05 Qershor 2020

Diskutohen politikat mjedisore dhe sfidat në zbatimin e tyre

Prishtinë, 28 maj - Ekipi i “Let’s Do It 'Ta Pastrojmë Kosovë' ka njoftuar se sot do të organizojë punëtori me qëllim të diskutimit të politikave mjedisore dhe sfidat në zbatimin e tyre.

Në këtë tryezë do të marrin pjesë përfaqësues nga institucionet qendrore, ato lokale, dhe akterë të tjerë relevantë në fushën e mjedisit. 

Ky takim ka për qëllim diskutimin e sfidave të zbatimit të politikave mjedisore në Kosovë.

Po ashtu takimi ka synim orientimin e këtyre politikave gjatë këtij viti dhe viteve në vazhdim në fokus menaxhimi efektiv i mbeturinave, rëndësinë e raportimit të mediave për tema që lidhen me mjedisin dhe ruajtjen e tij.

Në takim gjithashtu diskutohet raporti gjashtë mujor me numrin e gjobave mandatore të dala nga Udhëzimi Administrativ për Ndëshkime me Gjoba Mandatore- të përgatitur nga Let’s Do It Kosova, bashkëpunimi ndërmjet shoqërisë civile, institucioneve qendrore dhe lokale, mediave dhe akterëve tjerë në ngritjen e vetëdijes qytetare dhe rritjen e kujdesit ndaj mjedisit.
 

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)