21 Tetor 2019

“Kosova B” një nga projektet më të mëdha të komponentës ambientale

Prishtinë, 5 gusht - Drejtori menaxhues i Korporatës Energjetike të Kosovës (KEK), Njazi Thaçi, përmes një postimi ka mirëpritur vendimin e Kryesisë së Kuvendit, për ta futur në rend dite Parlamentit ratifikimin e marrëveshjes IPA në kuadër të se cilës është i paraparë investimi BE-së prej 78 milionë euro në rehabilitimin e Termocentralit “Kosova B”.

Postimi i plotë:

Lajm i mirë nga Kuvendi i Kosovës

Sapo u njoftuam qe Kryesia e Kuvendit të Republikës së Kosovë e ka futur në rëndë ditë për seancën e radhës se Parlamentit ratifikimin e marrëveshjes IPA në kuadër të se cilës është i paraparë investimi BE-së prej 78 milionë euro në rehabilitimin e Termocentralit “Kosova B”.

Ky është një nga projektet më të mëdha të komponentës ambientale dhe garanci e një stabiliteti shumë më të madh energjetik në vend.

Sinqerisht, duke e ditur rëndësinë e madhe qe ka ky projekt si nga vlera financiare ashtu edhe nga pesha e tij për siguri energjetike, shpreh falënderimin e përzemërt për kryetarin e Kuvendit të Kosovës, z. Kadri Veseli dhe të gjithë Kryesinë e Kuvendit qe e kanë marrë parasysh kërkesën tonë dhe mbesim me shprese qe kjo marrëveshje të ratifikohet në seancën e radhës të Kuvendit të Kosovës.

Natyrisht, falënderim i veçantë dhe mirënjohje për zyrën e Bashkimit Evropian në Kosovë të cilët në vazhdimësi kanë mbështetur Korporatën në projekte të mëdha.
Po ashtu edhe për stafin e BE-se dhe ekspertet e tyre për bashkëpunim e shkëlqyer.

Sinqerisht,
Njazi Thaçi

 

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)