13 Gusht 2020

KEK ndërpret praktikën e emërimeve arbitrare të menaxherëve

Prishtinë, 5 korrik - Korporata Energjetike e Kosovës (KEK), ka theksuar se ndjehet e obliguar për sqarimin e opinionit, se shkrimi i publikuar në një portal në lidhje me “avancime të militantëve të partive në pozita të larta në KEK”, siç potencohet në këtë artikull, është tendencioz dhe si i tillë fund e krye përmban shpifje me të cilat është munduar të dezinformoj publikun me qëllim të dëmtimit të imazhit të KEK-ut dhe zyrtarëve të saj.

"Prandaj, kemi për obligim të njoftojmë opinionin e gjerë publik se, e vërteta është se KEK-u pikërisht me qëllim të korrigjimit të lëshimeve të mëhershme që kishin të bënin me emërime  arbitrare, tash e tutje në KEK nuk mund të bëhet ASNJE emërim e posaçërisht në pozita menaxheriale pa u plotësuar kushtet e vendit të punës dhe pa iu nënshtruar konkurrencës (konkursit)", njofton KEK.

 Si rrjedhojë, të gjitha gjoja “avancimet” që përmend ky portal, e që sipas KEK nuk qëndrojnë kanë të bëjnë me caktimin e zyrtarëve ne pozita të ushtruesit të detyrës me mandat shumë të limituar në kohë (jo me gjatë se 6 muaj).

Gjatë kësaj periudhe do të shpallet konkursi dhe do të bëhet përzgjidhja meritore bazuar në përgatitjen profesionale konform kritereve të konkursit.

"Përndryshe, të gjithë zyrtarët që caktohen në pozitat e përkohshme të ushtruesit të detyrës duhet të jenë dhe janë punonjës dhe profesionist shumëvjeçar në profesionet, njësitë dhe departamentet përkatëse, që i plotësojnë kushtet e vendit të punës, gjë që fatkeqësisht nuk ka ndodhur gjithmonë deri më tani, ku me mandat të përhershëm ishin caktuar zyrtar që as për së afërmi nuk i kishin plotësuar kushtet e atij vendi të punës."

"Për këtë portal kjo dukuri tashmë është bërë rutinë! pasi që nga ndryshimet e fundit në KEK ka publikuar dhjetëra artikuj me shpifje nga më të ndryshmet duke u thirrur vetëm në “burimet nga KEK”. Pra, as edhe  njëherë nuk e ka marrë mundin që të verifikoj të vërtetën ose të paktën ta merr qëndrimin zyrtarë të KEK-ut, ashtu siç edhe e kërkon etika gazetareske, deklaron KEK.  

Fare në fund, KEK-u sipas detyrës zyrtare në rastet kur në mënyrë të qëllimshme tentohet t’i dëmtohet imazhi korporatës dhe zyrtarëve të saj ka për obligim të reagoj.

"Prandaj, edhe në rastin konkret menjëherë do të nisim hapat ligjor për eliminimin e dëmeve që i janë shkaktuar korporatës dhe zyrtarëve të saj si pasojë e shpifjeve të qëllimshme që janë lansuar gjatë tre mujorit të fundit nga ky portal", thekson ne fund KEK.   

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)