21 Shtator 2019

Lansohet Shoqata e Inovacionit Financiar të Kosovës

Prishtinë, 23 maj - Anëtarët e Shoqatës së Inovacionit Financiar të Kosovës kanë nënshkruar Standardin e Praktikave të Mira duke siguruar masa shtesë për mbrojtjen e konsumatorëve.

Standardi i Praktikave të Mira do të publikohet në faqen zyrtare të anëtarëve të Shoqatës ashtu që çdo përfitues i shërbimeve financiare të ketë mundësi të verifikojë nëse institucioni financiar përkatës i përshtatet praktikave të mira dhe të përgjegjshme të përcaktuara si në Standard. 

Përveç kësaj, është krijuar edhe marka e konformitetit "Kreditor i përgjegjshëm". Kjo do të lejojë identifikimin e institucioneve financiare që janë bashkuar me Shoqatën dhe janë të angazhuar të punojnë në përputhje me parimet e përcaktuara nga Standardi i Praktikës së Mirë.

"Kreditë nga institucionet financiare jo-bankare si shumë produkte të tjera financiare të nxitura nga teknologjia janë të reja për konsumatorët. Meqë vetë industria është në fazën e saj fillestare të zhvillimit, është thelbësore që të bien dakord menjëherë për zbatimin e praktikave të mira e të përgjegjshme të biznesit që do të bënte që të dyja funksionet: të mbrojnë konsumatorin dhe të lejojnë industrinë të zhvillohet. Për më tepër, një tjetër detyrë thelbësore e Shoqatës do të jetë të fillojë punën me ligjvënësin dhe autoritetet mbikëqyrëse në hartimin e një strategjie afat-mesme të zhvillimit të industrisë", theksoi Kreu i Shoqatës së Inovacionit Financiar, Venhar Hana.

Standardi i praktikës së mirë synon të sigurojë një nivel më të lartë mbrojtjeje dhe rregulla të qarta të bashkëpunimit me klientët që kanë marrë një hua apo një shërbim tjetër financiar ose këtë planifikojnë ta bëjnë ndonjëri prej anëtarëve të Shoqatës.

Standardi merre me pyetje të tilla si vlerësimi i aftësisë paguese të klientit, praktika etike të marketingut, procedura e shpejtë dhe e përshtatshme e shqyrtimit të ankesave dhe pagesa e detyrimit. Për të siguruar zbatimin e normave të përcaktuara në Standard, anëtarët e Shoqatës do të ofrojnë trajnime specifike për stafin e tyre.

Drejtuesi i Shoqatës z. Venhar Hana inkurajon kredidhënësit jo-bankarë dhe institucionet tjera financiare jo-bankare që të bashkohen me Shoqatën për të punuar së bashku për një zhvillim të balancuar të industrisë: “Ne e konsiderojmë Shoqatën si një iniciativë vetë-rregullative për zhvillim të qëndrueshëm, implementimin e inovacioneve dhe gjithashtu një nxitje për përmirësimin e transparencës së përgjithshme të industrisë, jo vetëm për IFJB-të, por për të gjithë industrinë financiare duke përfshirë sektorin bankar në Kosovë”.

Misioni i Shoqatës është të promovojë praktika të besueshme, të përgjegjshme sociale dhe të qëndrueshme të huadhënies të cilat vlerësohen pozitivisht nga konsumatorët dhe autoritetet mbikëqyrëse. Në të njëjtën kohë, Shoqata do të punojë për të promovuar mundësitë e ofruara nga zgjidhjet e teknologjisë financiare jo-bankare që përfitojnë individët dhe shoqëria në tërësi.

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)