në shtator, pasi problemet me furnizimin me lëndë të para dhe produkte gjysmë të gatshme ndikuan në prodhimin në ekonominë më të madhe të Evropës.

Zyra Federale e Statistikave të Gjermanisë njoftoi në atë kohë se prodhimi industrial ra për 1,1 për qind në nivel mujor, pas rënies me 3,5 për qind në gusht.

Ulja në muajin shtator është shkaktuar nga rënia e prodhimit në sektorët e makinerive, pajisjeve elektrike dhe pajisjeve të përpunimit të të dhënave, njofton Ministria e Ekonomisë.

“Problemet e furnizimit me lëndë të parë dhe gjysmëfabrikate, të cilat po vazhdojnë prej kohësh, janë reflektuar në plan më të gjerë”, tha ministria.

Vitin e kaluar, ekonomia e Gjermanisë rezultoi më mirë se disa vende të tjera evropiane falë prodhimit, i cili ishte më pak i prekur gjatë pandemisë sesa sektori i shërbimeve

Kalendari

Ngjarjet e datës 26 janar 2022

- Mbahet mbledhja e Qeverisë së Repubikës së Kosovës. (Ndërtesa e Qeverisë, ora 10:00)

- Komisioni për Çështje të Sigurisë dhe Mbrojtjes takohet me Komisionin me Komisionin për Siguri Kombëtare të Kuvendit të Republikës së Shqipërisë. (Ndërtesa e Kuvendit, salla C301, ora 10:00)

- Komisioni për Buxhet, Punë dhe Transfere shqyrton Projektligjin për regjistrimin e popullsisë, ekonomive familjare dhe banesav, Projektligjin për ndryshimin dhe plotësimin e ligjit për financimin e subjekteve politike si dhe ligjin për zgjedhje të përgjithshme në Republikën e Kosovës. (Ndërtesa e Kuvendit, salla C203, ora 10:00)

- Komisioni për mjedis, ushqim, bujqësi, planifikim dhe zhvillim shqyrton raportin me amendamente të grupit punues për Projektligjin për Mbrojtjen e ajrit nga ndotja. (Ndërtesa e Kuvendit, salla N302, ora 10:00)

- Lëvizja FOL në bashkëpunim me Institutin e Prishtinës për Studime Politike si dhe me mbështetjen e Ambasadës Holandeze në Kosovë, organizon diskutimin tematik ku do të prezantohet niveli i përmbushjes së Planit të Punës së Qeverisë së Republikës së Kosovës për vitin 2021. (Hotel Sirius, ora 11:00)

- Partia Socialdemokrate do të zhvilloj një aktivitet simbolik në sheshin "Skënderbeu". (Pranë Teatrit Kombëtar, ora 11:00)

- Grupi Protestoj organizon protestën kundër shtrejtimit të energjisë elektrike me moto "Asnji cent ma shumë". (Sheshi Zahir Pajaziti, ora 12:00)

- Ministri i Ministrisë së Shëndetësisë, Rifat Latifi raporton para Komisionit për Shëndetësi dhe Mirëqenie Sociale lidhur me Menaxhimin e situatës epidemiologjike me COVID-19. (Ndërtesa e Kuvendit, salla N10, ora 12:00)

- Komuna e Gjilanit organizon tryezën letrare - Poezia e zgjedhur e Jusuf Gërvallës. (Bibloteka e Qytetit të Gjilanit, ora 12:00)

- Partia Demokratike e Kosovës, mban të mërkurën konferencë për media. (Selia qendrore e PDK-së, ora 12:00)

- Partia Demokratike e Kosovës, mban të mërkuren konferencë për media. (Selia qendrore e PDK-së, ora 12:00)

- OJQ EC Ma Ndryshe organizon prezantimin e lojës së fëmijëve për trashëgimi kulturore “Mos u nxeh Prizren!”. (Oborri i Lidhjes Shqiptare të Prizrenit, ora 13:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 14:00)

- Në kuadër të Fetivalit të Dramës "Talia e Flakës" shfaqet "Marksistët dhe Leninistët e Zvicrrës" nga Jeton Neziraj. (Teatri Ardiana në Ferizaj, ora 18:00)