22 Shkurt 2019

BB paralajmëron 200 miliardë dollarë gjatë pesë vjetëve për veprim klimatik

Washington, 3 dhjetor - Grupi i Bankës Botërore lajmëroi sot për një grumbull të gjerë të ri të synimeve klimatike, duke dyfishuar investimet e tij aktuale 5-vjeçare në rreth 200 miliardë dollarë në mbështetje të vendeve që ndërmarrin veprime klimatike ambicioze.

Plani i ri e rrit dukshëm mbështetjen për adaptim dhe qëndrueshmëri, duke ditur ndikimet gjithnjë e më të mëdha të ndryshimit klimatik në jetë dhe mirëqenie, veçanërisht në vendet më të varfra të botës.  

Ky plan po ashtu paraqet një ambicie dukshëm më të madhe të Grupit të Bankës Botërore, duke përçuar një sinjal të rëndësishëm për komunitetin e gjerë botëror që të bëj të njëjtën gjë. 

“Ndryshimi klimatik është një kërcënim ekzistencial ndaj popullatës më të varfër dhe më të cenueshme. Këto synime të reja demonstrojnë se sa seriozisht jemi duke e marrë këtë gjë, duke investuar dhe mobilizuar 200 miliardë dollarë gjatë pesë viteve për të luftuar ndryshimin klimatik, tha Presidenti i Grupit të Bankës Botërore.

“Ne jemi duke u përpjekur të bëjmë më shumë dhe të veprojmë më shpejt dhe i bëjmë thirrje komunitetit botëror që të bëjë të njëjtën gjë.  Kjo nënkupton që shtetet dhe komunitetet të marrin përgjegjësinë për ndërtimin e një të ardhmeje më të sigurt dhe më të qëndrueshme në aspektin klimatik.”

Shuma prej 200 miliardësh e tërë Grupit përbëhet nga rreth 100 miliardë dollarë të financimit direkt nga Banka Botërore (BERZH/IDA), dhe rreth 100 miliardë dollarë të financimit direkt të kombinuar nga Korporata Financiare nNdërkombëtare (IFC) dhe Agjencia Multilaterale e Garantimit të Investimeve (MIGA) dhe kapitalit privat të mobilizuar nga Grupi i Bankës Botërore.

Prioritet kyç është rritja e mbështetjes për adaptim klimatik, duke e pranuar se miliona njerëz gjithandej botës tashmë janë duke u përballur me pasoja të rënda të ngjarjeve më ekstreme të motit. Duke e rritur financimin direkt për adaptim që do të arrijë në rreth 50 milionë dollarë gjatë 2021-2025, Banka Botërore, për herë të parë do t’i jap kësaj theks të njëjtë me atë që u jep investimeve për uljen e emetimeve. 

“Njerëzit janë duke humbur jetën dhe çdo gjë tjetër për shkak të efekteve katastrofale të ndryshimit klimatik. Ne duhet të luftojmë shkaqet, por edhe tu përshtatemi pasojave që shpesh janë shumë dramatike për njerëzit më të varfër në botë,” tha Kryeshefja Ekzekutive e Bankës Botërore, Kristalina Georgieva.

“Kjo është arsyeja pse ne në Bankën Botërore zotohemi të rritim financimin klimatik në 100 miliardë dollarë, gjysma e të cilave do të shkoj në ndërtimin e shtëpive, shkollave dhe infrastrukturës së adaptuar më mirë, dhe investimit në bujqësinë e mençur klimatike, në menaxhimin e qëndrueshëm të ujërave dhe në rrjetet e përgjegjshme të sigurisë sociale.”

Financimi i ri do të sigurojë që adaptimi të bëhet në mënyrë sistematike dhe Banka Botërore do të zhvillojë një sistem të ri të vlerësimit për të përcjell dhe stimuluar progresin global. Veprimet do të përfshijë mbështetjen e parashikimeve cilësore, sistemeve të paralajmërimit ë hershëm dhe shërbimeve informative klimatike për të përgatitur më mirë 250 milionë njerëz në 30 vende në zhvillim për rreziqet klimatike.

Përveç kësaj, me investimet e pritura do të ndërtohen sisteme të mbrojtjes sociale më të përgjegjshme në aspektin klimatik në 40 vende dhe do të financojnë investime të mençura klimatike në bujqësi në 20 vende.

“Ekzistojnë mundësi reale në vlerë trilionë dollarëshe për sektorin privat që të investojë në projekte që ndihmojnë në shpëtimin e planetit,” tha KE i IFC-së Philippe Le Houérou. “Puna jonë është që të dalim në terren dhe të gjejmë në mënyrë proaktive ato mundësi, të përdorim veglat tona të eliminimit të rrezikut dhe të rrisim investimin e sektorit privat. Ne do të bëjmë shumë më tepër për të ndihmuar financimin në energji të ripërtërishme, ndërtesa ‘të gjelbra’, agrobiznes të mençur klimatik, transport urban, ujë, dhe menaxhim të mbeturinave urbane.”

Synimet e reja bazohen në Planin e Veprimit për Ndryshimin Klimatik të Grupit të Bankës Botërore 2016. Në vitin 2018, Grupi i Bankës Botërore ka ofruar një shumë rekorde prej 20.5 miliardë dollarësh si financim për veprimin klimatik: duke dyfishuar rezultatet e një viti para Marrëveshjes së Parisit dhe duke arritur synimin e vet 2020 dy vite para afatit. 

