20 Maj 2022

Sindikata kërkon hetim për abuzimin me punësimet në BQK

Prishtinë, 13 maj - Letër reagimi i Sindikatës së Punëtorëve të Bankës Qendrore të Republikës së Kosovës (SPBQK) mbi letrën nga sinjalizuesi Sindikata e Punëtorëve të Bankës Qendrore të Republikës së Kosovës është shqetësuar me letrën nga sinjalizuesi të dërguar në Agjencinë Kundër Korrupsionit e cila është publikuar në media të ndryshme më datë 5 maj 2022.

Duke pasur në konsideratë rolin dhe rëndësinë e Bankës Qendrore të Republikës së Kosovës (BQK), si dhe për të mbrojtur reputacionin dhe kredibilitetin e saj si dhe interesat e punëtoreve të saj, Sindikata e Punëtorëve të Bankës Qendrore të Republikës së Kosovës kërkon nga të gjitha organet kompetente që të merren me pretendimet e sinjalizuesit dhe të sqarohen të gjitha çështjet e ngritura sa më shpejtë.

Gjithashtu, Sindikata e Punëtorëve të Bankës Qendrore të Republikës së Kosovës i inkurajon të gjithë anëtaret sindikatës që të raportojnë të gjitha parregullsitë e vërejtura pa u frikësuar, sepse janë të mbrojtur nga Ligji për Mbrojtjen e Sinjalizuesve.

Një letër publike ka pranuar sot drejtori i Agjencisë Kundër Korrupsionit Yll Buleshkaj, lidhur me abuzimet dhe keqpërdorimet në Bankën Qendrore të Kosovës.

Në këtë letër thuhet se abuzime dhe shkelje ligjore janë bërë dhe janë duke u bërë në Bankën Qendrore të Republikës së Kosovës nga Guvernatori Fehmi Mehmeti, Zëvendësguvernatori Sokol Havolli dhe njerëzit e afërt të tyre që për mbi katër vite janë duke abuzuar me pasurinë e BQK-së për përfitime e tyre personale.

“Gjatë kësaj periudhe kohore kur Fehmi Mehmeti ka menaxhuar me BQK ka punësuar mbi 70 veta personel të lidhur politikisht me partitë në pushtet (PDK-LDK-AAK-Nisma). Gjithsejt nga këta 70 veta, 30 fillimisht kanë filluar punën me kontratat mbi vepër pastaj ju është shpallur konkursi i rregullt dhe janë pranuar me kontrata të rregullta pune. Ne realizimin e punësimeve Guvernatori është asistuar nga Zëvendësguvernatori Sokol Havolli (i cili në shumicën e rasteve ka qenë njësia kërkuese per punësime) dhe nga Drejtoresha e Burimeve Njerëzore Albulenë Zogu Demaku e cila eshte gruaja e ish kryetarit të Skenderajit të PDK-së Nexhat Demaku dhe e cila është ngritur jashtëligjshëm në katër pozita brenda periudhes 30 ditëshe bazuar në skemen e graditimit të BQK-se. Tutje, Guvernatori asisitohet nga Bujar Meka, sekretar i Bordit të BQK-së dhe nga Arberie Buçaj, drejtoreshë e Departamentit Juridik të cilët i përgadisin dhe konfirmojnë ligjërisht të gjitha këto vendime të Guvernatorit Mehmeti dhe Zevendeguvernatorit Havollit dhe të cilët njëkohohësisht shërbejnë edhe si anëtar të komisioneve displinore”, thuhet në këtë letër.

Kalendari

Ngjarjet e datës 20 maj 2022

- Për herë të parë në Kosovë organizohet Dita Internacionale të Burimeve Njerëzore. (Amfiteatri i Fakultetit Ekonomik,  ora 9:30)

 - Komisioni për Ekonomi, Industri, Ndërmarrësi dhe Tregti diskuton rreth performances së përgjithshme të Kosovës në fushën e energjisë elektrike ne raport me kërkesat e Komunitetit të Energjisë. (Ndërtesa e Kuvendit, salla N10, ora 11:00)

- Presidentja e Republikës së Kosovës, znj.Vjosa Osmani Sadriu, Ministri i Mbrojtjes, Armend Mehaj marrin pjesë në ceremonisë së betimit  të ushtarëve të rijnë  FSK-së. (Kazerma e Komandës dhe Doktrinës në Ferizaj, ora 10:00)

- Kryetari i Kuvendit të Republikës së Kosovës, Glauk Konjufca, pret në takim ambasadoren e Greqisë, Heleni Vakali. (Kabineti i kryetarit, ora 10:00)

- Kryetari i Kuvendit të Republikës së Kosovës, Glauk Konjufca, pret në takim Komisionin e Venecias për Vetting. (Kabineti i kryetarit, ora 11:15 - Mediat mund të marrin pamje në fillim të takimeve)

- Në shënim të përvjetorit të masakrës së Dubravës, Ministrja e Drejtësisë, Albulena Haxhiu së bashku me studente nga Universiteti i Prishtinës, zhvillon një vizitë në Dubravë. (Dubravë, ora 11:30)

- Bashkimi i Sindikatave të Pavarura të Kosovës organizon protestë. (Sheshi Zahir Pajaziti, ora 13:00)

- Në kuadër të Ditëve të Gjuhës Gjermane organizohet piknik me poezi. (Pakru i qytetit të Prishtinës, ora 15:00)

- Në vazhdën e aktivitete për promovimin e lëvizjes së lirë nëpër Kryeqytet, Komuna e Prishtinës në bashkëpunim me “Qendra Marrëdhënie” në Tiranë, organizojnë aktivitetin “Festë n ‘ Rrugë” për të përjetuar së bashku lirimin e rrugëve afër shkollave për të mirën e fëmijëve tanë dhe gjithë komunitetit përreth. (Rruga “Zejnel Salihu”, përball Shkollës Fillore “Elena Gjika”, ora 17:00)

- Mbahet koncerti përmbylles i Ditëve të Gjuhës Gjermane. (Amfiteatri i Biblotekës Universitare, ora 19:00)