16 Tetor 2019

Gjilani me marrëveshje për impiantin dhe ujërat e zeza

Gjilan, 13 maj - Komuna e Gjilanit ka shkaktuar progres në të gjitha fushat, ndërsa detyrë e bordit mbetet që brenda këtij viti të kryhen hartat zonale, e cila është edhe baza kryesore e zhvillimit lokal ekonomik, që këto vitet e fundit është dominante industria e ndërtimit, mirëpo duhet bashkërisht të punojmë edhe në fushën e agro-biznesit.

Kështu ka thënë kryetari i Komunës, Lutfi Haziri, në mbledhjen me bordin e drejtorëve të mbajtur të hënën.

Haziri ka thënë se lajm shumë i mirë ishte nënshkrimi i marrëveshjes për grantin e madh që nënkupton investimin në trajtimin e ujërave të zeza, kolektorët dhe impiantin në Komunën e Gjilanit, e që janë grant nga Banka Evropiane për Zhvillim, ndërsa garantues është Qeveria e Kosovës.

“Është projekti i fundit i madh të cilin kemi arritur ta buxhetojmë, sepse me buxhetin e vitit 2019, ne kemi buxhetuar të gjitha projektet tjera që lidhen me infrastrukturë për ndërtimin e rrugëve, infrastrukturë nëntokësore, pastaj investimin në institucionet shëndetësore, kulturore e deri te ndërtesa e Kuvendit të Komunës së Gjilanit. Sot nuk ka asnjë projekt madhor të pa buxhetuar. Autostrada, si projekti më kapital, pastaj impianti i ujërave të zeza në vlertë prej 35 milionë euro, deri tek rrugët e fshatrave dhe vendbanimeve që nga Burinca, Bukoviku, Kokajt, pastaj lagjet e vogela si Jabuqët në Livoç të Epërm, Shasivart në Bresalc dhe vendbanime të tjera që ne kemi marrë zotime dhe i kemi vendosur në kuadër të programit”, ka thënë kryetari Haziri.

Kreu i Gjilanit pohoi se lajmi tjetër i mirë për qytetarët e Gjilanit është nënshkrimi i kontratës për fillimin e punimeve në zgjerimin e rrugës Gjilan-Prishtinë në gjatësi prej 7.1 kilometra dhe njëkohësisht edhe vazhdimin e punimeve në rrugën Gjilan-Kllokot, që krijohen lidhje të shpejta dhe standarte Komunat fqinje.

Gjithashtu, sipas Hazirit, trajtimi i pronës komunale (uzurpatorëve), objekteve të komunës, lokaleve që Komuna i ka dhënë në shfrytëzim, e deri te gjelbrimi dhe pastrimi i ambientit, do të trajtohen me kujdes dhe gjithmonë në kuadër të zbatimit të ligjit dhe mbrojtjes së interesit të qytetarëve.

Kryetari Haziri gjithashtu ka falënderuar të gjithë qytetarët e Komunës së Gjilanit që kanë qenë lojal gjatë gjithë kohës dhe mbështetës të politikave qeverisëse të Gjilanit, sikurse edhe për pagesa të taksave, duke shënuar rekorde në Kosovë. 

Kalendari

Ngjarjet e datës 17 tetor 2019  - Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)