20 Korrik 2018

Prezantohen gjetjet e matjeve për cilësinë e ajrit në Prishtinë

Prishtinë, 7 dhjetor - Sot në Fakultetin Filozofik, Rrjeti i Edukatorëve Bashkëmoshatarë - PEN në mbështetje nga Komisioni Evropian, organizon konferencën për cilësinë e ajrit në Prishtinë”.

Në këtë konferencë do të prezantohen gjetjet e matjeve të pavarura të cilësisë së ajrit nga organizata PEN si dhe do të mbahet paneli i diskutimit për “Hapat e radhës për përmirësimin e cilësisë së ajrit në Prishtinë”.

Paneli do të përbëhet nga përfaqësues të komunës së Prishtinës, përfaqësues të Ministrisë së Mjedisit dhe Planifikimit Hapësinor, përfaqësues të Universitetit të Prishtinës dhe përfaqësues të shoqërisë civile.

Pjesë e këtij organizimi do të jenë edhe këndi i shkencës - prezantimi i pajisjeve inovative për matjen e cilësisë së ajrit në kohën reale, ofrimi i maskave kundër ndotjes së ajrit, dhe fletushkat informuese.

Gjate kësaj konference do të shfaqet edhe ekspozita e fotografive më ikonike gjatë zbatimit të projektit “Making Sense”, lansimi i platformës dhe aplikacionit për cilësinë e ajrit në Prishtinë si dhe shfaqja e insertit të dokumentarit për projektin “Making Sense”.

Projekti “Making Sense” është projekt inovativ i Komisionit Evropian dhe zhvillohet paralelisht në Belgjikë, Spanjë, Skoci, Holandë dhe Kosovë. Ky projekt në Kosovë implementohet nga PEN (Rrjeti i Edukatorëve Bashkëmoshatarë) dhe Lëvizja Shkenca për Ndryshim.

Qëllimi i projektit është aftësimi i qytetarëve që të masin vetë gjendjen e mjedisit të tyre, të krijojnë kampanja nga rezultatet e dhëna, dhe së bashku me akterë kryesorë të promovojnë ndryshime pozitive në fushën e mjedisit në Kosovë.

Ky projekt për herë të parë në Kosovë ka sjellur pajisje inovative për matjen e cilësisë së ajrit që do të përdoren nga vetë qytetarët

Rrjeti Edukatorëve Bashkëmoshatar është një organizatë rinore jo-qeveritare dhe jo-profitabile që ka për qëllim promovimin e qytetarit aktiv të ri si një mjet për përmbushjen e nevojave të komunitetit.

PEN-i ka një status të OJQ-së që shtrihet në tërë Kosovën, me seli ne Prishtinë. PEN-i është aktiv në 29 komuna të Kosovës dhe ka më tepër se 1500 vullnetarë/bashkëmoshatarë edukatorë, të cilët përfaqësohen nga Koordinatorët Komunal të Këshillit të PEN-it.  




 

Kalendari

Ngjarjet e datës 20 Korrik 2018 - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Presidenti i Republikës së Kosovës, Hashim Thaçi, do të bashkëbisedojë me studentë të Universitetit të Prishtinës “Hasan Prishtina”. (Kabineti i Presidentit, ora 11:30)

- Kryeministri Ramush Haradinaj vizitë pune në Komunën e Lipjanit. (Objekti i Komunës, ora 11:30)

- Komuna e Shtërpcës, Agjencia Austriake për Zhvillim dhe Programi i Kombeve të Bashkuara për Zhvillim organizojnë ceremoninë e hapjes së ndërmarrjes sociale "Shoqata e Pavarur e Grave Sevcë" në fshatin Sevcë. (Ambientet e Ndërmarrjes Sociale në fshatin Sevcë, Komuna e Shtërpcës, ora 11:30)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Kryeparlamentari Kadri Veseli pret në takim ministrin e Jashtëm të Maqedonisë, Nikola Dimitrov. (Kabineti i Kryeparlamentarit, ora 14:30 - vetëm pamje)

- Kryeministri Ramush Haradinaj pret në takim ministrin e Jashtëm të Maqedonisë, Nikola Dimitrov. (Ndërtesa e Qeverisë, ora 15:10 - vetëm pamje)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)