25 Maj 2019

KEK: Certifikatat e Qendrës së Trajnimit njihen edhe ndërkombëtarisht

Prishtinë, 4 dhjetor - Janë një grup  të  interesuarish prej 18 kandidatëve të cilët po trajnohen në mënyrë që të marrin certifikata për saldues profesional. Nehat Zekolli njëri prej tyre  pohoj se trajnimi ia bëri të  mundur të mësoj shumë më mirë saldimin. Ai tha se në Qendrën e Trajnimit mësohet edhe siguria në punë e cila është shumë e nevojshme për punën e salduesit.

Nga ana tjetër, Remzi Selimi specialist ndërkombëtar I saldimit, njëherësh trajnues i kandidatëve për saldim tregon rreth implementimit të programit si dhe përfitimet që mund ti kenë të interesuarit.

“Sipas rregullave këtu kandidatët i ushtrojmë se si përgatitet epruvetat e saldimit për gypa, dhe se kandidatët të cilët e donë këtë profesion (saldimin) e kanë mundësinë që të përfitojnë njohuri të reja dhe të përsosen edhe më shumë në aspektin e shkathtësive. Si rrjedhojë, edhe punën që do ta bëjnë në të ardhmen do ta bëjnë shumë  më shpejtë shumë më thjeshtë dhe shumë më saktë” tha Remzi Selimi.

Sipas koordinatorit për menaxhimin e cilësisë, Skender Berisha, të gjithë ata kandidate që e kryejnë me sukses trajnimin, certifikatat e tyre do të njihen ndërkombëtarisht.

“Pasi që kandidatët të aplikojnë ne së bashku me oden gjermane të Dortmundit fillojmë me procedura dhe pasi  të përgatiten kandidatët  vjen DVS-(Shoqata Gjermane për saldim dhe proceset e ndërlidhura) gjithnjë në bashkëpunim me odën e Dortmundit dhe bon certifikimin sipas standardit të DVS gjerman.  Sipas gjermanëve , kushtet në këtë qendër janë shumë të mira sepse I plotësojnë të gjitha standardet e kërkuara ndërkombëtare“. ka theksuar Berisha.

Zyrtarët e Qendrës Trajnuese e KEK-ut ju bëjnë thirrje edhe bizneseve që ushtrojnë punë me elektrikë, saldim,  mekanike, hidraulike, makineri të rënda etj.  për të sjellë punëtorët e tyre që të certifikohen në këtë Qendër sepse është e vetmja në rajon ku mund të kryhen këto trajnime.

Kalendari

Ngjarjet e datës 25 maj 2019 - Vazhdon dita e dytë e konferencës ekonomike të diasporës shqiptare nga Evropa më B2B me temë 'Diaspora si agjent ndërmjetësues për të bërit biznes në tregjet e huaja'. (Hotel Emerald, ora 9:00)

- Kryetari i Odës Ekonomike të Kosovës, Berat Rukiqi pret në takim delegacionin e Kryetarëve të Odave të Ballkanit Perendimor, anëtarë të Bordit Menaxhues të CIF-it. (Objekti i OEK-ut, ora 9:15)

- Delegacioni i kryetarëve të Odave Ekonomike të Ballkanit Perëndimor do ta vizitoj Kosovën. (Parku i Inovacionit dhe Trajnimeve në Prizren, ish kampi i KFOR-it, ora 11:00)

- Kryetari i Komunës së Vushtrisë organizon drekë pune për delegacionin nga Diaspora në Komunën e Vushtrisë. (Vushtrri, ora 12:15)

- Kompanitë e konferencës ekonomike të diasporës shqiptare nga Evropa më B2B vizitojnë showroom të kompanisë nga Kosova, Ciao Berto. (Ciao Berto, Magjistralja Pishtine - Mitrovice, kilometri i dytë, ora 14:25)

- Kompanitë e Diasporës vizitojnë showroom të kompanisë nga Kosova, Tiki Mosaic. (Objekti i kompanisë Tiki MosaicMagjistralja Prishtinë - Ferizaj, afër Grand Strore, ora 15:30)

- Kompanitë e Diasporës zhvillojnë vizitë përmbyllëse në showroom të kompanisë Binni e cila do të jetë nikoqir i një kokteji me rastin e mbylljes së Konferencës Ekonomike të Diasporës Shqiptare nga Evropa. (Objekti i kompanisë Bini, magjistralja Prishtinë - Ferizaj, ora 16:15)