13 Gusht 2020

Klubi i Prodhuesve kërkon përkrahjen e bizneseve gjatë aplikimit për grante

Prishtinë, 16 korrik - Në këtë kohë krize të krijuar nga pandemia e shkaktuar nga virusi COVID-19, Klubi i Prodhuesve të Kosovës, ju bën thirrje të gjitha institucioneve, organizatave dhe donatorëve të ndryshëm që të ju lehtësojnë bizneseve kushtet e aplikimit për grante.

Është absolutisht absurde të kërkohet nga bizneset që në këtë kohë të vështirësive të operimit të kenë 0 borxhin ndaj ATK-së, kur e dimë se situata e krijuar nga pandemia ka bërë që shumë ndërmarrje të kenë vështirësi në riprogramimin e borxhit.

Këto projekte si qëllim kryesor e kanë përkrahjen e bizneseve dhe zhvillimin e tyre, andaj është e palogjikshme që të krijohen kërkesa që veçse e vështirësojnë operimin e tyre.  Klubi i Prodhuesve kërkon që biznesit të ju ofrohen ndihmë dhe kushte më të favorshme, po ashtu të kenë konsideratë dhe që këto lehtësira të jenë të përkohshme në varësi të zgjatjes së vështirësive të krijuara nga pandemia. 

Kalendari

Ngjarjet e datës 14 Gusht 2020  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin me amendamente në Projektligjin nr.07/L-006 për parandalimin dhe luftimin e pandemisë COVID-19 në territorin e Republikës së Kosovës. (Ndërtesa e Kuvendit, salla N303, ora 9:00)

- Ministri i Shëndetësisë, Armend Zemaj, raporton në Komisionin për Shëndetësi dhe Mirëqenie Sociale lidhur me menaxhimin e situatës me Covid-19. (Ndërtesa e Kuvendit, salla N10, ora 9:00)  
    
- Kuvendi i Kosovës mban seancën e radhës ku në rend dite është shqyrtimi i dytë i Projektligjit për parandalimin dhe luftimin e Pandemisë COVID-19 në territorin e Republikës së Kosovës: shqyrtimi i parë i Projektligjit për Rimëkëmbjen Ekonomike etj. (Salla e seancave plenare, ora 10:00)   

- Organizata ETEA dhe Biblioteka “Hivzi Sulejmani” bëjnë publikimin e raportit hulumtues “Efekti i të lexuarit në mirëqenien psikologjike dhe inteligjencën emocionale të fëmijëve të Kosovës”. (Biblioteka “Hivzi Sulejmani”, ora 10:00)    

- Ministri i Punëve të Brendshme, Agim Veliu, viziton komunën e Pejës ku do të pritet nga kryetari i kësaj komune, Gazmend Muhaxheri. (Ndërtesa e Komunës, Pejë, ora 10:00)    

- Kryetari i komunës së Mitrovicës, Agim Bahtiri, së bashku me zhongluesin e mirënjohur nga Vitia, Agim Agushin, do të mbajnë konferencë për media. (Objekti i Komunës, Mitrovicë, ora 11:00)

- Kryetari i Komunës së Gjilanit, Lutfi Haziri, ‘ka diçka me thanë’. (Zyra e kryetarit te Gjilanit, ora 12:00)