17 Tetor 2017

KEDS përmirëson rrjetin elektrik për qindra familje të komunës së Obiliqit

Prishtinë, 10 gusht - Për pensionistin Ramadan Krasniqi, jeta në fshatin e tij tani ka marrë kuptimin e duhur. Ish-dispeçeri në Mihjen Sipërfaqësore në Bardh, ka thënë se tani problemet energjetike nuk ekzistojnë më. Ai punon në kopshtin e tij pa problem dhe përdor pa frikë pajisjet elektrike. 

“Rryma ka qenë tepër e dobët dhe prishjet tepër të mëdha. Kemi pasur pengesa për përdorimin e pajisjeve elektrike, shpesh na digjeshin ato. Tani gjithçka është e re. Trafo e re, shtyllat dhe orët e reja digjitale, dhe për ne çdo gjë është në rregull. Me vendosjen e orëve matëse nëpër shtylla, edhe keqpërdorimi i energjisë elektrike nuk ekziston më”, ka thënë Krasniqi.

Pos tij, falë projekteve të realizuara nga KEDS-i, banorët të cilët jetojnë në zonat përreth termocentraleve do të kenë shërbime shumë më kualitative. Këto investime të radhës në rrjetin energjetik i kanë ndjerë banorët e fshatrave Dardhishtë e Sibovc të komunës së Obiliqit.

Me punët që janë bërë këtu, është rritur siguria e konsumatorëve dhe me vendosjen e kabllove bistekë për tension të ulët janë zvogëluar edhe humbjet teknike.

Në fshatin Sibovc janë vendosur dy trafoshtylla me fuqi të transformatorit 100 dhe 160 kVA, që kanë rritur dukshëm tensionin energjetik dhe kanë krijuar stabilitet energjetik. Gjithashtu janë vendosur edhe 67 shtylla të tensionit të ulët, 25 shtylla të tensionit të mesëm, 4930 m rrejt i tensionit të ulët dhe 1232m rrjet të tensionit të mesëm. Numri i familjeve të cilët kanë përfituar nga realizimi i këtij projekti është  60.

Edhe për ata që merren me biznes ky investim ua ka lehtësuar shumë punën. Njëri ndër ta është Amer Mexhuani, i cili ka një stallë lopësh, ku i nxjerr rreth 200 litra qumësht në ditë, dhe thotë se me këtë investim tash rryma është e sigurt.

“Si fryjke era u nalke rryma dhe nuk mujshim me i përdor makinat për mjelje, qe besa edhe tamli na u prishke. Tash çdo mahallë e ka trafon e vet dhe shtyllat krejt të reja e me këtë është përforcu shumë rryma dhe gjithçka po shkon më lehtë” ka thënë Mexhuani.

 Pas përfundimit të projektit në fshat janë demontuar edhe shtyllat e vjetra që kanë qenë nëpër prona private dhe janë zhvendosur përreth rrugëve të lagjeve.

Fshati tjetër që shtrihet rrëzë termocentralit “Kosovës A”, është Dardhishta, ku me investimet e KEDS-it gjendja energjetike ka ndryshuar krejtësisht për të mirë.

Gjatë realizimit të punimeve në këtë projekt është bërë implementimi i 77 shtyllave të tensionit të ulët, 37 shtylla të tensionit të mesëm, 9015 m rrjet i tensionit të ulët, 4360 m rrjet i tensionit të mesëm dhe gjithashtu janë vendosur 2 trafoshtylla me fuqi të transformatorit 160 dhe 400 kVA.

Nga realizimi i këtij projekti kanë përfituar 122 familje në fshat.

Shtyllat ishin të vjetra 45 vjet dhe nuk kishte shtëpi që nuk i ishin djegur instalimet elektrike nga prishjet që ndodhnin në rrjet.

Me investimin e ri banorët janë mjaft të kënaqur dhe falënderojnë të gjithë ata që kanë bërë të mundur realizimin e këtij projekti.

”Me investimin që ka bërë KEDS-i jemi shumë të kënaqur dhe tani me vendosjen e trafove të reja, frikën e kemi zero dhe për këtë falënderojmë të gjithë ata që kontribuuan në këtë investim”, ka thënë Avdyl Gërguri, punëtor i KEK-ut.

KEDS do të vazhdojë me investime në mënyrë që rrjeti të jetë me standardet e kërkuara për të gjithë konsumatorët anekënd Kosovës.

 

Kalendari

Ngjarjet e datës 17 Tetor 2017 - Shefja e Zyres së BE-së në Kosovë, Nataliya Apostolova takohet me përfaqësuesit e LDK-së. (Kuvendi i Kosovës, sall S3, 9:00)

- Mbahet mbledhja e Komisionit për Mbikëqyrjen e Financave Publike në të cilën do të mbahet diskutim për caktimin e shortit lidhur me Auditimin e Raporteve Vjetore Financiare dhe Raportet e Deklarimit Financiar të Fushatës, së subjekteve politike. (Ndërtesa e Kuvendit, salla N 303, ora 10:00)

- Ministri i Punëve të Brendshme, Flamur Sefaj para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me prioritetet dhe sfidat e ministrisë që udhëheq.  (Ndërtesa e Kuvendit, salla N 302, ora 10:00)

- Ministri i Infrastrukturës, Dr. Pal Lekaj, do të inspektojë rrugët Istogut. (Selia e Aleancës për Ardhmërinë e Kosovës në Istog, ora 10:00)

