20 Prill 2019

Kosova dhe BE diskutojnë për Energjinë, Mjedisin, Klimën, Transportin

Prishtinë, 15 mars - Zyrtarët nga Kosova dhe Komisioni Evropian u takuan në Prishtinë për të diskutuar zhvillimet gjatë vitit të kaluar në fushat e Energjisë, Mjedisit, Klimës, Transportit dhe Zhvillimit Rajonal. Diskutimi u mbajt në kuadër të Marrëveshjes së Stabilizim Asociimit (MSA), e cili hyri në fuqi në prill 2016.

Në të gjitha fushat, Komisioni dhe Kosova u pajtuan për rëndësinë e zbatimit të Agjendës së reformave evropiane dhe prioriteteve të Programit të reformave ekonomike, si dhe rekomandimeve nga Raporti i të Komisionit për Kosovën për 2018 dhe rekomandimet e mëhershme përkatëse të nënkomisioneve të tjera relevante.

Sa i përket energjisë, Komisioni përshëndeti miratimin e Programit të Veprimit për Strategjinë e Energjisë 2018-2020 dhe theksoi rëndësinë e zbatimit.

Kjo duhet të përcaktojë qartë prioritetet e Kosovës në këtë sektor, duke përfshirë plane për përmbushjen e zotimeve ndërkombëtare siç është pakoja e 3-të e energjisë dhe dekomisionimi i TC Kosova A dhe remonti i TC Kosova B. Sa i përket TC Kosova e Re, Komisioni theksoi rreziqet e rëndësishme që lidhen me financimin, ndërtimin dhe ndikimin e mundshëm mjedisor, social dhe fiskal.

Komisioni shprehu shqetësimin për vonesat e vazhdueshme në miratimin e Ligjit për rezervat e detyrueshme të derivateve të naftës.

Komisioni përshëndeti miratimin e Ligjit për efiçiencën e energjisë dhe krijimin e Fondit për efiçiencë të energjisë, megjithatë theksoi rëndësinë e miratimit të legjislacionit sekondar që rrjedh nga Ligji për efikasitetin e energjisë si dhe funksionalizimin e Fondit për efiçiencë të energjisë. 

Në nxitjen e përpjekjeve për të arritur objektivat e energjisë së ripërtërishme, Komisioni ftoi Kosovën të siguroj miratimin dhe zbatimin e planit të saj të rishikuar të veprimit për energjinë e ripërtërishme.

Lidhur me mjedisin, Komisioni shprehu shqetësim për progresin e kufizuar në këtë fushë, e cila ka rëndësi të madhe për qytetarët e Kosovës dhe cilësinë e shëndetit dhe jetës së tyre.

Në veçanti, Komisioni pyeti për përparimin në monitorimin e cilësisë së ajrit në kohë reale dhe kërkoi zbatimin e masave të menjëhershme për të ulur nivelet e ndotjes së ajrit.

Në lidhje me veprimin klimatik, Kosova ka miratuar Strategjinë dhe Planin e veprimit për ndryshimet klimatike, por ka nevojë të fillojë t’i zbatoj ato.

Gjithashtu u diskutuan edhe zhvillimet më të fundit legjislative dhe politike në fushën e transport.

Komisioni theksoi nevojën për të vazhduar zhvillimin e projekteve për të ndihmuar në krijimin e rrjetit kryesor të transportit për Ballkanin Perëndimor.

Të dy palët u dakordua për nevojën për të vazhduar reformat, duke përfshirë fuqizimin e pavarësisë dhe kapaciteteve të institucioneve rregullatore në sektorin e transportit.

Homologimi i automjeteve mbetet një çështje që duhet të adresohet urgjentisht nga autoritetet e Kosovës.

Për sa i përket sigurisë në rrugë, përderisa e përafron legjislacionin e saj me acquis të BE-së, Kosova duhet të marrë masa konkrete për të përmirësuar sigurinë në rrugë, në interes të qytetarëve.

Së fundi, sa i përket zhvillimit rajonal, Komisioni theksoi rëndësinë e miratimit të strategjisë për zhvillimin e balancuar rajonal.
 

Kalendari

Ngjarjet e datës 20 prill 2019 - Federata e pingpongut të Kosovës do të organizojë Turneun memorial për të rinjë "Bedri Ajeti". (Pallati i sporteve në Prishtinë, ora 9:30)

- Lëvizja Vetëvendosje mban konferencë për media! (Selia e Vetëndosje, ora 10:00)

- Ministri i Drejtësisë, Abelard Tahiri mban konferencë për media. (Press Qendra në Ndërtesën e Zyrës së Kryeministrit, ora 10:00)

- Alternativa mban konferencën e radhës të partisë në të cilën prezanton të gjetura dhe rekomandime për gjendjen mjedisore në Kosovë. (Zyret e partisë Alternativa. ora 10:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Dëshmorëve të Brigadës 136 Rugova, që organizohet nën patronatin e kryeministrit. (Teatri “Istref Begolli” në Pejë, ora 11:00)

- Prokuroria Speciale e Republikës së Kosovës organizon Konferencë për media lidhur me kthimin e shtetasëve kosovarë nga Siria. (Objekti i Prokurorit të Shtetit, ora 12:30)

- Biznesi anëtarë në Odën e Afarizmit të Kosovës “Altera”, bën promovimin e librit të autorit Bashmir Xhemaj, “Një shqiptar në CIA - dy jetët e Destan Berishës”. (Libraria Altera në Prizren, ora 13:00)

- Lansohet projekti #Forheroines. (Para monumentit “Heroinat” në Prishtinë, ora 13:00)

- Shoqata Atlantiku mbanë konferencë përmbyllëse për media në të cilën përfaqësuesi i shoqatës Gani Shehu, do të pasqyrojë ngjarjet që kanë shënuar 20-vjetorin e ‘Batalionit Atlantiku’, mesazhin kyç dhe vizionin për angazhimet në të ardhmen. (Hotel Grand, ora 14:00)