15 Tetor 2019

BMW-ja do të rrisë investimet për zgjerimin e kapacitetit në Kinë

Shenyang, 12 tetor - Kompania gjermane e prodhimit të makinave BMW njoftoi se do të zgjasë afatin e kontratës së ndërmarrjes së përbashkët të saj në Kinën Verilindore.

Si pjesë e planit, BMW-ja do të rrisë edhe investimet për zgjerimin e kapacitetit prodhues.

Kontrata u zgjat për 22 vjet, nga sivjet deri në vitin 2040.

Ndërkohë, Grupi BMW do të investojë më shumë se 3 miliardë euro në strukturat e reja dhe ato ekzistuese të uzinës së vet në Shenyang gjatë viteve të ardhshme.

Kompania gjithashtu synon të rrisë aksionet e saj në ndërmarrjen e përbashkët nga 50 në 75 për qind.

Kalendari

Ngjarjet e datës 15 tetor 2019

-  Oda Ekonomike e Kosovës do të mbajë konferencë për media lidhur me zhvillimet në sektorin privat. (Objekti i Odës Ekonomike të Kosovës, ora 10:00)

- Ministria e Mjedisit dhe Planifikimit Hapësinor në bashkëorganizim me MASHT-in dhe OJQ – të mjedisore do të shënojë Ditën Ndërkombëtare të Ecjes së Lirë në Natyrë. (Parku “Germia”, ora 10:00)

- Shoqata Down Syndrome Kosova në bashkëpunim me GIZ-in gjerman organizon “Panairi i karrierës: takimi i punëdhënësve me punëkërkuesit” i cili zhvillohet në kuadër të fushatës ndërgjegjësuese për punësimin e personave me aftësi të kufizuar. (Hotel Sirius, ora 10:00)

- Fakulteti Ekonomik i Universitetit Publik të Gjilanit “Kadri Zeka” organizon takimin Fakultet-Biznese, ku do të diskutohet për të ardhmen e Fakultetit dhe mundësitë e bashkëpunimit dhe praktikes per studentet. (Objekti i Universitetit të Gjilanit, ora 12:00)

- Hapet edicioni i dytë i Metamorphosis. Flirting with leftovers e cila është një  intervenim artistik, specifik për lokacionin,  konceptuar nga artistja Koja. (Ish Restorant Marsi, rr. Bedri Gjini - Kodra e Trimave, ora 18:30)