24 Qershor 2018

Vdekjet për shkak të motit ekstrem në Europë mund të rriten 50 herë

Bruksel, 6 gusht - Sipas një studimi të ri, vdekjet për shkak të motit ekstrem në Europë mund të rriten 50 herë deri në fund të këtij shekulli, në se nuk merren masa kundër ngrohjes globale.

Studjuesit thonë se numri i vdekjeve mund të jetë më i lartë në Europën jugore.

Vendet europiane janë duke përjetuar temperatura të larta rekord këtë verë: i nxehti ka qenë më i madh në Itali dhe në vendet e Ballkanit, si Shqipëria, Kosova, Bosnja, Greqia, Kroacia, Maqedonia dhe Serbia.

Në Bosnje për shembull, temperatura gjatë ditës ka qenë këto ditë mbi 43 gradë Celsius. Sipas Shërbimeve të Urgjencës në Sarajevë, janë shtuar shumë rastet e infarkteve dhe goditjeve cerebrale.

Autoritetet në Itali, ku temperaturat kanë qenë gjatë gjithë javës 40 gradë, po i këshillojnë njerëzit të qëndrojnë brenda dhe të pijnë ujë më shumë se zakonisht.

Në studimin e publikuar sot nga Revista e Shëndetit “The Lancet”, shkencëtarët thonë se fatkeqësitë natyrore që lidhen me motin mund të shkaktojnë më tepër se 152 mijë të vdekur në vit rreth vitit 2100, pra shumë më tepër se sa 3 mijë në vit që ka qenë kjo shifër këto vitet e fundit.

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)