04 Dhjetor 2020

OPEC përsërit angazhimet e marrëveshjes për frenimin e prodhimit të naftës

Vjenë, 21 tetor - Organizata e Vendeve Eksportuese të Naftës (OPEC) dhe vendet jo-anëtare prodhuese të naftës të OPEC-ut të hënën bënë thirrje për vazhdimin e dakordimit lidhur me vendimin për frenimin e prodhimit të grupit për të lehtësuar shqetësimet e furnizimit të tepërt.

Prodhuesit e naftës dhe aleatët e tyre të OPEC-ut, si Rusia, një grupim i quajtur OPEC+, u takuan të hënën në takimin e 23-të të Komitetit të Përbashkët të Monitorimit të Ministrave (JMMC) përmes videokonferencës për të shqyrtuar pajtueshmërinë rreth frenimit të prodhimit të naftës, që synojnë mbështetjen e çmimeve të naftës gjatë pandemisë së koronavirusit të ri (COVID-19).

Komiteti përsëriti angazhimin e plotë ndaj hartës rrugore dyvjeçare të Deklaratës së Bashkëpunimit të OPEC (DoC) për të rivendosur ekuilibrin e tregut për një periudhë të vazhduar deri në dhjetor.

"Në këtë mënyrë, të gjitha vendet pjesëmarrëse u inkurajuan të shtojnë përpjekjet e tyre për të kompensuar vëllimet e mbiprodhuara në mënyrë që të arrijnë objektivin e ribalancimit të tregut dhe të shmangin vonesat e panevojshme në proces", tha komiteti në një deklaratë të publikuar pas takimit.

OPEC+ aktualisht ka frenuar prodhimin me 7,7 milionë fuçi në ditë deri në dhjetor për të mbështetur çmimet, pasi kriza e koronavirusit vazhdon të jetë pengesë e kërkesës.

Komiteti mirëpriti performancën pozitive në nivelin e përgjithshëm të pajtueshmërisë për vendet pjesëmarrëse të OPEC dhe vendet jo anëtare të OPEC, me 102 për qind, që konsiderohet më e larta që nga maji i vitit 2020, duke përjashtuar përshtatjet vullnetare në qershor 2020 nga Arabia Saudite, Kuvajti dhe Emiratet e Bashkuara Arabe.

Për më tepër, komiteti në shtator tha se vendet kompensuan një total prej 249 mijë fuçi në ditë për të kompensuar vëllimet e mbiprodhuara më parë.

Duke përsëritur thirrjen për ato vende që nuk arritën të frenojnë kompensimin e OPEC+, që të zbatojnë me shpejtësi zotimet e tyre, komiteti nënvizoi se "moszbatimi nuk është vetëm i padrejtë ndaj vendeve të tjera, por është gjithashtu e dëmshme për ribalancimin e tregut të naftës".

Komiteti theksoi rimëkëmbjen e ngadaltë ekonomike të shkaktuar nga rirritja e rasteve të COVID-19 në ekonomitë e mëdha, veçanërisht në Amerikë, Azi dhe Evropë. Ai bëri thirrje për kujdes dhe veprim konstruktiv për të gjitha vendet pjesëmarrëse përballë kushteve dhe perspektivave të pasigurta të tregut.

Në vërejtjet e tij para takimit, ministri rus i Energjisë, Aleksander Novak, theksoi "pasiguritë" duke vënë në dukje se vala e dytë e pandemisë ndikoi në rimëkëmbjen e kërkesës për naftë.

Ministri algjerian i Energjisë, Abdelmadjid Attar, nënvizoi nevojën për të mbetur të përqendruar në detyrimet dhe angazhimet e bëra nga vendet pjesëmarrëse në DoC "pasi stabiliteti po kthehet gradualisht në tregun global të naftës".

Takimet e radhës të Komitetit të Përbashkët Teknik dhe JMMC janë caktuar për 16 dhe 17 nëntor.
 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)