New Delhi, 1 dhjetor - Të dhënat e publikuara nga Zyra Qendrore e Statistikave e Indisë të enjten tregojnë se gjatë tremujorit të dytë të vitit fiskal 2017-2018 ekonomia indiane është rritur 6.3 %.

Në tremujorin e parë të vitit fiskal, rritja e ekonomisë indiane ishte 5.7 %, niveli më i ulët gjatë tre vjetëve të fundit.

Që nga prilli i vitit 2016, ritmet e rritjes së ekonomisë indiane kanë pasur ulje për disa muaj me radhë.

Analistët mendojnë se rritja e tanishme ka ardhur nga faktorë të tillë si ndikimi i reformës së taksave për mallrat dhe shërbimet etj.

Sipas të dhënave nga Ministria e Financës e Indisë, për shkak të uljes së të ardhurave fiskale dhe rritjes së shpenzimeve, deri në fund të tetorit, deficiti fiskal i Indisë ka arritur në 96.1 % të buxhetit, në krahasim me 79.3 % që ishte gjatë vitit të kaluar fiskal. (