20 Maj 2022

Kryetari Hykolli vizitoi punëtorët grevistë të KEDS-it dhe KESCO-s

Prishtinë, 13 maj - Bashkimi i Sindikatave të Pavarura të Kosovës është duke e përcjellë me vëmendje grevën disa ditëshe të punëtorëve të KEDS-it dhe KESCO-s, dhe sot, Kryetari i Bashkimit të Sindikatave të Pavarura të Kosovës, Dr. Atdhe Hykolli, vizitoi punëtorët grevistë të KEDS-it dhe KESCO-s.

Kryetari i Bashkimit të Sindikatave të Pavarura të Kosovës, Dr. Atdhe Hykolli, i dëgjoi shqetësimet dhe kërkesat e punëtorëve grevistë dhe u zotua se Bashkimi i Sindikatave të Pavarura të Kosovës do të jetë krah tyre deri në realizimin e kërkesave duke u solidarizuar me ta deri sa Bordi dhe Menaxhmenti i KEDS-it dhe KESCO-s të reflektojë e të përmbushë kërkesat e tyre të arsyeshme.

Bashkimi i Sindikatave të Pavarura të Kosovës përkrah fuqishëm kërkesat e arsyeshme të punëtorëve të KEDS-it dhe KESCO-s dhe pret që Bordi dhe Menaxhmenti i KEDS-it dhe KESCO-s t’i dëgjojë dhe t’i përmbushin kërkesat e arsyeshme të punëtorëve.

 

Kalendari

Ngjarjet e datës 20 maj 2022

- Për herë të parë në Kosovë organizohet Dita Internacionale të Burimeve Njerëzore. (Amfiteatri i Fakultetit Ekonomik,  ora 9:30)

 - Komisioni për Ekonomi, Industri, Ndërmarrësi dhe Tregti diskuton rreth performances së përgjithshme të Kosovës në fushën e energjisë elektrike ne raport me kërkesat e Komunitetit të Energjisë. (Ndërtesa e Kuvendit, salla N10, ora 11:00)

- Presidentja e Republikës së Kosovës, znj.Vjosa Osmani Sadriu, Ministri i Mbrojtjes, Armend Mehaj marrin pjesë në ceremonisë së betimit  të ushtarëve të rijnë  FSK-së. (Kazerma e Komandës dhe Doktrinës në Ferizaj, ora 10:00)

- Kryetari i Kuvendit të Republikës së Kosovës, Glauk Konjufca, pret në takim ambasadoren e Greqisë, Heleni Vakali. (Kabineti i kryetarit, ora 10:00)

- Kryetari i Kuvendit të Republikës së Kosovës, Glauk Konjufca, pret në takim Komisionin e Venecias për Vetting. (Kabineti i kryetarit, ora 11:15 - Mediat mund të marrin pamje në fillim të takimeve)

- Në shënim të përvjetorit të masakrës së Dubravës, Ministrja e Drejtësisë, Albulena Haxhiu së bashku me studente nga Universiteti i Prishtinës, zhvillon një vizitë në Dubravë. (Dubravë, ora 11:30)

- Bashkimi i Sindikatave të Pavarura të Kosovës organizon protestë. (Sheshi Zahir Pajaziti, ora 13:00)

- Në kuadër të Ditëve të Gjuhës Gjermane organizohet piknik me poezi. (Pakru i qytetit të Prishtinës, ora 15:00)

- Në vazhdën e aktivitete për promovimin e lëvizjes së lirë nëpër Kryeqytet, Komuna e Prishtinës në bashkëpunim me “Qendra Marrëdhënie” në Tiranë, organizojnë aktivitetin “Festë n ‘ Rrugë” për të përjetuar së bashku lirimin e rrugëve afër shkollave për të mirën e fëmijëve tanë dhe gjithë komunitetit përreth. (Rruga “Zejnel Salihu”, përball Shkollës Fillore “Elena Gjika”, ora 17:00)

- Mbahet koncerti përmbylles i Ditëve të Gjuhës Gjermane. (Amfiteatri i Biblotekës Universitare, ora 19:00)