15 Dhjetor 2018

Ekonomia shqiptare po e nis këtë vit pa asnjë investim të huaj

Tiranë, 6 janar - Ekonomia shqiptare po e nis këtë vit pa asnjë investim të huaj domethënës dhe me një klimë të rënduar biznesi.

Vëzhgues të saj pohojnë se pesimizmi ka përfshirë kompanitë prodhuese, sistemin bankar dhe vetë banorët, që po emigrojnë nga vendi.

Ekonomia shqiptare po e nis këtë vit pa asnjë investim të huaj domethënës dhe me një klimë të rënduar biznesi.

Vëzhgues të saj pohojnë se mungesa e optimizmit ka përfshirë kompanitë prodhuese, sistemin bankar, edhe vetë banorët, që po emigrojnë nga vendi.

Emigrimi renditet si problem i parë për ekonominë, nga Gjergj Erebara, analist i rrjetit investigativ të lajmeve BIRN.

Ai thotë se përherë e më shumë njerëz po e braktisin Shqipërinë, duke e zbrazur nga fuqia punëtore, nga konsumi dhe nga kursimet.

Qendra për Kërkime Ekonomike sapo ka mbyllur një studim mbi gjendjen aktuale të ekonomisë dhe, sipas drejtuesit të saj Zef Preçi, sfidat kryesore mbeten barra e rëndë fiskale e korrupsioni si dhe përmirësimi i klimës së pafavorshme të biznesit që ndihet në vend.

Problemi kryesor, sipas zotit Erebara, mbetet aftësia e qeverisë për të shpenzuar buxhetin e shtetit në mënyrën e duhur çdo muaj dhe jo vetëm në dhjetor.

Shpenzimi i buxhetit po bëhet kryesisht me koncensione dhe jo me investime publike direkte në objekte të domosdoshme. E njëjta gjendje e nderë është edhe nëpër banka, ku kredia për ekonominë ka rritje zero dhe kursimet janë në nivele minimale.

Konkurrenca e pandershme po pengon ndjeshëm ekonominë, dhe masat shtesë kundër informalitetit kanë goditur pjesën më të varfër të bizneseve, ndërkohë që bizneset e mëdha vazhdojnë të bëjnë shkelje dhe evazion të përmasave të ndjeshme, sepse janë të lidhur me politikanët.

Ndryshimi i shpeshtë i ligjeve ekonomike është një problem më vete për bizneset, sepse nuk projektojnë dot asgjë me këtë paqëndrueshmëri ligjore.

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)