13 Prill 2021

SHBA rikthehet zyrtarisht në Marrëveshjen e Parisit për Klimën

Washington, 20 shkurt - Shtetet e Bashkuara janë rikthyer zyrtarisht në Marrëveshjen e Parisit pasi administrata e Presidentit Trump braktisi paktin global për klimën nën pretendimet se ishte shumë e kushtueshme për biznesin.

Shtëpia e Bardhë thotë se stuhia e ashpër dimërore që ka shkaktuar disa dhjetëra viktima në Teksas dhe disa shtete të tjera amerikane këtë javë është një lloj i motit ekstrem që po shkakton ndryshimi i klimës. Disa familje pa energji elektrike dhe ujë u strehuan nëpër dyqane dhe vende të tjera. Presidenti Joe Biden tha se Shtetet e Bashkuara nuk mund të vonohen më gjatë në luftën kundër ndryshimeve klimatike.

“Kjo është një krizë globale, ekzistenciale dhe nëse dështojmë, të gjithë do të vuajmë pasojat. Duhet të përshpejtojmë zotimet tona për të frenuar në mënyrë agresive ndotjen nga njeriu dhe të mbajmë përgjegjës njëri-tjetrin për përmbushjen e objektivave dhe shtimin e ambicieve tona.”

Në një ceremoni me rastin e rikthimit të Amerikës në paktin për klimën, Sekretari i Përgjithshëm i Kombeve të Bashkuara Antonio Guterres tha se kjo forcon përpjekjen globale për të ngadalësuar ngrohjen.

“Gjatë katër viteve të fundit, mungesa e një lojtari kryesor krijoi një hendek tek Marrëveshja e Parisit, një hallkë e munguar që dobësoi gjithçka. Ndërsa përgëzojmë rikthimin e Amerikës në këtë traktat, po ashtu ripohojmë objektivat e marrëveshjes në tërësi, ashtu siç synonin krijuesit e tij. Mirë se erdhët përsësi!”

Ekspertët thonë se emërimi i ish Sekretarit të Shtetit John Kerry për të qënë i dërguari i parë presidencial për klimën, është një sinjal i fuqishëm. Zoti Kerry u zotua se Shtetet e Bashkuara do të dyfishojnë përpjekjet.

“Kthehemi tek përpjekjet ndërkombëtare për klimën me përulësi dhe ambicie. Përulësi, se kemi humbur katër vite gjatë të cilave Amerika mungonte në tryezë. Por gjithashtu me ambicie, sepse Parisi i vetëm nuk mund të bëjë atë që shkenca na thotë se duhet ta bëjmë sëbashku.”

Zoti Kerry kujtoi gëzimin dhe shpresën e vitit 2015 kur u nënshkrua marrëveshja e Parisit nga pothuajse çdo vend i botës. Pakti synon të zvogëlojë emetimet globale të gazeve që shkaktojnë efektin serë dhe të kufizojnë ngrohjen globale me 2 gradë celsius, krahasuar me nivelet e periudhës para-industriale.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)