- Qendra për Zhvillim të Karrierës e Universitetit të Prishtinës “Hasan Prishtina“ në bashkëpunim me Smart Center, organizojnë ligjeratën me karakter informues me përfaqësuesin e ëhitman School of Management, Syracuse University, Neë York, Donald Harter. (Biblioteka Kombëtare e Kosoves, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën bëhët shqyrtimi i Projektplanit të Punës së Komisionit. (Ndërtesa e Kuvendit, salla S-I, ora 11:00)

- Ministri i Kulturës, Rinisë dhe Sportit, Kujtim Gashie raporton para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me programin legjislativ dhe prioritetet e Ministrisë së Kulturës. (Ndërtesa e Kuvendit, salla N204, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të bëhët propozimi i anëtarit në Komisionin Qeveritar për Njohjen e Statusit të ish të Dënuarve dhe ish të Përndjekurve Politikë, etj... (Ndërtesa e Kuvendit, salla N 302, ora 13:00)

- Mbledhje e Komisionit për Buxhet dhe Financa ku do të bëhët shqyrtimi në parim i Projektligjit për plotësimin dhe ndryshimin e Ligjit për Buxhetin e Republikës së Kosovës, për vitin 2017. (Ndërtesa e Kuvendit, salla C 203, ora 13:00)

- Zhvillohet seanca gjyqësore për çështjen e Radiotelevizionit të Prishtinës (RTP) kundër RTK-së dhe AKP-së. (Gjykata Themelore në Pallatin e Drejtësisë në Veternik, salla 209, ora 14:00)

- Shefja e Zyres së BE-së në Kosovë, Nataliya Apostolova takohet me përfaqësuesit e AAK-së. (Kuvendi i Kosovës, salla S1, ora 14:30)



Ngjarjet e fushatës zgjedhore



- Kandidati i Aleancës për Ardhmërië e Kosovës për Kryetar të Prishtinës, Arbër Vllahiu mban takim me qytetarët. (Hotel Grandi, ora 10:00)

- Kandidati i LDK-së për kryetar të Prishtinës, Arban Abrashi takohet me aktivisten e shoqërisë civile, Igballe Rugova. (Lagjja Tohane, afër Kolegjit Riinvest, ora 10:00)

- Kryetari i komunës së Prishtinës Shpend Ahmeti do ta vizitojë tregun me shumicë. (Tregu me shumicë, ora 11:00)

- Aleanca Kosova e Re mban konferencë për media në të cilën do të bej prezantimin e projekteve për Prishtinën. (Hotel Sëiss Diamond, ora 11:00)

- Kandidati i LDK-së për kryetar të Prishtinës, Arban Abrashi takohet me Shoqatën e Administratorëve të Banesave Publike. (Lagjja Arbëria, afër Meridianit, ora 11:00)

- Kandidati i LDK-së për kryetar të Prishtinës, Arban Abrashi  takohet me kryesinë e Federatës së Futbollit. (Lagjja Dardania, afër Termokosit, ora 12:00)

- Kryetari i komunës së Prishtinës Shpend Ahmeti do t'i takojë përfaësuesit e shoqatës së gastronomëce. (Objekti i Komunës, ora 13:00)

- Kandidati i Lëvizjes Vetëvendosje! për kryetar të Shtimes, Ruzhdi Jashari mban tubim elektoral në Shtime. (Shtëpia e Kulturës, ora 15:00)

- Lidhja Demokratike e Kosovës në Gjilan mban tubimin e madh qendror. (Palestra e sporteve “Bashkim Selishta-Petriti”, ora 16:00)

- Aleanca për Ardhmërinë e Kosovës mban tubime elektoral me qytetarë të Rahovecit. (Shtëpia e Kulturës “ Mensur Zyberaj” në Rahovec, ora 17:00)

- Kandidati i Lëvizjes Vetëvendosje! për kryetar të Ferizajit, Faton Topalli mban tubim elektoral në Ferizaj. (Sheshi i Qytetit "Hyrë Emini", ora 17:00)

- Kandidati i LDK-së për kryetar të Prishtinës, Arban Abrashi shpalosë programin për banorët e lagjes Lakrishtë. (Lagjja Lakrishte, parkingu afër Pro Credit Bank, ora 18:00)

- Partia Demokratike e Kosovws mban tubimin elektoral në Pejë. (Palestra Sportive “Karagaqi”, Pejë, ora 18:00)

- Kandidati i Aleancës për Ardhmërië e Kosovës për Kryetar të Prishtinës, Arbër Vllahiu në Vranidoll. (Vila Natyra në Vranidoll, ora 19:00)

- Kandidati i LDK-së për kryetar të Prishtinës, Arban Abrashi shpalosë programin për banorët e lagjes Mati 1. (Shkolla Fillore “Pavarësia”, ora 19:00)

- Kandidati i Aleancës Kosova e Re për kryetar të komunës së Prishtinës, Selim Pacolli mban tubim me qytetarët e Prishtinës. (Shkolla Fillore Ilira në lagjen Velania, ora 19:00)

- Kandidati i Lëvizjes Vetëvendosje! për kryetar të Kaçanikut, Basri Kodra mban tubim elektoral në Kaçanik. (Shtëpia e Kulturës, ora 19:30)

- Kandidati i LDK-së për kryetar të Prishtinës, Arban Abrashi shpalosë programin për të rinj. (Kodra e Trimave, lagjja “Herticeve”, te Xhamia, ora 20:00)

- Aleanca për Ardhmërinë e Kosovës mban tubime elektoral me qytetarë të Obiliqit. (Palestra Sportive “Adem Jashari”, ora 20:30)

- Kandidati i LDK-së për kryetar të Prishtinës, Arban Abrashi ditën e mbyll prap me të rinjt e lagjes Kalabria. (Lagjja Kalabria, Restoran Collecshen, ora 21:00)
 ,