03 Tetor 2022

Kërkohet tërheqja e investimeve të huaja në vendin tonë

Prishtinë, 1 gusht – Kryetari i Odës Ekonomike të Kosovës, Lulzim Rafuna, ka pritur në takimin e parë Drejtorin Ekzekutiv të Odës Ekonomike Amerikane në Kosovë, Arian Zeka, me të cilin diskutoi për thellimin e bashkëpunimit në mes të Odës Ekonomike të Kosovës dhe Odës Ekonomike Amerikane në Kosovë në interes të biznesit vendor. 

Kryetari Rafuna u shpreh mirënjohës për bashkëpunimin e deritanishëm me Odën Ekonomike Amerikane në Kosovë dhe mirëpriti mundësitë për të thelluar këtë bashkëpunim.

Gjatë takimit u diskutua edhe për sfidat dhe nevojat e biznesit në Republikën e Kosovës si dhe promovimin e mundësive për tërheqje të investimeve të huaja në vendin tonë.

Kryetari i Odës Ekonomike të Kosovës, Lulzim Rafuna, dhe Drejtori Ekzekutiv i Odës Ekonomike Amerikane në Kosovë, Arian Zeka, u pajtuan që të kenë takime të rregullta me bizneset e dy odave për identifikimin e çështjeve me të cilat përballet sektori privat në Kosovë, avokim të përbashkët për përmirësimin e klimës së të bërit biznes në Kosovë, si dhe tejkalimin e barrierave në tregtimin përtej kufijve.

 

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)