Grupi i Bankës Botërore do të vazhdojë të integrojë aspektin klimatik në punën e vet, përfshirë edhe verifikimin e projekteve për rreziqe klimatike dhe krijimin e masave të duhura për zbutjen e rrezikut, duke ekspozuar emetimet neto dhe bruto të gazrave serrë dhe duke aplikuar një taksë karboni për të gjitha investimet materiale.

Për të rritur ndikimin në mbarë sistemet për vendet, Grupi i Bankës Botërore do të mbështes integrimin e aspekteve klimatike në planifikimin e politikave, dizajnimin, zbatimin dhe vlerësimin e investimeve.

Ai do të mbështes të paktën 20 vende që të zbatojnë dhe përditësojnë Kontributet e Përcaktuara Kombëtare dhe të rrisin angazhimin me Ministritë e Financave në dizajnin dhe zbatimin e politikave transformuese me emetim të ulët të karbonit.  

Në sektorët kyç, përpjekjet do të përfshijnë:

    Në Energji: Mbështetje për gjenerimin, integrimin dhe infrastrukturën e përshtatshme për 36 GW energji të ripërtërishme dhe mbështetje për një kursim ekuivalent me 1.5 milionë GWh nga përmirësimi i efiçencës;

    Në Qytete: Ndihmën për 100 qytete që të arrijnë planifikim të qëndrueshëm urban dhe me emetim të ulët të karbonit dhe zhvillim i orientuar transit;

    Në Ushqim dhe Përdorim të Tokës: Rritjen e menaxhimit të integruar të peizazhit deri në 50 vende, që mbulojnë deri në 120 milionë hektarë pyje.
 

Kalendari

Ngjarjet e datës 22 shkurt 2019  - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të​ takohet me Kryetarin e Federatës së Shahut, Nysret Avdiu (Objekti i Kryeministrisë, kati VIII, zyra 806, ora 8:30)

-  Kryetari i Odës Ekonomike të Kosovës, Berat Rukiqi, Shefi i Ambasadës Japoneze në Kosovë, Mitsunori Ogasawara dhe Drejtori gjeneral i kompanisë Jetro Vjenë, Satoshi ABE vizitojnë kompaninë Gjirafa. (Kompania Gjirafa, Dragodan, ora 9:30)

- Let’s Do It do të mbajë konferencën “Efiçienca e energjisë dhe Ruajtja e ujit”, në bashkëpunim me Oden e Gjelbër Ekonomike te Amerikës. (Hotel Swiss Diamond, ora 10:00)

- Koordinatori  Nacional për Kulturë, Rini dhe Sport në Qeverinë e Republikës së Kosovës Rexhep Hoti do të mbajë takim me drejtorët e shkollave të komunitetit boshnjak në Komunën e Prizrenit ku do të prezantohet Programi Nacional për Rininë. (Drejtoria Komunale e Arsimit, Prizren, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të shqyrtohet raporti i auditimit për pasqyrat vjetore financiare të ZKM-së, etj. (Ndërtesa e Kuvendit, salla N 302, ora 10:00)

- Ministrja e Integrimit Evropian, Dhurata Hoxha, mban konferencë për media. (Ndërtesa e Qeverisë, ora 11:00)

- Ministri i Kulturës, Rinisë dhe Sportit, Kujtim Gashi i shoqëruar nga kryetari i Komunës se Rahovecit, Smajl Latifi do të vizitojë Palestrën e Sportit, ku do të shohë punimet e realizuara deri më tani në këtë objekt sportiv, projekt kapital në të cilin MKRS-ja ka investuar. (Komuna e Rahovecit, ora 11:00)

- Mbahet debati publik me temën 'Transparenca e punës së komunës së Graçanicës'. (Qendra Mediale në Çagllavicë, ora 11:00)

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet projektligjit për pijet e forta alkoolike, etj. (Ndërtesa e Kuvendit, salla N 303, ora 11:00)

- Ambasada Norvegjeze në Prishtinë, IPKO Foundation dhe RIT Kosova organizojn ngjarjen për projektin KosLift i cili ka për qëllim të mbështesë deri në 1000 student të Universitetit të Prishtinës dhe RIT Kosovë si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon. (Residenca Norvegjeze në Fshatin Ndërkombëtar, ora 12:00)

- Lëvizja Vetëvendosje mban konferencë për media. (Zyret qendrore të Vetëvendosjes, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti i shoqëruar nga Drejtori Komunal i Arsimit, Agim Blakçori do të vizitojë shkollat “Ibrahim Rugova”, “Naim Frashëri”, dhe “Aleksandër Xhuvani”, në Podujevë për të përcjellë mbarëvajtjen e garës. (Podujevë, ora 13:30)

- Kryeministri Ramush Haradinaj vizitë pune në Komunën e Mamushës. (Fshati Mamushë, ora 14:00)

- Kryeministri Ramush Haradinaj viziton disa sera në Komunën e Mamushës. (Fshati Mamushë, ora 14:40)

 - Kryeministri Ramush Haradinaj vizitë pune kompanisë “Liri” në Prizren. (Prizren, ora 17:00)