22 Shkurt 2019

Fshati Orllan së shpejti çasje në sistemin e furnizimit me ujë të pijshëm

Podujevë, 22 maj - Kompania Rajonale e Ujësjellësit 'Prishtina' ka njoftuar se gjatë ditës së sotme, përmes kryeshefit ekzekutiv Ilir Abdullahu vizitoi Komunën e Podujevës, kryetarin Agim Veliu.

Qëllimi i kësaj vizite ishte nënshkrimi i marrëveshjes së bashkëpunimit për hartimin e Projektit Zbatues për furnizim me ujë të pijshëm të fshatit Orllan.

Ua kujtojmë se, më 6 prill 2018 në fshatin Orllan ishte organizuar një tryezë nga Organizata Jo qeveritare “ Sundimi i Demokracisë në Kosovë” në të cilën morën pjesë KRU ”Prishtina”sh.a., Ministria e Mjedisit dhe Planifikimit Hapësinorë, zyrtarë të Komunës së Podujevës, deputetë të Kuvendit të Republikës së Kosovës dhe qytetarë të shumtë të këtij fshati.

Tema që u diskutua në këtë tryezë kishte të bënte pikërisht me këtë fshat, çasjen në sistemin e furnizimit me ujë të pijshëm. Projekti  pritet të realizohet në bashkëpunim me Komunën e Podujevës dhe Kompanisë Rajonale të Ujësjellësit ,, Prishtina,, sh.a. .

Kryeshefi ekzekutiv i KRU “Prishtina” Ilir Abdullahu, e kishte quajtur një hap të mirë dhe shumë të rëndësishëm lajmin, se po i japin një rrugëzgjidhje problemit me furnizim me ujë të pijshëm për banorët e fshatit Orllan. Megjithatë, sipas tij, projekti nuk është aspak i lehtë për t’u ekzekutuar.

“Është një lajm i mirë se këtij fshati po i kthehet jeta dhe banorët nuk duhet të shpërngulen. Edhe unë mendoj se ky projekt duhet të përfundojë në vitin 2019...Zgjidhja më e mirë do të jetë nëse projekti bëhet në pjesën e sipërme të kodrave dhe t’i ikim rrugës gjarpërore”, kishte thënë kryeshefi Abdullahu.

Dhe pas një muaj e gjysmë, sot në Komunën e Podujevës u nënshkrua marrëveshja në mes të të dyja palëve.

Në bazë të marrëveshjes së nënshkruar, KRU ”Prishtina” sh.a. me stafin e saj harton projektin ideor duke caktuar saktë, pikat e kyçjes në furnizim, kthinën për stacion pompimi dhe lokacionin për rezervuarin kryesor. Poashtu , kjo kompani do të caktojë një zyrtar për komisionin e vlerësimit të ofertave dhe vlerësimit të projektit dhe do të zhvillojë kontrollë të projektit gjithnjë në harmonizim me zyrtarë komunalë.

Ndërsa, Komuna e Podujevës në bazë të kësaj marrëveshje siguron zotimin e mjeteve financiare në shumë prej 22 mijë euro për hartimin e projektit zbatues si dhe kryen procesin e tenderimit dhe cakton komisionin e hapjes dhe vlerësimit të tenderit.

Ky projekt do të financohet nga Komuna e Podujevës, KRU”Prishtina” sh.a. dhe Ministria e Mjedisit dhe Planifikimit Hapësinorë.

 

Kalendari

Ngjarjet e datës 22 shkurt 2019  - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të​ takohet me Kryetarin e Federatës së Shahut, Nysret Avdiu (Objekti i Kryeministrisë, kati VIII, zyra 806, ora 8:30)

-  Kryetari i Odës Ekonomike të Kosovës, Berat Rukiqi, Shefi i Ambasadës Japoneze në Kosovë, Mitsunori Ogasawara dhe Drejtori gjeneral i kompanisë Jetro Vjenë, Satoshi ABE vizitojnë kompaninë Gjirafa. (Kompania Gjirafa, Dragodan, ora 9:30)

- Let’s Do It do të mbajë konferencën “Efiçienca e energjisë dhe Ruajtja e ujit”, në bashkëpunim me Oden e Gjelbër Ekonomike te Amerikës. (Hotel Swiss Diamond, ora 10:00)

- Koordinatori  Nacional për Kulturë, Rini dhe Sport në Qeverinë e Republikës së Kosovës Rexhep Hoti do të mbajë takim me drejtorët e shkollave të komunitetit boshnjak në Komunën e Prizrenit ku do të prezantohet Programi Nacional për Rininë. (Drejtoria Komunale e Arsimit, Prizren, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të shqyrtohet raporti i auditimit për pasqyrat vjetore financiare të ZKM-së, etj. (Ndërtesa e Kuvendit, salla N 302, ora 10:00)

- Ministrja e Integrimit Evropian, Dhurata Hoxha, mban konferencë për media. (Ndërtesa e Qeverisë, ora 11:00)

- Ministri i Kulturës, Rinisë dhe Sportit, Kujtim Gashi i shoqëruar nga kryetari i Komunës se Rahovecit, Smajl Latifi do të vizitojë Palestrën e Sportit, ku do të shohë punimet e realizuara deri më tani në këtë objekt sportiv, projekt kapital në të cilin MKRS-ja ka investuar. (Komuna e Rahovecit, ora 11:00)

- Mbahet debati publik me temën 'Transparenca e punës së komunës së Graçanicës'. (Qendra Mediale në Çagllavicë, ora 11:00)

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet projektligjit për pijet e forta alkoolike, etj. (Ndërtesa e Kuvendit, salla N 303, ora 11:00)

- Ambasada Norvegjeze në Prishtinë, IPKO Foundation dhe RIT Kosova organizojn ngjarjen për projektin KosLift i cili ka për qëllim të mbështesë deri në 1000 student të Universitetit të Prishtinës dhe RIT Kosovë si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon. (Residenca Norvegjeze në Fshatin Ndërkombëtar, ora 12:00)

- Lëvizja Vetëvendosje mban konferencë për media. (Zyret qendrore të Vetëvendosjes, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti i shoqëruar nga Drejtori Komunal i Arsimit, Agim Blakçori do të vizitojë shkollat “Ibrahim Rugova”, “Naim Frashëri”, dhe “Aleksandër Xhuvani”, në Podujevë për të përcjellë mbarëvajtjen e garës. (Podujevë, ora 13:30)

- Kryeministri Ramush Haradinaj vizitë pune në Komunën e Mamushës. (Fshati Mamushë, ora 14:00)

- Kryeministri Ramush Haradinaj viziton disa sera në Komunën e Mamushës. (Fshati Mamushë, ora 14:40)

 - Kryeministri Ramush Haradinaj vizitë pune kompanisë “Liri” në Prizren. (Prizren, ora 17:00)