09 Korrik 2020

KTTO: Do ta kapërcejmë këtë situatë pavarësisht kostove të rënda për ekonominë

 Prishtinë, 26 mars - Oda Tregtare Kosovaro Turke (KTTO) mbështet masat për të luftuar koronavirusin e quajtur COVID-19, i cili po përhapet si një epidemi dhe po prek të gjithë botën, përfshirë edhe Kosovën.

"Në përgjithësi, ne besojmë se mund ta kapërcejmë këtë situatë në solidaritet, pavarësisht kostove të rënda për ekonominë dhe bizneset", thekson KTTO.

Sidoqoftë, edhe në kushte të vështira të punës, KTTO mendon se zinxhirët e furnizimit nuk duhet të prishen dhe qasja e qytetarëve në ushqim dhe shërbime bazë duhet të lehtësohet.

Përveç kësaj sipas KTTO është e rëndësishme të zbatohen një sërë masash shtesë dhe mbështetëse që nuk do ta vënë ekonominë në vështërsi dhe do të ofrojnë komoditet për bizneset dhe qytetarët.

Më poshtë, KTTO ka paraqitur pikëpamjet lidhur me këto çështje të cilat  dëshirojmë t’i ndajmë me publikun dhe ti sjellim ato në vëmendjen e institucioneve përkatëse.

-  Në këtë kontekst, ne dëshirojmë të shprehim që vendimi për kufizimin e lëvizjes së lirë marrë nga Qeveria duhet të riorganizohet. Ndërsa qëllimi i kësaj mase është të zvogëlojë kontaktin e publikut në rrugë, për fat të keq, një aplikim i tillë me kohë të kufizuar për plotësimin e nevojave në njërën anë shkakton më shumë grumbullim në anën tjetër ndikon negativisht në funksionimin e kompanive.

Duke marrë parasysh mendimet dhe sugjerimet e anëtarëve tanë, dhe bazuar në praktikat në Shqipëri dhe në vende të ngjashme ne mendojmë se do të ishte më e përshtatshme për qytetarët dhe bizneset  që koha për lëvizje të lirë të qytetarëve dhe mallrave të riorganizohet ndërmjet orës 06.00 - 14.00 ndërsa ndalimi i i lëvizjes së qytetarëve dhe bizneseve të rregullohet ndërmjet orës  14:00 - 06.00.

-  Ne e mirëpresim  vendimin e Bankës Qëndrore pas bisedimeve me Shoqatën e Bankave lidhur me mundësinë e e negociimit dhe shtyrjes së normave të kredisë në banka. Mendojmë se është e rëndësishme që vonesa e kredive të shtyhet për 3 muaj dhe pa interes shtesë në mënyrë që të mbahen bizneset dhe qytetarët e pafavorshëm në mënyrë që të  mbahet gjallë ekonomia.

-   Përjashtimi i taksave mbi të ardhurat e personelit dhe primet e fondit të pensioneve deri në normalizimin e gjendjes.

-   Shtyrja e taksave të pasurive të paluajtshme deri në fund të vitit.

-  Sigurimi  50% mbështetje shtetërore për pagat e personelit të kompanive që nuk mund të punojnë nën masat COVID-19, për të parandaluar falimentime dhe pushime nga puna.

-  Shpenzimet e qirasë së kompanive që nuk mund të punojnë në kuadër të masave COVİD-19 gjatë kësaj periudhe, vlerësohen si forcë madhore dhe duhen shtyhen.

-   Ulja e TVSH-së në zero për për energjinë elektrike dhe ujin, të cilat janë nevoja themelore, ashtu si në aplikimin e importeve të miellit dhe grurit.

-   Mbledhja e pagesave të TVSH-së të kompanive që furnizojnë produktet, të mos realizohet  në pikat doganore, por pas shitjeve.

 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)