20 Shkurt 2020

OAK e përshëndet vendimin e BQK-së

Prishtinë, 17  janar - Oda e Afarizmit të Kosovës (OAK) përshëndet vendimin e Bankës Qendrore të Kosovës (BQK) për të mundësuar klientëve kryerjen e pagesave në terminalet POS pa aplikuar kosto shtesë. Oda e Afarizmit të Kosovës vlerëson se ky vendim do t’i dal në ndihmë biznesit dhe qytetarëve dhe do të ndikoj në rritjen e pagesave, rritjen e biznesit dhe zvogëlimin e informalitetit në vend.

OAK kërkon nga Guvernatori Mehmeti dhe Banka Qëndrore që të vazhdojë me veprime konkrete që t’i dal në ndihmë bizneseve të Kosovës dhe që do të ndikojë pozitivishtë në rritjen e klimës së të bërit biznes.

Kujtojmë që OAK së bashku me bizneset gjatë vitit 2019 ka realizuar dy takime me Guvernatorin e BQK-së, z. Fehmi Mehmeti, ku ka paraqitur problemet që po hasin bizneset në raport me bankat komerciale.  

Në lidhje me këtë dhe probleme të tjera OAK ka paraqitur këtë kërkesë në takimin që kishte me Guvernatorin e BQK-së me datën 05.11.2019.

Gjithashtu OAK ka kërkuar nga BQK zgjidhjen edhe të problemeve të tjera që po i pëngojnë bizneset siç janë: Kamata prej 5% për kthimin e parave të imëta, tarifat e larta të bankave komerciale për deponimin e të hollave, numri i ulët i bankomatave dhe numrit të degëve të bankave, provizionet e posave dhe mundësia kufizuar e deponimit të parave cash në ATM, rëndësia e unifikimit të posave dhe tarifat për Master dhe Visa Card të cilat janë më të lartat në rajon.

Po ashtu lidhur me këtë me datën me datën 06.11.2019 përfaqësues nga OAK ishin pjesë e emisionit Subvencion ku diskutuan rreth sfidave të bizneseve me tarifat e bankave komerciale, kurse me 12.11.2019 përfaqësuesit e OAK-së kanë mbajtur konferencë për media me temën “Bizneset kërkojnë uljen e tarifave nga bankat komerciale”, ndërsa me datën 23.12.2019 OAK ka dërguar një shkresë tek Guvernatori, me një përmbledhje të çështjeve të trajtuara, duke kërkuar që të përkrahen bizneset dhe të mbahen premtimet e dhëna. 

Sa i përket çështjes së POS-ëve OAK ka theksuar që Kosova ka tarifat më të larta të Master dhe Visa Card në rajon, ku tarifat variojnë nga 1.2 deri 2%. Ndërsa, tarifat e pagesave nga POS-ët në markete sillen nga 1.3% deri në 2%, dhe kjo i ka bërë qytetarët që të evitojnë kryerjen e pagesave me kartela për shkak të tarifave të larta. 

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)