26 Shkurt 2020

BE planifikon të rritë ndjeshëm eksportin e energjisë nga ShBA

Bruksel, 4 maj - Komisioni Evropian ka njoftuar se planifikon të rrisë importet e gazit natyror të lëngshëm nga Shtetet e Bashkuara në tetë miliardë metra kubë në vit, më shumë se dyfishin e vitit të kaluar.

Presidenti i ShBA-së ra në një mendje me kryetarin e Komisionit Evropian korrikun e kaluar për të mos vendosur tarifa për makinat e BE-së, në kushtet kur të dy palët kërkonin të përmirësonin lidhjet ekonomike.

Komisionari i BE-së për Energjetikën Miguel Arias Canete thotë se importet e gazit natyror të lëngshëm amerikan janë rritur 272 për qind që nga ajo kohë:

"Sektori i energjetikësë është një nga historitë kryesore të suksesit të bashkëpunimit tonë transatlantik dhe ku të dy palët kanë interesa të ndërsjella kryesore."

"Dhe në veçanti gazi natyror i lëngshëm është një fushë në të cilën interesat e Bashkimit Evropian e të Shteteve të Bashkuara janë të përafërta."

"Meqë Bashkimi Evropian është tregu më i madh i importit të gazit natyror dhe ne varemi për mbi 70 për qind të konsumit tonë në importet, gazi natyror i lëngshëm luan një rol në rritje për diversifikimin e importeve tona të gazit, duke kontribuar kështu në sigurinë tonë."

"Ndërsa ShBA-ja është prodhuesja më e madhe e gazit natyror në botë dhe një eksportuese gjithnjë e më e rëndësishme."

BE-ja ka bërë përpjekje prej kohësh për t'u shkëputur nga mbështetja te Rusia për pothuajse 40 % të nevojave të saj të gazit, duke zhvilluar infrastrukturën e gazit natyror të lëngshëm për të lejuar edhe furnizues të tjerë. 

Kalendari

Ngjarjet e datës 26 shkurt 2020 - Qytetarët e komunës së Rahovecit do të takojnë përfaqësuesit e Institucionit të Avokatit të Popullit. (Kati i parë i objektit të ri të administratës komunale të Rahovecit, në zyrën për të Drejtat e Njeriut, ora 9:00)

- Konstituohet Komisionit për Mbikëqyrjen e Financave Publike. (Ndërtesa e Kuvendit N 302, ora 10:00)

- Fakulteti i Mjekësisë, Shërbimi Spitalor dhe Klinik Universitar i Kosovës dhe Klinika e Kirurgjisë Torakale organizojnë mban mbledhje komemorative me rastin e vdekjes së prof.dr. Safet Beqiri. (Dekanati i Fakultetit të Mjekësis, ora 10:00)

- Mbahet mbledhja e Komisionit parlamentar për Buxhet dhe Transfere. (Ndërtesa e Kuvendit, ora 10:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Në një pritje e cila do të organizohet në rezidencën e Francës, ambasadorja e Francës, Marie-Christine Butel do të ketë nderin të dekorojë zonjën Arta Dobroshi me urdhërin "Kalorëse e Arteve dhe Letrave". (Rezidenca e Francës, ora 18:00)

- Më rastin e 22 vjetorit të Betejës së Parë në Likoshan - Qirez, mbahet ceremonia e hapjes së ekspozitës të studentëve të Fakultetit të Arteve, kushtuar heronjve të parë të UÇK-së Beqir e Rexhep Rexhepi. (Muzeu Kombëtar të Kosovës, ora 19:00)

- Edona Reshitaj do të prezantojë koncert - recitalin “Zonjat e Kanges”. (Teatri Kombetar i Kosoves, ora 20:00)