21 Shtator 2018

Ky vit do të shënohet si ndër tri vitet më të nxeha

Bon, 6 nëntor - Ky vit do të shënohet si ndër tri vitet më të nxeha prej se ato regjistrohen, ka njoftuar sot Organizata Botërore Meteorologjike (WMO), në hapje të konferencës klimatike të Kombeve të Bashkuara, të organizuar në Bon të Gjermanisë.

Në këtë konferencë, që ka filluar sot dhe zgjatë deri më 17 nëntor, përfaqësuesit e afro 200 vendeve pjesëmarrëse do të përpiqen ta forcojnë Marrëveshjen e Parisit, të arritur në vitin 2015, megjithë tërheqjen e planifikuar të Shteteve të Bashkuara.

Viti i kaluar ishte më i nxehti, për shkak të fenomenit El Nino, ndërsa 2015 dhe 2017 gjenden në vendin e dytë dhe të tretë, ka thënë WMO në raportin vjetor preliminar të publikuar sot.

Prania e dioksid karbonit në atmosferë ka vazhduar të rritet këtë vit, nivelet e detërave janë rritur mëtutje, ndërsa mbulesa e akullt në Antarktik është duke lëvizur kah zvogëlimi rekord.

Mëtutje, në raport theksohet se temperatura mesatare globale në perudhën janar – shtator këtë vit, ishte për afro gjysmë grade Celsius më e lartë se mesatarja e periudhës 1981 – 2010.

Në vitin 2017 “ne kemi qenë dëshmitarë të motit të jashtëzakonshëm”, tha sekretari i përgjithshëm i WMO-s, Petteri Taalas, në deklaratën e tij.

Në këtë kuadër ai ka shpjeguar se ka pasur uragane të fuqishme në Atlantik dhe Karaibe, temperatura mbi 50 gradë Celsius në Pakistan, Iran dhe Oman, vërshime nga të reshurat e mëdha në Azi dhe thatësi në Afrikën Lindore.

Kalendari

Ngajrjet e datës 21 shtator 2018

- Kolegji “Tempulli” i mbeshtetur nga Oda Ekonomike Gjermane dhe Asociacioni Kosovar i Motorizimit organizojnë tryezë diskutimi për të shënuar Ditën Evropiane pa Viktima në Rrugë. (Ndërtesa e OEGJK, në Zonën Industriale në Fushë Kosovë, ora 9:00)

- Let’s Do It Kosova organizon aksioni i radhës në kuadër të fushatës “Ta Pastrojmë Kosovën”. (Pranë stadiumit “Fadil Vokrri”, ora 9:00)

- Kryeministri Ramush Haradinaj merr pjesë në aksionin e pastrimit në kuadër të Task Forcës “Ta pastrojmë Kosovën”. (Deponia pranë Stadium “Fadil Vokrri”, ora 9:00)

- Universiteti “Kadri Zeka” në Gjilan organizon provimin pranues për studentë të rinj. (Universiteti i Gjilanit, ora 9:00)

-  Oda Ekonomike Amerikane në Kosovë organizon tryezën e titulluar “Disponueshmëria e Fuqisë Punëtore në Kosovë”. (Salla e Konferencave Orion, ora 10:00)

- Projekti rajonal "Rrjeti i Veprimit për Ndërtimin e Ripërtritjes Urbane në Evropën Juglindore" organizon një ceremoni nënshkrimi të Marrëveshjes Ndër - Komunale për themelimin e rrjetit "Ripërtëritja nga Fatkeqësitë për komunat e Istogut, Klinës, Malishevës dhe Pejës”. (Hotel Swiss Diamond, ora 10:00)

- Në Kuvendin e Republikës së Kosovës bëhen homazhe me rastin e rivarrimit të Kolonel Ahmet Krasniqi dhe Qazim Jakupi. (Holli i Kuvendit, ora 10:00)

- Kryeparlamentari Kadri Veseli bënë homazhe me rastin e rivarrimit të dëshmorit Ahmet Krasniqi. (Holli i Kuvendit, ora 10:00)

- Kryeministri Ramush Haradinaj bënë homazhe pranë arkivolit të Dëshmorëve të Kombit, Kolonel Ahmet Krasniqi dhe Qazim Jakupi. (Holli i Kuvendit të Kosovës, ora 10:00)

- Ushtrues i Detyrës së Ministrit të Mjedisit dhe Planifikimit Hapësinor, Fatmir Matoshi  do të vizitojë Komunën e Prizrenit, ku së bashku me kryetarin e kësaj komune, Mytaher Haskuka do të nënshkruajnë një memorandum bashkëpunimi për ndërtimin e deponisë së mbeturinave inerte. (Ndërtesa e komunës se Prizrenit, ora 10:15) 

-  Promovohet raporti 'Stafi Akademik i UP-së - studimet, angazhimet tjera, plagjiaturat, vlerësimet e profesorëve dhe përpjesa staf-studentë e studentë-hapësirë', mes tjerash, do të publikohen rastet e 16 profesorëve të Universitetit të Prishtinës që ndër vite kanë kryer plagjiaturë. (Qendra Informative Kulturore e BE-së, ora 11:00)

- Kryeparlamentari Kadri Veseli merr pjesë në manifestimin për 20 vjetorin e rënies së Dr. Lec Gradica. (Fshati Gradicë në Drenas, ora 12:00)

- Kryeministri Ramush Haradinaj merr pjesë në Akademinë Përkujtimore për Dëshmorët e Kombit, Kolonel Ahmet Krasniqi dhe Qazim Jakupi. (Teatri Kombëtar, ora 12:30)

- Kryeministri Ramush Haradinaj merr pjesë në Rivarrimin e Dëshmorëve të Kombit, Kolonel Ahmet Krasniqi dhe Qazim Jakupi. (Varrezat e Dëshmorëve, ora 14:00)

- Mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” dhe EuroMetal-it. (Rektorati i UPHP-së, ora 14:00)

- Academic English Center KS  organizon ngjarjen e promovimit të librit të parë me thënje në gjuhën angleze, botim i parë i këtij lloji me autor kosovar i lindur në Libi. (Ambientin e qendrës Academic English Center KS, afër sheshit “Zahir Pajaziti” , mbrapa bankës TEB, ora 19:00)