27 Tetor 2020

Ministri Kuçi premton mbështetje për “Infrakos”

Prishtinë, 22 shtator  - Ministri i Ekonomisë dhe Ambientit, Blerim Kuçi ka vizituar sot Ndërmarrjen Publike të Infrastrukturës së Hekurudhave “Infrakos”.

Ministri Kuçi u prit nga u.d. kryeshefi i ndërmarrjes, Xhevat Ramosaj dhe pjesa tjetër e menaxhmentit të kësaj ndërmarrje. Shumë halle dhe probleme të “Infrakos”-it u shpërfaqen para ministrit, teksa theksi u vë tek vonesa shumëvjeçare e një marrëveshje financiare për subvencionim të kësaj ndërmarrje që buron nga Ligji i Hekurudhave.

Ministri Kuçi shprehu gatishmërinë e tij që të shtyjë përpara këtë marrëveshje bashkë me ministrin Arban Abrashi.

“Për fat të keq si shumë ndërmarrje publike, edhe kjo ndërmarrje ka probleme financiare dhe ka obligime të ndryshme. Por, ne e kemi në dorë një marrëveshje që është obligative nga ligjet përkatëse, do të shikojmë edhe me ministrin Abrashi që ndoshta jemi afër për ta nënshkruar një marrëveshje të tillë, që i garanton pjesën operative të funksionimit të ‘Infrakos’”, ka thënë Kuçi.

Bashkë me zyrtarët e “Infrakos”-it, ministri Blerim Kuçi vizitoi edhe punishten në Miradi,  ku po punohet në projektin e rehabilitimit gjeneral të Linjës së 10-të hekurudhore në fazën e parë Fushë Kosovë – Han i Elezit – Kufi me Maqedoninë. Udhëheqësit e projektit prezantuan punën që po bëjnë, teksa u tregua që pandemia Covid-19 kishte pasur gisht në vonesat e projektit.

“Për shkak të Covid-it kemi një dinamikë jo të planifikuar, por po besoj që tani kohëve të fundit me intensitetin dhe dinamikën e punëkryesit nuk do të kemi probleme të mëdha sa i përket dinamikës. Në aspektin financiar ky projekt nuk ka probleme. Është i rëndësisë së veçantë. Shkon prej Fushë-Kosovës në drejtim të Maqedonisë. Ka shumë objekte brenda këtij projekti që janë të rëndësisë së veçantë. Ajo çka është me rëndësi, po krijohet një hekurudhë me standarde të BE-së, që ka qenë më se e nevojshmje”, shtoi Kuçi.


 

Kalendari

Ngjarjet e datës 27 Tetor 2020 - Komisioni për Çështje të Sigurisë dhe Mbrojtjes diskuton lidhur me zhvillimet në Policinë e Kosovës. (Ndërtesa e Kuvendit, salla N303, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Bujqësisë dhe Zhvillimit Rural, Agron Limani, do të bëjnë shpërndarjen e motokultivatorëve me frezë, në kuadër të prjektit: “Furnizimi me Mekanizëm Bujqësorë”. (Tek parkingu mbrapa Shtëpisë së Bardhë, ora 10:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrotn interpretimin e ligjshmërisë së përzgjedhjes sē drejtorit gjeneral të RTK-së. (Ndërtesa e Kuvendit, salla N302, ora 10:00)

- Ministri i Ekonomisë dhe Ambientit, Blerim Kuçi, raporton në Komisionin për Ekonomi, Punësim, Tregti, Industri, Ndërmarrësi dhe Investime Strategjike, lidhur me emërimet e fundit në bordet e përkohshme; gjendjen dhe veprimet e Qeverisë në Ndërmarrjen Trepça ShA; për funksionimin dhe operimin e hidrocentraleve. (Ndërtesa e Kuvendit, salla N10, ora 11:00)

- Ministri i Ekonomisë dhe Ambientit, Blerim Kuçi nënshkruan Marrëveshje të Mirëkuptimit me Institucionet e Arsimit të Lartë të Kosovës. (Objekti i ish-MZHE-së, ora 11:00)

- Drejtuesit e Federatës Sindikale të Bujqve të Kosovës do të protestojnë. (Para ndërtesës së Ministrisë së Bujqësisë, ora 11:00)

-  Lëvizja FOL organizon forumin online FOL Hapur me ambasadorin e Mbretërisë së Bashkuar  Nicholas Abbott ku nder të tjera do të diskutohet edhe kontributi i Mbretërisë së Bashkuar për qeverisjen e mirë në Kosovë, veçanërisht në procesin e rekrutimit si dhe do të diskutojmë për sfidat kryesore të Kosovës, në të ardhmen e afërt. (Përmes platformës online ZOOM - https://zoom.us/j/97706999692, ora 11:30)

- Kryeministri Avdullah Hoti vendos kurora me lule te shtatorja e Ukë Bytyçit, me rastin e 18 vjetorit të vrasjes së tij. (Oborri i Komunës në Suharekë, ora 12:00)

- Komisioni për Çështje të Sigurisë dhe Mbrojtjes do të zhvillojë një vizitë pune në pikën kufitare në Merdare lidhur me zbatimin e marrëveshjeve Kosovë - Serbi. ​(Pika kufitare në Merdare, ora 12:00)

- Komisioni Hetimor Parlamentar lidhur me procesin e privatizimit në Kosovë interviston ish Ministrin e Tregtisë dhe Industrisë, Bujar Dugolli. (Ndërtesa e Kuvendit, salla C203, ora 13:00)

- Asociacioni i Gazetarëve të Kosovës me mbështetje nga Fondacioni i Kosovës për Shoqëri të Hapur do të publikojë hulumtimin "Ndikimi i Pandemisë Covid-19 në gjendjen ekonomike të gazetarëve, kameramanëve dhe fotoreporterëve". (Hapësira e Fondacionit 17, ora 13:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur e Projektligjin për të drejtën ndërkombëtare Private. (Ndërtesa e Kuvendit, salla C203, ora 13:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton listën e kandidatëve për Anëtarët e Këshillit të Kosovës për Trashëgimi Kulturore. (Ndërtesa e Kuvendit, salla N303, ora 13:00)

-  Komisioni për Punë të Jashtme dhe Diasporë diskuton mbikëqyrjen e zbatimit të Ligjit për shërbimin e jashtëm të Republikës së Kosovës. (Ndërtesa e Kuvendit, salla N302, ora 13:00)

- Komisioni Hetimor Parlamentar lidhur me procesin e privatizimit në Kosovë interviston ish- Drejtore Menaxhuese te AKP-se Mrika Tahiri. (Ndërtesa e Kuvendit, salla C203, ora 14:00)