14 Dhjetor 2017

Fabrika e armëve "BAE Systems" do të shkurtojë dy mijë vende pune

Londër, 12 tetor - Prodhuesi britanik i armëve "BAE Systems" ka bërë të ditur se po planifikon të shkurtojë pothuajse 2 mijë vende pune dhe të ulë prodhimin e aeroplanëve luftarakë "Typhoon".

70 për qind e shkurtimeve të propozuara të vendeve të punës do të bëhen gjatë dy vjetëve të ardhshëm në njësinë e avionëve ushtarakë të kompanisë, që përbëjnë më shumë se gjysmën e shitjeve të BAE-s.

Shkurtimet e tjera të vendeve të punës do të jenë në biznesin e shërbimit detar dhe njësinë e inteligjencës.

Punonjësit e BAE-s thonë se ndikimi i shkurtimeve të vendeve të punës do të shkojë përtej vetë kompanisë:

"Ka shumë kompani në zinxhirin e furnizimit që varen nga ne. Ne marrim shumë pajisje prej tyre, kështu që kjo do t'i prekë të gjithë, jo vetëm 'BAE Systems'".

Lëvizja e BAE-s është e ngjashme me ato të homologëve të saj amerikanë si "Lockheed Martin" dhe "Boeing", në kushtet e presionit nga blerësit qeveritarë për çmime më të ulëta dhe konkurrencës së ashpër për porosi.

BAE synon të mbajë prodhimin e avionëve "Typhoon" deri rreth vitit 2022, që të fitojë kohë për të siguruar më shumë porosi për eksport.

Me ritmet e tanishme, prodhimi do të përfundonte në vitin 2019. 

Kalendari

Ngjarjet e datës 15 Dhjetor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Komisioni për Zhvillim Ekonomik, Tregti dhe Industri i Kuvendit të Kosovës, do të takojë Janez Kopac, drejtor i Sekretariatit të Komunitetit të Energjisë, me seli ne Vjenë ku do te bisedoj lidhur me gjendjen aktuale të përputhshmërisë me Traktatin e Komunitetit të Energjisë, nga ana e Kosovës. (Ndërtesae Kuvendit, salla N-303, ora 9:00)

- Ministrit të Punëve të Brendshme Flamur Sefaj raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës rreth zbatimit të Planit Kombëtar për Zbatimin e MSA-së dhe Marrëveshjeve të Brukselit mes Kosovës dhe Serbisë;. (Ndërtesae Kuvendit, salla N 302, ora  10:00)

- Caritas Kosova do të dhurojë 25 shtretër me dyshekë dhe komodina, donacion për Qendrën Klinike Universitare të Kosovës. (Objekti i Klinikës së Kirurgjisë, ora 11:00)

- Organizatat e dala nga lufta e UÇK-së, do të fillojnë me nënshkrimin e Peticionit, përmes të cilit kërkojnë që Kuvendi i Kosovës të bëjë ndryshimin dhe plotësimin e Ligjit Nr.05/L-053 për Dhomat e Specializuara dhe Zyrën e Prokurorit të Specializuar, për çështjen diskriminuese ndaj Kosovës. (Sheshi Skenderbeu, ora 11:00)

- ARDA organizon ceremoninë e hapjes së Panarit Dimëror në Prishtinë. (Sheshi Skënderbeu, ora 11:00)

- Ministria e Kulturës, Rinisë dhe Sportit organizon ceremoninë e ndajres së certifikatave për 200 të rinj për pjesëmarrjen e tyre në trajnimin “Ndërmarrësi për të rinjtë e Kosovës”. (Ish Instituti i Historisë, tani ndërtesa e administratës së UP-së, afër Institutit Albanologjik të Kosovës, ora 11:30)

- Mbahet një konferencë për media lidhur me deklaratën e përbashkët të dhjetëra subjekteve joqeveritare për Projekt-ligjin për Dhënien në Shfrytëzim dhe Këmbim të Pronës së Paluajtshme të Komunës, i cili është duke u draftuar nga Ministria e Administrimit të Pushtetit Lokal dhe parashihet t'i dërgohet Kuvendit të Kosovës. (Qendra Informative dhe Kulturore e BE-se, ora 13:00)

- Kryeministri Ramush Haradinaj takim me punonjësit e Administratës Tatimore të Kosovës. (Hotel Swiss Diamond, ora 14:00)

- Rrjeti Ballkanik i Gazetarise Hulumtuese, BIRN Kosova, ne bashkepunim me Qendren e Avokimit per Kulture Demokratike, ACDC, do te organizoje nje koktej rasti per ceremonine e ndarjes se çmimeve per 3 storiet me te mira gazetareske, ne kuader te iniciatives se perkrahur nga Ambasada Holandeze ne Kosove. (Kafe-librari, Dit' e Nat', 18:00)

-  Hapet ekspozita "Bri plagomës prej nga derdhet dhimbja" me fotografi të refugjatëve nga Kosova në Kukës gjatë luftës së vitit 1999, të autorit Fatos Lubonja. (Modelariumin e Arkitekturës mbrapa Ministrisë së Arsimit, ora 19:00)