03 Mars 2021

SHBA mbesin partner i fuqishëm për sektorin privat në Kosovë

Prishtinë, 20 janar - Sot në takimin e Kryetarit të Odës Ekonomike të Kosovës, Berat Rukiqi, me drejtuesin e Korporatës Zhvillimore Amerikane (DFC) për Evropën Juglindore, John Jovanovic, vazhduam diskutimet për përfshirjen e kësaj korporate amerikane në financimin e projekteve të sektorit privat në Kosovë. Në fokus të veçantë projektet në energji, projektet që mundësojnë integrimin në tregjet globale të furnizimit (nearshoring) dhe instrumentet e reja financiare për përkrahje të bizneseve fillestare dhe të NVM-ve.

Vazhdimësia e perkushtimit amerikan, në përkrahje të Kosovës, u konfirmua edhe nga Sekretari i nominuar Blinken, gjatë dëgjimeve për konfirmim në Senatin Amerikan.



 

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)